නිරෝගී කෙස් කලඹකට රූපලාවණ්‍ය සත්කාර
සොඳුරු රුවකින් අගතැන්පත් යුවතියකගේ වරලස ඇගේ සුන්දරත්වය වඩාත් ඉස්මතු කරන්නකි. එනිසාම ඔබ හිසකෙස් පිළිබඳ වැඩි උනන්දුවක් දක්වන බවත් නොරහසකි. මේ කෙසේ වෙතත් ජානමය හෝ වෙනත් බලපෑම් නිසා කෙස් ගසට හානි වන අවස්ථා නම් බොහොමයි. එලෙස හානි වූ හිසකෙස් හඳුනා ගනිමින් ඒවාට කළ යුතු නිසි පිළියම් ගැනත් දැන ගැනීම වැදගත්ය.
නිරෝගී කෙස් කලඹක් මෙන්ම පලදු වූ වරලසක් හිමිවීමට විවිධ හේතූන් රාශියක් ඇත. මෙහි ඇතැම් දේ පාලනය කර ගත හැකි වුවත් උපතින්ම ගෙන එන ජානමය ලක්‍ෂණ නම් වෙනස් කිරීමට නොහැකි අවස්ථාද ඇත. එනිසා පළමුව කොණ්ඩයට හානි වන අවස්ථාවන් හඳුනාගත යුතු වේ. ස්වාභාවික හෝ අප විසින් දැනුම්වත්ව හෝ නොදැනුම්වත්ව කරන වැරැදි පිළිවෙත් මගින්ද කොණ්ඩයට හානිවන අවස්ථා ඇත.
ස්වාභාවිකව හානි වන අවස්ථා :
- ඇතැම් විට ජානමය බලපෑම් නිසා ඔබට උපතින්ම පලුදු වූ වරලසක් හිමි වීමට හැකිය.
- කෙස් ගසට නිසි පෝෂණයක් නොමැතිකම.
- කෙස් ගසට අවශ්‍ය සත්කාරයන් නිසි ලෙස නොකිරීම නිසා.
- නිසි රුධිර ගමනාගමනයක් නොමැති වීම.
- තද අව් රශ්මියට නිතර හිස නිරාවරණය වීම.
- නිතර මුහුදු ජලයෙන් හා ක්ලෝරීන් මිශ්‍රිත ජලයෙන් ස්නානය කිරීම.
මෙලෙස ඔබේ හිස කෙස් පලුදු වීමට ඉහත කී කාරණාවන් ඉවහල් විය හැකිය. එපමණක්ද නොව කෘත්‍රිමව ඔබේ වරලසෙහි සුන්දරත්වය වැඩි කිරීමට සිදුකරන අනිසි ක්‍රියාවන්ද හානි වූ හිසකෙස්වලට ප්‍රධාන හේතුවකි. මෙවන් ක්‍රියාවන්ගෙන් ඇතැම් විට ඔබට උපතින්ම හිමි වූ නිරෝගී කෙස් කලඹ පලුදු වීමට ලක්වන අවස්ථා ඇත. එහෙයින් මේ පිළිබඳ සැලකිලිමත් විය යුතුය.
කෘත්‍රිමව වරලසට හානිවන අවස්ථා :
- නවීන විලාසිතාවන්ට අනුව කොණ්ඩය වර්ණ ගැන්වීමේදී.
- ෆර්ම් කිරීමේදී
- ස්ට්‍රේට් කිරීමේදී යොදා ගන්නා රසායන ද්‍රව්‍ය මගින්ද හානි සිදුවේ. මෙවන් දේ සිදුවන්නේ නොගැළපෙන රසායන ද්‍රව්‍ය, එසේත් නොමැති නම් කල් ඉකුත් වූ ප්‍රමිතිගත නොවූ නිෂ්පාදන භාවිත කිරීමෙනි. එසේ වීමට පළපුරුදු කේශලාවණ්‍ය ශිල්පියකු තෝරාගැනීමට ඔබ වගබලා ගත යුතුය. නැත්නම් නිවැරැදි අවබෝධයකින් තොරව හිස කෙස් සඳහා භාවිත කරන රසායන ද්‍රව්‍යයන්ගේ ප්‍රතික්‍රියාවන් නිසා අනිසි ඵල අත්විඳීමට සිදුවේ.
- දුර්වල හිසකෙස් මතට රසායන ද්‍රව්‍ය භාවිත කිරීමේදී
- හිස කෙස් වර්ණ ගන්වන විට හිස කෙස්වල ඇති මෙලනින් වර්ණකය පිලිස්සීමට ලක් කරයි. එය ක්‍රමානුකූලව නොකිරීමෙන් හානි සිදුවේ.
- විවිධ අවස්ථාවන්වලදී දැඩි රශ්මියට කිසිදු ආවරණයකින් තොරව හිසකෙස් නිරාවරණය වීමෙන්ද මෙවන් තත්ත්ව ඇතිවේ. එනම්... වැඩි උෂ්ණත්වය යටතේ යන්ත්‍ර භාවිතයෙන් හිසකෙස් වියැළීමේදී, කොණ්ඩයට විලාසිතා කිරීමේදී අයන් කිරීම (කොණ්ඩය රැලි ගන්වා ගැනීමේදී)
- මෙවන් හේතුන් නිසා කොණ්ඩයට අස්වාභාවික ලෙස හානි වීමට පුළුවන. එනිසා මෙවන් දේ සිදු කිරීමට පෙර හිසට ආවරණයක් ලෙසට ආලේපන ගැල්වීම වඩාත් සුදුසුය. ඔබේ හිසකෙස් හඳුනා ගනිමින් නිසි ීය්පචදද හා ක‍දබාසඑසදබැර භාවිතය මෙහිදී වැදගත්ය.
- කොණ්ඩ විලාසිතාවලින් හැඩවෙන අවස්ථාවන්වලදී අනවශ්‍ය ලෙස හිසකෙස් ගැට ගැසීමට රබර් බෑන්ඩ්, තියුණු කටු වර්ග, ප්‍රමිතියෙන් තොර ජෙල් වර්ග (කල් ඉකුත් වූ) අනිසි ලෙස භාවිත කිරීමෙන් හිසකෙස් පීඩනයට ලක්ව හානි සිදුවීමට හැකිය.
- වැරැදි ආකාරයට කොණ්ඩය ඉ්ජන ජදපඉ කිරීම නිසාද හිසකෙස් ගැට ගැසී කැඩී යන අවස්ථාද ඇත.
- හිස් කබලට තෙල් සාත්තු සිදු කිරීමේදී නිසි අවබෝධයක් නොමැතිකම නිසාද හානි විය හැකිය.
- හිස කෙස් විලාසිතා කිරීමේදී පිටතින් එක් කර ගන්නා කෙස් කොටස් ය්සර ැංඑැබඑසදබ ගැලවීමේදී ද කෙස් කැඩී ගොස් හානි සිදුවීමට හැකිය.
- හවරි භාවිතයේදී පිරිසුදුව ක්‍රමානුකූලව නිසි ලෙස සිදු නොවීම නිසාද හිස කෙස්වලට හානි වේ.
මේ ආකාරයට ඔබේ හිස කෙස් හානිවීමට පෙර නිසි සත්කාරයක් සිදුකර ඒවා ආරක්‍ෂා කිරීමට නිසි පිළියම් යෙදීම වැදගත්ය.
- පෝෂ්‍යදායී ආහාර වේලක් ලබාගැනීම
- හිස් කබලට තෙල් සාත්තු කිරීම.
- හිස් කෙස් සඳහා කළ හැකි සත්කාරයන්ට යොමුවීම.
- එනම් තෙල් සත්කාර, ප්‍රෝටීන් සත්කාර, ජදබාසඑසදබැර හා හෙනා සත්කාර ඒ අතර වේ.
- හොඳ රුධිර ගමනාගමනයක් සිදු වීමට හිස හොඳින් සම්බාහනය කිරීම.
- තද අව් රශ්මියට නිරාවරණය වීමෙන් වැළැකීම.
- මුහුදු ජලය හෝ ක්ලෝරීන් මිශ්‍රිත ජලයෙන් ස්නානය නොකිරීම.
හිස කෙස් පීරීමේදී ද හිස කෙස්වලට හානි සිදුවිය හැකිය. හිස කෙස් පීරීමේදී පළමුව අතින් ගැට ඉවත් කර පසුව පනාවකින් පීරීම කළහොත් මෙය තරමක් දුරට හෝ වළකාගත හැකිය. හිස කෙස් විලාසිතා කිරීමේදී භාවිත කරන සිලිකන් ඔයිල්, ජෙල් වර්ග, මූස් වර්ග, වැක්ස් ආදී සියල්ල ප්‍රමිතිගත, කල් ඉකුත් නොවූ ආලේපන විය යුතුය. මේ සියලු කාරණා සැලකිල්ලට ගත්විට හිස කෙස් හඳුනාගනිමින් නිවැරැදි ිය්පචදද, ජදබාසඑසදබැර භාවිත කරමින් නිරෝගී දිදුලන වරලසක් හිමි කර ගැනීමට ඔබත් උත්සාහ කරන්න.
ප්‍රවීණ රූපලාවණ්‍ය ශිල්පිනී ජීවන ශ්‍රී සිංහ රන්මලී ගුණවර්ධනඋපුටා ගැනීම මව්බිම
