සතියකින් රාත්තල් 10ක් බර අඩුකරන විස්මිත පානයක්
සිහින් නිරෝගී හැඩැති සිරුරක් ලබා ගැනීමට අපි කවුරුත් කැමැතියි. විශේෂයෙන්ම කාන්තා පාර්ශ්වය යනු තම සිරුරේ හැඩය පිළිබඳව වැඩි සැලකිල්ලක් දක්වන පිරිසකි. හැඩැති, නිරෝගී සිහින් සිරුරක් කියන්නේම ඔබගේ පෞරුෂත්වය වැඩි දියුණු කොට පෙන්විය හැකි තවත් එක් විශේෂිත අංගයකි. ඔබ කාන්තාවක් නම් ඔබගේ ශරීරයේ හැඩය මනාව ඉස්මතු කොට පෙන්වීමටත්, ඔබ අඳින ඇඳුම්, පැලඳුම්වල සැබෑ ලස්සන වැඩිකොට පෙන්වීමටත් හැඩැති සිරුරකට හැකියාව පවතී. සිරුරේ හැඩය නිසි අයුරින් පවත්වාගෙන යෑමට ඇති ප්‍රධානතම බාධකයක් වන්නේ සිරුරේ විවිධ ස්ථානවල අනවශ්‍ය ආකාරයට මේදය තැන්පත්වීමයි.
මේ අතරින් උදරය ප්‍රදේශයේ අනවශ්‍ය මේදය වැඩි වශයෙන් තැන්පත් වීම දැකිය හැකිය. ඊට අමතරව කලවා ප්‍රදේශය, පසුපස ප්‍රදේශය, ඉණ දෙපස, දෑත්වල, යටි බාහු ප්‍රදේශය තුළ මේ අයුරින් අනවශ්‍ය මේදය, වැඩි වශයෙන් තැන්පත්වීම සිදුවේ. එසේ නම් අද අපි ඔබ වෙතට ගෙන එන්නේ සිරුරේ විවිධ ස්ථානවල තැන්පත්වන අනවශ්‍ය මේදය පහසුවෙන් දහනය කළ හැකි විස්මිත පානයක් පිළිබඳවයි. මෙම පානය රාත්‍රි නින්දට යෑමට පෙර පානය කිරීමෙන් ඔබට සාර්ථක ප්‍රතිඵල ලබා ගත හැකිය. එසේනම් මේ විශේෂ පානය සකස් කර ගැනීමට අවශ්‍ය වන අමුද්‍රව්‍ය හා එය සකස් කර ගන්නා ආකාරය පහතින් කියවා බලමු.
බර අඩු කරන විස්මිත පානය:
අවශ්‍ය අමුද්‍රව්‍ය:
- ඇපල් සයිඩර් විනාකිරි තේ හැඳි 2ක්
- ලෙමන් යුෂ තේ හැඳි 2ක්
- පිරිසුදු නැවුම් මී පැණි තේ හැඳි 1ක්
- කුරුඳු කුඩු තේ හැඳි 1ක්
- මඳ උණුසුම් ජලය වීදුරුවක්
සාදා ගන්නා ආකාරය දැන් අපි බලමු:
ඉහත ද්‍රව්‍ය සියල්ල ජලය වීදුරුවකට එකතු කොට හොඳින් මිශ්‍ර කරන්න. මෙම පානය දිනපතා රාත්‍රි නින්දට යෑමට පෙර පානය කරන්න. මෙම පානය නොකඩවා සතියක පමණ කාලයක් ලබා ගැනීමෙන් ඔබටම සිතාගත නොහැකි වෙනසක් අත්විඳිය හැකි බව නම් නොවනුමානයි. මෙම පානය නොකඩවා දින 7ක් පානය කිරීමෙන් සතියක් ඇතුළත ඔබගේ බරින් රාත්තල් 10ක පමණ ප්‍රමාණයක් අඩුවීම මෙහි ඇති සුවිශේෂී කාරණාවයි.
උපුටා ගැනීම මව්බිම
