හිසේ සිට පාදාන්තය දක්වා ලස්සන කරන ඔලිව් තෙල්

වෙනදා වගේ නිතරම සැලෝන් එකට දුවන්න පුළුවන් කාලයක් නෙවෙයිනෙ මේ ගෙවෙන්නෙ. නමුත් කොයිතරම් අමාරු කාලයක් වුණත් සෑම කාන්තාවක්ම තමන්ගෙ රූපය ගැන බොහොම සැලකිලිමත් වෙනවා. ඒ නිසාම අද අපි කියන්නේ ඔලිව් තෙල්වලින් ලස්සන වෙන ක්‍රම කිහිපයක්.

දිදුලන කෙස් කලඹකට : 

ඔලිව් තෙල් වියළි හිසකෙස් සිනිදු කරන්න හොඳ ප්‍රතිකාරකයක්. ඔලිව් තෙල් ස්වල්පයක් අත්ලේ අතුල්ලා හිසකෙස් මත සුමටව දෑත් ගෙන යන්න.

දිදුලන සමකට :

ඔලිව් තෙල් මේස හැන්දක කපු රෙදි කැබැල්ලක් ගිල්වා එය ඔබේ මුහුණේ ආලේප කරන්න. එය ඔබේ සමට පෝෂණයක් ලබා දෙමින් ඔබට දිදුලන සමක් ලබා දේවි.

ස්ට්‍රෙච් මාර්ක් ඉවත් කිරීමට :

සම නැවත යථා තත්ත්වයට පත්කර ගැනීම සඳහා අවම වශයෙන් සතියකට 03න් වතාවක් මුහුණේ ස්ට්‍රෙච් මාර්ක්ස් ඇති ප්‍රදේශවල ඔලිව් තෙල් ආලේප කර සම්බාහනය කරන්න.

සිනිදු දෙපා සඳහා : 

අනවශ්‍ය රෝම ඉවත් කිරීමට පෙර කකුල්වල ඔලිව් තෙල් ආලේප කරන්න. මෙම ස්වාභාවික ලිහිසි තෙල් ආධාරයෙන් රේසර්වලින් සිදුවන කැපුම්, ගැටිති වළක්වා සිනිදු පාද යුගලක් ලබාදෙනු ඇත.

නිය වර්ධනයට : 

සතියකට වරක් විනාඩි 10ක් පමණ නියපොතු ඔලිව් තෙල්වල ගිල්වාගෙන සිටින්න.

මෘදු දෙතොල් සඳහා : 

ඔලිව් තෙල් තේ හැන්දක් සමඟ සීනි ස්වල්පයක් මිශ්‍ර කර තොල්වල ආලේප කරන්න.

උපුටා ගැනීම මව්බිම