ස්වභාවිකවම ඉක්මනින් කොණ්ඩය දික් කරගන්නද ඕන

අපි හැමෝම කැමතියි ලස්සනට ( Beauty ) ඉන්න. අපේ මුහුණ වගේම කොණ්ඩය ලස්සනට තියාගන්න අපි කවුරුත් කැමතියිනේ. ඉතින් අපි මේ කියන්න හදන්නේ ගෙදර තිබෙන ළුණු භාවිතා කරලා ඔබේ කොණ්ඩය දික් කරගන්නේ කොහොමද කියලා.

අප නිතර ගෙදරදී ආහාරයට එක් කරන මේ ළුණු වල අඩු කැලරි ප්‍රමාණයක් සහ විටමින්, මිනරල්, ඇන්ටිඔක්සයිඩ් අන්තරගතව තිබෙන බව ඔබ දන්නවා ද? තවද කැල්සියම්, අයන්, මැග්නීසියම්, පොස්පරස්, පොටෑසියම්, සල්ෆර් මඳ වශයෙන් අන්තර්ගතව තිබෙනවා. ළුණු වල ඇති විටමින් C ශරීරයේ ප්‍රතිශක්තිකරණය වැඩි වීමට ඉවහල් වෙනවා. ඒ වගේම දියවැඩියා පාලනයට, විවිධ ස්ථාන වල ඇතිවන ඉදිමීම් තත්වයන් වලට ද ගුණදායක වෙනවා.

ළුණු භාවිතා කරලා ඉක්මනින් කොණ්ඩය දික් කරගන්නේ මෙන්න මේ විදිහට. ළුණු භාවිතා කර ඔබට ගෙදරදීම සාදා ගන්න පුළුවන් ඔබේ කොණ්ඩය දික් කරගන්න බෙහෙතක් තමයි අපි මේ නිතරම ආහාරයට ගන්නා ළුණු කියන්නේ. ඔබටත් ඔබේ කොණ්ඩය දික් කරගැන්මට අවශ්‍ය නම් , ඒ සඳහා ඔබ පහත පියවරයන් අනුගමනය කරන්න.

ළුණු ගෙඩියක් ගෙන පොතු ඉවත් කර හොඳින් සෝදා ගන්න. එය සාමාන්‍ය පොඩි කැබලි වලට කපා ගන්න. කපා ගත ලුනු ටික බ්ලෙන්ඩරයකට දමා හොඳින් අඹරා ගන්න. අඹරා ගත මිශ්‍රණය රෙදි කැබැල්ලක් මඟින් හොඳින් පෙරා යුෂ ඉවත් කර ගන්න. එම යුෂ ඔබේ කොණ්ඩයේ හොඳින් ආලේප කරන්න. ඉන් පසුව හොඳින් මසාජ් කරන්න. විනාඩි 20 කට පසුව සෞම්‍ය ෂැම්පු එකක් භාවිතා කර සෝදා හරින්න. මෙම ක්‍රමය සතියකට වතාවක් හෝ දෙවතාවක් කිරීමෙන් ඔබට ඉක්මනින් සාර්ථක ප්‍රතිඵල ලබා ගත හැකියි.