අනවශ්‍ය විදියට ශරීරයේ රෝම වැවෙනවනම් රෝම කරදරෙන් මිදෙන්න මෙන්න ගෑණු ළමයින්ට නියම ක්‍රමයක්
ගෑණු ලමයින්ට තියන ලොකුම ගැටළුවක් තමයි අනවශ්‍ය විදියට රෝම වැවෙන එක. කාන්තාවන්ට නිරන්තරයෙන්ම මුහුණදීමට වෙන කරදරයක් තමයි අනවශ්‍ය ලෙස රෝම වැවීම. අත්වල, කකුලේ, මුහුණේ සහ පිටේ රෝම වැවීම නිසා නිරන්තරයෙන් සැලෝන් වලට ගිහින් සල්ලි වියදම් කර හෝ ගෙදර ගෙනවිත් කෘතීම ආලේපන වල පිහිට පැතීමට සිදු වෙනවා. ඔන්න එහෙනම් ඔයාලට අද කියන්නේ පැරණි වගේම ගෙදරදී හදා ගන්න පුළුවන් ඒ වගේම වියදම් බොහොම අඩු සහ ශරීරයට අහිතකර නොවන රෝම ඉවත් කිරීමේ ක්‍රම කීපයක් ගැන.
මුහුණේ රෝම ඉවත් කිරීමට සිනි සහ ලෙමන් මිශ්‍රණය :
ලෙමන් යුෂ සමග සිනි මිශ්‍ර කර මුහුණේ අලේප කිරීමෙන් මැරුණු සම ගැලවී සම පැහැපත් වන අතරම, ලෙමන් යුෂ මගින් රෝම වල හහයද අඩු කරනවා. මුහුණේ වගේම ශරීරයේ අනිත් තැන්වලද අලේප කරන්න පුළුවන්. නමුත් සංවේදී තැන්වල ගලවන්න එපා.
අවශ්‍ය දේ :
- සිනි මේස හැදී 2ක්
- වතුර මේස හැදී 10ක්
- ලෙමන් යුෂ මේස හැදී 2ක්
- කුඩා කෝප්පයක්
කෝප්පයට සිනි සහ වතුර එකතුකර මිශ්‍ර කර ගන්න. ඉන්පසු ලෙමන් යුෂද එකතු කරගන්න. රෝම වැවිල ඇති දිශාවට මිශ්‍රණය මුහුණේ අලේප කරන්න. විනාඩි 15-20 තියෙන්නට හැර මෘදුව අතුල්ලමින් සෝදා හරින්න. සතියට 2-3 සැරයක් කිරීමෙන් රෝම වැවීම අඩුවන බව බලා ගන්න පුළුවන්.
අත්වල සහ කකුලේ රෝම ඉවත් කිරීමට සිනි, මීපැණි සහ ලෙමන් මිශ්‍රණය :
සිනි, මීපැණි සහ ලෙමන් මිශ්‍ර කර ගැලවීම රෝම ඉවත් කිරීමට හොද ක්‍රමයක් වේ. සුළුවට රිදුනත් මෙම ක්‍රමය වැක්ස් කිරීමෙන් සමාන ප්‍රතිපල ලබා ගන්න පුළුවන්.
අවශ්‍ය දේ :
- සිනි මේස හැදී 1ක්
- ලෙමන් යුෂ මේස හැදී 1ක්
- මීපැණි මෙසහැදී 1ක්
- වතුර ටිකක්
- කොන් පිටි මේස හැදී 1-2ක්
- පිරිසිදු රෙදි කඩක්
- පැතලි පිහියක් (බටර් පිහියක්)
- කුඩා කෝප්පයක්
කෝප්පයට සිනි, මීපැණි සහ ලෙමන් යුෂ එකතු කර මිශ්‍ර කර ගන්න. මිශ්‍රණය ලිපේ තබා විනාඩි 3ක් රත් කර ගන්න. මෙමගින් මිශ්‍රණය හොදින් අලේප කරගත හැකි ලෙස සැදේ.මෙය හුගක් දැඩි ලෙස තියෙනවා නම් විට ටිකක් එකතු කරගන්න. සාමාන්‍ය කාමර උෂ්ණත්වයට සිසිල් කර ගන්න. ගැලවීමට අවශ්‍ය තැන හොදින් සෝදා පිරිසිදු කර කොන් පිටි ටිකක් ගලවා ගන්න. බටර් පිහිය ආධාරයෙන් මිශ්‍රණය අවශ්‍ය තැන්වල රෝම වැවෙන දිශාවට ගාගන්න. ඉන්පසු රෙදි කැබැල්ලකින් ආවරණය කර තද කරන්න. මෙයින් රෙදි කඩ මිශ්‍රණය සහ සම මත හොදින් ඇලේ. රෙදි කඩ රෝම වැවෙන පැත්තට විරුද්ධ දිශාවට අදින්න. රෝම ගැලවී යයි.
පරිප්පු සහ අල :
අල පරිප්පු සමග මිශ්‍ර කර ගත්තම රෝම ගැලව ගැනීමට කදිම සංයෝගයක් සදා ගන්න පුළුවන්. අලවල ස්වභාවික සුදු කිරීමේ ගුණ අඩංගු වෙනවා. මුහුණේ වුවත් ගැලවිය හැකියි.
අවශ්‍ය දේ :
- අල ගෙඩි 1ක්
- පරිප්පු කෝප්ප 1ක්
- මීපැණි මේස හැදී 1ක්
- ලෙමන් යුෂ මේස හැදී 4ක්
- පෙනේරයක්.
පරිප්පු ටික රැයක් වතුරේ දමා පොගවා ගත යුතුයි. අල ගෙඩිය පොතු ගලවා පොඩි කර ගන්න. එය කුඩා කෝප්පයකට දමන්න. වතුර බේරා ගත පරිප්පු පල්පයක් වෙන්නට අඹරා ගන්න. කලින් පොදිකරගත් අල ගෙඩිය මිරිකා යුෂ ලබා ගෙන එය අඹරා ගත පරිප්පි වලට එකතු කර ගන්න. මෙයටම මීපැණි සහ නැවුම් ලෙමන් යුෂ එකතු කර ගන්න. සදා ගත් මිශ්‍රණය මුහුණේ හෝ අවශ්‍ය තැන්වල ආලේප කර හොදින් වේලීමට විනාඩි 20-30ක් සිටින්න. ඇගිලි වලින් අතුල්ලමින් ආලේපය ඉවත් කරන්න. එවිට වියලි පරිප්පු ආලේපය සමග රොමද ගැලවී එනු ඇත. දවසක් හැර දවසක් මේ ආකාරයට කිරීමෙන් අනවශ්‍ය රෝම මුළුමනින්ම ඉවත් කර ගන්න පුළුවන්.
මුහුණේ රෝම ඉවත් කරන බිත්තර ආවරණය :
සිනි, මීපැණි සහ ලෙමන් මිශ්‍රණය වගේම බිත්තර සුදු මදයද ඇලෙන සුළු නිසා වියලි ගිය පසු රෝම ලේසියෙන්ම ඉවත් කර ගන්න පුළුවන්.
අවශ්‍ය දේ :
- කොන් පිටි මේස හැදී භාගයක්
- බිත්තර 1ක්
- සිනි මේස හැදී 1ක්
- කුඩා කෝප්පයක්
බිත්තරයෙන් සුදු මදය වෙන්කර ඒක කෝප්පයට දමන්න. සිනි සහ කොන් පිටි එකතු කර ආලේපනයක් වන තෙක් හැදී ගාගන්න. මුහුණේ අලේප කර විනාඩි 20-30 වේලීමට සිටින්න. හොදින් වියලුනාට පස්සේ රෝම ගැලවී එන ලෙස ආලේපනය ඇද දමමින් ගලවන්න. සතියට 2-3 සැරයක් කිරීමෙන් අනවශ්‍ය රෝම මුළුමනින්ම ඉවත් කර ගන්න ඔයාටත් පුළුවන් වේවි.
