රන්වන් පැහැ නිරෝගී සමක් සතියකින් ලබා දෙන විස්මිත ආයුර්වේදීය සත්කාර
ආයුර්වේදයේ සියලුම රෝගයන් උදෙසා විස්මිත වූ ප්‍රතිකාරයන් ඇත්තා සේම පැහැපත් නිරෝගී සමක් ලබාගැනීම උදෙසා තිබෙන සත්කාරයන්ද අසීමිතයි. බොහෝ දෙනා සමේ නිරෝගී භාවය ලෙසින් සලකන්නේ සම සුදු පැහැති වීමයි. නමුත් සම පෝෂණය වී සම පැහැපත්ව නිරෝගීවීම තුළින් ඔබගේ සමේ සැබෑ සුන්දරත්වය මතු කර ගැනීමට ඔබට හැකියාව ලැබෙන බැව් කිව යුතුයි.
අප රටේ යුවතියන් සුදුවීම උදෙසා බ්ලීචිං ක්‍රීම්, එන්නත් වැනි දෑ භාවිත කිරීම වර්තමානයේ ප්‍රවණතාවක් ලෙස දක්නට ලැබෙනවා. නමුත් අතුරු ආබාධ නොමැති ආයුර්වේදී සත්කාරයන් පිළිබඳව අද ලොව වෙනත් රටවල බොහෝ දෙනාගේ අවධානය යොමු වී තිබෙනවා.
ආයුර්වේදීය සත්කාරයන් ඔස්සේ සතියකින් පැහැපත් සමක් ලබාගන්නා ආකාරය පිළිබඳව අප අද සාකච්ඡා කරමු. නියමිත ලෙස කැපවීමෙන් මෙම සත්කාර කරන්නේ නම් අතුරු ආබාධයන්ට ලක්නොවී ඉතා පහසුවෙන්ම සුන්දර නිරෝගිමත් සමක හිමිකාරිය වීමට ඔබට හැකියාව ලැබෙනු ඇත.
සඳුදාඋදෑසන අවදි වූ පසු කොළ කැඳ වීදුරුවක් පානය කරන්න. සඳුදා දිනයේදී මුහුණේ සිට දෙපතුල දක්වා මී පැණි ආලේප කරන්න. මී පැණි තෝරා ගැනීමේදී ඉතා නැවුම් මී පැණි තෝරාගත යුතුයි. මී පැණි ආලේප කර මුළු සිරුරම හොඳින් සම්බාහනය කරන්න. මී පැණි සමට උරාගන්නා තුරු සම්බාහනය කර උණුසුම් ජලයෙන් සෝදාහරින්න.
අඟහරුවාදාඋදෑසන අවදි වී අඹ යුෂ වීදුරුවක් පානය කරන්න. අඟහරුවාදා දින සමට කිසිවක් ආලේප නොකොට සම විවේකීව තැබිය යුතුයි.
බදාදාඋදෑසන කොළ කැඳ වීදුරු 1ක් පානය කරන්න. විවේකී වේලාවක් තෝරාගෙන සුදු හඳුන්, රත් හඳුන්, වැල්මදට කුඩු සමාන ප්‍රමාණවලින් ගෙන ජලය සමඟ මිශ්‍ර කර මුහුණේ සිට දෙපතුල දක්ව ආලේප කර විනාඩි 10ක් තබා විනාඩි 5ක් පමණ ස්ක්‍රබ් කර සෝදාහරින්න.
බ්‍රහස්පතින්දාඋදෑසන කැරට් යුෂ වීදුරුවක් පානය කරන්න. බ්‍රහස්පතින්දා සම විවේකීව තැබිය යුතුයි.
සිකුරාදා උදෑසන කොළ කැඳ වීදුරුවක් පානය කරන්න. විවේකී කාලයකදී ආමන්ඩ් තෙල් මුහුණේ සිට දෙපතුල දක්වා ආලේප කර විනාඩි 10ක් සම්බාහනය කරන්න. ඉන්පසු උණුසුම් ජලයෙන් සෝදාහරින්න.
සෙනසුරාදාඋදෑසන කැරට් යුෂ පානය කර සම විවේකීව තබන්න.
ඉරිදාලෙමන් ගෙඩි 1ක් මී පැණි තේ හැඳි 1ක් දමා පානය කරන්න. කිරිබත් එළකිරි සමඟ මිශ්‍ර කර හිසේ සිට පාදාන්තය දක්වා ආලේප කොට විනාඩි 30ක් තබා සෝදාහරින්න.
සතිපතා මෙම සත්කාරයන් මෙලෙස සිදු කරන්නේ නම් ඔබ නොසිතන ආකාරයේ පැහැපත් සමක් ලබාගැනීමට ඔබට හැකි වනු නිසැකයි.
උපුටා ගැනීම මව්බිම
සිහින් නිරෝගී හැඩැති සිරුරක් ලබා ගැනීමට අපි කවුරුත් කැමැතියි. විශේෂයෙන්ම කාන්තා පාර්ශ්වය යනු තම සිරුරේ හැඩය පිළිබඳව වැඩි සැලකිල්ලක් දක්වන පිරිසකි....
ඕනෑම රටක සංස්කෘතිය, ජාතිකත්වය සහ දේශීයත්වය කැපි පෙනෙන්නේ ඒ රටෙහි කාන්තාවන්ගෙනි. නමුත් සමාජ දියුණුවත් සමඟ ම පුරුෂ පාර්ශ්වයේ වගේම කාන්තා පාර්ශ්වයේද...
අපේ ශරීරයේ හැම ක්‍රියාවක්ම පාලනය වෙන්නේ හෝමෝන මඟින්. අනවශ්‍ය රෝම කියන්නෙත් හෝමෝනවල අහිතකර බලපෑමක්. අපේ ඇඟේ ස්ත්‍රී හෝමෝන වගේම පුරුෂ හෝමෝනත්...
සුන්දරව සිටීමට සෑම යුවතියක්ම වෙහෙසෙනවා. එනිසාම විලාසිතා කෙරෙහිද දක්වන්නේ විශේෂ ඇල්මකි. නමුත් ඔබේ ශරීරයේ අධික තරබාරු ගතිය හෝ සිහින් බව විලාසිතා...
ජෙල්, මූස්‌ සහ හෙයාර් ස්‌ප්‍රේ නිවැරදිව භාවිත කරන්නේ කොහොමද? ප්‍රවීණ හිසකෙස්‌ සැකසුම් සහ රූපලාවන්‍ය ශිල්පී රම්සි රහුමාන් අප රටේ ප්‍රවීණ ශිල්පියෙක්‌....
පැහැපත් සමක් යනු අප සෑම දෙනාගේම සිහිනයක්. ඒ වෙනුවෙන් අප නොකරන දෙයක් නැති තරම්. විවිධ දේවල් අත්හදා බැලුවත් විටෙක ඒවා අසාර්ථක...
