ජෙල්, මූස්‌ සහ හෙයාර් ස්‌ප්‍රේ නිවැරදිව භාවිත කරන්නේ කොහොමද?
ජෙල්, මූස්‌ සහ හෙයාර් ස්‌ප්‍රේ නිවැරදිව භාවිත කරන්නේ කොහොමද? ප්‍රවීණ හිසකෙස් සැකසුම් සහ රූපලාවන්‍ය ශිල්පී රම්සි රහුමාන් අප රටේ ප්‍රවීණ ශිල්පියෙක්‌. හිසකෙස් සැකසුම් එනම් කොණ්‌ඩා මෝස්‌තර දැමීම සඳහා සැබැවින්ම ඔහු තුළ ඇත්තේ හසල දැනීමක්‌. ප්‍රවීණ හිසකෙස් සැකසුම් සහ රූපලාවන්‍ය ශිල්පි රම්සි රහුමාන් මෑතකදී නවලිය සහ ඩ්‍රීම්රෝන් බියුටි කොලේඡ් සමග එක්‌ව තවත් අපූරු වැඩමුළුවක්‌ පැවැත්වූවා. ඒ කුරුණෑගල නගරයේදී. වැඩමුළුවට රූපලාවන්‍ය ශිල්පීන්, රූපලාවන්‍ය ඉගෙනීමට කැමැත්තක්‌ දක්‌වන යුවතියන් මෙන්ම ගෘහනියන්ද එක්‌වී සිටියේ මේ ප්‍රවීණ ශිල්පියාගේ දැනුම ලබා ගන්නටයි. හිසකෙස් සැකසුම සහ හිසකෙස් ආරක්ෂා කර ගැනීම සම්බන්ධව වෙනදා මෙන්ම බොහෝ කරුණුවලින් පැමිණ සිටි පිරිස දැනුවත්භාවයට පත්කළා.
ජෙල්, මූස්‌ සහ හෙයාර් ස්‌ප්‍රේ අද වනවිට හිසකෙස් විලාසිතාවලදී හරිම ජනප්‍රියයි. හිසකෙස් විලාසිතාවකට ජෙල්, මූස්‌, හෝ හෙයාර් ස්‌ප්‍රේ භාවිත නොකරන කෙනෙක් හොයා ගන්නට බැරි තරම්. ජෙල් තෝරා ගැනීමේදී එය වර්ග වෙනවා. වෙට්‌ ලුක්‌ කියන ජෙල් වර්ගය සුදුසු ඉතාම කෙටි කොණ්‌ඩයක්‌ හිමි අයටයි. යුවතියක්‌ හෝ කාන්තාවක්‌ ඉතාම කොටට කොණ්‌ඩය කපා ඇති විට වෙට්‌ ලුක්‌ ජෙල් වර්ගය භාවිතයෙන් හිස කෙස් ලස්‌සන කර ගත හැකියි. බොහෝ වෙලාවට වෙට්‌ ලුක්‌ ගැළපෙන්නේ පිරිමි පක්‍ෂයටයි. නෝමල් ජෙල්, ගම් වැනි ස්‌වභාවයක්‌ ගන්නවා. දිගු කොණ්‌ඩයට විලාසිතා කරන්නට නෝමල් ජෙල් යොදා ගන්නවා. ඒත් කොණ්‌ඩය කඩා හැලෙන ආකාරයට සකසා ගෙන උත්සව අවස්‌ථාවකට සහභාගි වන විටෙක නෝමල් ජෙල් තවරන්න බැහැ. ඒ මගින් දිගු කොණ්‌ඩයට ලස්‌සනක්‌ ලබා දෙන්න බැහැ. එවැනි විටෙක කොණ්‌ඩයට ගැළපෙන ශැම්පු කන්ඩිනෂර් භාවිත කර හිසකෙස් අයන් එකක් මගින් සකස්‌ කරගත හැකියි. නැතිනම් බ්ලෝ ඩ්‍රයි කළ යුතුයි. දිගු කොණ්‌ඩයේ ඉදිරිපස විලාසිතා කැපුමක්‌ ඇති නම් ඒ සඳහා ජෙල් භාවිත කරන්නට පුළුවන්.
ජෙල් වර්ග අතර ස්‌ට්‍රෝංග් ජෙල් නමින් තවත් ජෙල් වර්ගයක්‌ තිඛෙනවා. එය ඝනකමින් ඉතාම වැඩියි. එයත් සුදුසු වන්නේ ඉතාම කෙටි කොණ්‌ඩයට විලාසිතා කරන්නටයි. විශේෂයෙන් පිරිමි පක්‍ෂයටයි. ජෙල්, මූස්‌ සහ හෙයාර් ස්‌ප්‍රේ අසාත්මික වන අවස්ථා අපට හමුවී නැහැ. ඒත් ඒවා ආලේපයෙන් පසු හැකි ඉක්‌මණින් හිසකෙස් ශැම්පු කන්ඩිෂනර් මගින් සෝදා ඉවත් කිරීම කළ යුතුයි. ජෙල් සහ මූස්‌ අතර වෙනස බැලීමේදී මූස්‌ එකක් සුදුසු වන්නේ කැරලි කොණ්‌ඩයටයි. කැරලි ගතිය ලස්‌සනට තබා ගැනීමට මූස්‌ එකක් මගින් හැකියාව තිඛෙන බව ඔබත් දන්නවා ඇති. ජෙල්, මූස්‌ පාවිච්චි කර තව දුරටත් හිසට හෙයාර් ස්‌ප්‍රේ භාවිත කිරීමේ වරදක්‌ නැහැ. හේතුව හෙයාර් ස්‌ප්‍රේ මගින් හිස කෙස්‌වලට, හිසකෙස් විලාසිතාවට ලස්‌සන නිමාවක්‌ ලබා දෙන නිසා. ඒ කියන්නේ ෆිනිෂ් එක ලස්‌සනට නිම කරන නිසා. මෙහිදී එකක් ඔබ මතක තබා ගත යුතුයි. හෙයාර් ස්‌ප්‍රේ භාවිත කිරීමේදී දෙනෙත් හොඳින් වසා ගෙන සිටීමටයි. එනම් ඇස් අසලට නොකර හෙයාර් ස්‌ප්‍රේ කිරීමයි. එහි ඇති රසායනික මගින් ඇස්‌වලට යම් අගුණයක්‌ වන්නට හැකි නිසා ඇස්‌වලට ඈතින් හෙයාර් ස්‌ප්‍රේ කළ යුතුයි. ජෙල් ඝනකම් ගතියෙන් යුතු අතර මූස්‌ ඝනකම් නැහැ. සුමුදු ගතියෙන් යුක්‌තයි. හෙයාර් ස්‌ප්‍රේ ඒ දෙකටම වෙනස්. ඇත්තටම හෙයාර් ස්‌ප්‍රේවලින් කෙරෙන්නේ හිස කෙස් සැකසුම සීල් කරන එකයි. ජෙල්, මූස්‌ සහ හෙයාර් ස්‌ප්‍රේ නිවැරදිව භාවිත කරන ආකාරය එදා වැඩමුළුවට ඇතුළත් වුණා. ඒ පිළිබඳ විස්‌තර ඔබටත් ප්‍රයෝජනවත් වේවි.
උපුටා ගැනීම නවලිය
ශ්‍රී ලාංකික යූවතියන්ගේ කාන්තාවන්ගේ බොහෝ වෙලාවට දක්නට ලැබෙන්නේ වියළි කෙස්. ඒ වගේම ටිකක් රැළි සහිතයි. ඒත් අද තමාගේ කෙස් කළඹ කෘතිමව...
දවසින් දවස අපි වියපත් වෙනවා. රැලි වැටෙන මුහුණේ හම අපේ රූපයට අවලස්සනක් එක් කරනවා. ඇස් යට කළුවීම වගේම මුහුණේ රැලි වැටීම...
මෙවර අපගේ අවධානය යොමු කරන්නට බලාපොරොත්තු වන්නේ කුරුලෑ ඇතිවීමට පුළුවන් විවිධ ආකාර කිහිපයක් පිළිබඳයි. ඔබ ඔබගේ මුහුණ දෙස කණ්ණාඩියෙන් බැලු විට කුරුලෑ...
ස්‌වභාවිකව ලැබුණු කෙස් කළඹ ආරක්ෂා කරගැනීමට අප සැවොම උනන්දු විය යුතුයි. බොහෝ දෙනෙකුට ඇති ප්‍රශ්නයක්‌ වන්නේ කෙස් කළඹ අකලට සුදුවීමයි. බොහෝ...
තම සුන්දරත්වය ගැන සිතන යුවතියන් සම මෙන්ම හිසකෙස් පිළිබඳත් උනන්දුවෙන් කටයුතු කරනවා. නිරෝගී වරලසක් හිමි කර ගන්න ඔබත් කැමැති නම් මේ...
තොල් ආලේපන කාන්තා විලාසිතා අතර ජනප්‍රිය විලාසිතාවක්. අනෙක් විලාසිතා සේම තොල් ආලේපන පාවිච්චි කරන විදියත් කාලෙන් කාලෙට වෙනස් වෙනවා වගේම ඊට...
