තරුණ බව සුරකින ස්වාභාවික Face Masks
වියපත් වීමත් සමඟ සමේ ඇති තද බව සහ තරුණ බව කෙමෙන් වියැකී ගොස් සම රැලි වැටීම් ආදිය සිදුවන්නේ සොබාදහමේ නියමයට අනුවයි. නමුත් සම වියපත් වී තරමක් ප්‍රමාද කිරීමට අපට හැකියාව තිබෙනවා. ඒ සඳහා සමට සිදුකරන සත්කාර, ලබාගන්නා පෝෂණීය ආහාරපාන, ව්‍යායාම වැනි දේ බලපානු ලබනවා. සමට කරන සත්කාර පිළිබඳව කතා කිරීමේදී සෑම විටම ස්වාභාවික සත්කාරවලට යොමු වීම වඩාත් සෞඛ්‍යාරක්ෂිතයි. තරුණ බව රැකදෙන ස්වාභාවික ෆේස් මාස්ක් දහයක් නිවසේදීම සාදාගැනීමට මෙම ලිපිය ඔබට අත්වැලක් වේවි.
රස නොයෙදූ කොකෝවා පවුඩර්, මුල්තානි මිට්ටී, ප්ලේන් යෝගට්, ලෙමන් යුෂ, සුපිරිසුදු පොල්තෙල් එකට මිශ්‍ර කර මුහුණේ ආලේප කරන්න. විනාඩි 20ක් පමණ තබා සෝදා හරින්න. මෙම සත්කාරය සතියකට දෙවරක් සිදුකරන්න.
උළුහාල් රැයක් පෙඟෙන්නට දමා පසුදා බ්ලෙන්ඩර් කරගන්න. එයට රෝස වතුර ස්වල්පයක්ද මිශ්‍ර කර මුහුණේ ආලේප කරන්න. විනාඩි 20ක් තබා සෝදාහරින්න. මෙම සත්කාරය සතියකට දෙවරක් සිදුකරන්න.
කැරට් යුෂ, අර්තාපල් අල යුෂ සහ රෝස වතුර සම ප්‍රමාණවලින් ගෙන මුහුණේ ආලේප කර විනාඩි 20ක් තබා සෝදාහරින්න. මෙම සත්කාරය දිනපතා සිදුකරන්න.
රස නොයෙදූ කොකෝවා පවුඩර් කුරුඳු කුඩු සහ මී පැණි මිශ්‍ර කර මුහුණේ ආලේප කරන්න. විනාඩි 15ක් පමණ තබා සෝදා හරින්න. සතියට වරක් මෙම සත්කාරය කළ යුතුයි.
සුපිරිසුදු පොල්තෙල් දෙළුම් යුෂ සමඟ මිශ්‍ර කර ආලේප කර විනාඩි 15ක් තබා සෝදාහරින්න. සතියට දින දෙකක් පමණ මෙම සත්කාරය සිදුකළ යුතුයි.
මුල්තානි මිට්ටි රෝස වතුර සමඟ මිශ්‍ර කර ආලේප කරන්න. විනාඩි 20ක් පමණ තබා සෝදාහරින්න. මෙම සත්කාරය සතියට දෙවරක් සිදුකළ යුතුයි.
අලිගැටපේර ගෙඩියක් සූරාගෙන එය හොඳින් පොඩි කරගන්න. එයට රැයක් පොඟවා බ්ලෙන්ඩර් කරගත් ඕට්ස් එක්කර මිශ්‍ර කරන්න. මුහුණේ ආලේප කර විනාඩි 20ක් තබා සෝදාහරින්න. සතියට දෙවරක් මෙම සත්කාරය සිදුකරන්න.
කෙසෙල් ගෙඩියකට රෝස වතුර සහ විටමින් ඡ් කරලක් මිශ්‍ර කර ෆේස් පැක් එකක් සාදාගන්න. එය මුහුණේ ආලේප කර විනාඩි 15ක් තබා සෝදාහරින්න. මෙම සත්කාරය සතියකට තුන්වරක් සිදුකළ යුතුයි.
කස්තුරි කහවලට රෝස වතුර මිශ්‍ර කර මිශ්‍රණයක් සාදා ගන්න. එය විනාඩි 20ක් තබා සෝදාහරින්න. මෙය දිනපතා ආලේප කරන්න.
රතු සහල් සෝදා තම්බා ගන්න. සහල් තැම්බූ ජලය පසෙකින් තබන්න. තැම්බූ බත්වලට නැවුම් කිරි, මී කිරි සහ මී පැණි මිශ්‍ර කර මිශ්‍රණයක් සාදා මුහුණේ ආලේප කරන්න. විනාඩි 20ක් තබා පසෙකින් තැබූ සහල් වතුරින් සෝදාහරින්න.
සෙව්වන්දි හෙට්ටිආරච්චි උපුටා ගැනීම මව්බිම
කාන්තාවකගේ මස්පිඩු ඕනෑවට වඩා මහත්වීම හා අනවශ්‍ය ලෙස මස්පිඩු ඒල්ලා වැටීම සිරුරේ හැඩයට අහිතකර ලෙස බලපායි. අනවශ්‍ය මස්පිඩු හා එල්ලා වැටෙන...
සුදු කෙස් ටික කළු කරගන්න දඟලන අපේ ගොඩක් අය වෙළෙඳපොළේ තියන නොයෙක් නිෂ්පාදනවලට රැවටිලා “සුදු” කෙස් කෙසේ වෙතත් ඔක්කොම කෙස් ටිකනම්...
අත්වල තිබෙන අනවශ්‍ය රෝම ඉවත් කිරමට රේසරය භාවිත කිරිමට ඇතැම් කාන්තාවෝ පූරුදුව සිටිති. එහෙත් එය සූදුසූ ක්‍රියාවක් නොවේ. එවිට රෝම තව...
ක්ලෙන්සර් කී්‍රම් ස්වල්පයක් ගෙන තොල් මත තවරා මූලින්ම ලිප්ස්ටික් ඉවත් කරගන්න. මූලින්ම තොල් ආලේපන ඉවත් නොකළොත් මූහූණ පූරා ලිප්ස්ටික් ගැවූ මූහූණේ...
ඇස් යට කළු වීම අද බොහෝ තරුණ තරුණියන් මුහුණ දෙන ගැටළුවක්. මුහුණ කොතරම් පැහැපත්ව තබා ගත්තත් ඇස් යට අවපැහැ ගැන්වී තිබීමෙන්...
ගොඩක් දෙනෙක් මුහුණපාන ගැටළුවක් විදියට අත් යට කළු වීම දක්වන්න පුළුවන්. සමහර විට ඔයාටත් මේ ප්‍රශ්නය තියෙනවා වෙන්නටත් පුළුවන්. ඒක ඔයාගේ...
