ලස්සන සිරුරකට කොහොඹ සත්කාරයක්‌..
ලස්සන වෙන්න අපි කවුද අකමැති වෙන්නෙ. ඇත්තට ම අපි දේශීය දේ වලින් ශාකසාර වලින් අපේ සමට කිසිම ආකාරයක අසාත්මිකතාවයකින් තොරව සම පැහැපත් කරන මෙන්ම නිරෝගීමත් කරන දේ කොතරම් තිඛෙනවාද? නමුත් අපි හුගක්‌ දෙනා ඉතා පහසු දේ වන ක්‍රීම් වර්ගවලට යොමු වෙලා තිඛෙනවා. ඇත්තටම අපට ඉතාම පහසු දෙයක්‌ තමා ක්‍රීම් වර්ග. ඒත් මා කියන්න හදන්නේ සතියකට හෝ මසකට වරක්‌වත් දේශීය දේ අප ප්‍රයෝජනයට ගෙන සත්කාර කරනවා නම් කෙතරම් දුරට අප ලස්සන වෙනවාද? පිරිසිදු වෙනවාද? පැහැපත් වෙනවාද නිරෝගී වෙනවාද කියන එකයි. රුව ලස්සන වීම මෑතක සිට වන දෙයක්‌ නොවෙයි. ඈත අතීතයේ සිටම කාන්තාවන් දේශීය ශාක සාර උපයෝගී කරගෙන රුව රැක ගත්තා. ඒ වගේම මෙය පැවත එන්නෙ අපට ආසන්නතම රට වන ඉන්දියාවෙන්. ඉන්දියානු කාන්තාවන් බොහෝ විට කෘත්‍රිම ආලේපනවලට වඩා ස්‌වභාවික දේවලට මුල් තැනක්‌ දී තිඛෙනවා. ඉන්දියාවේ උතුරේ හා දකුණේ වෙසෙන කාන්තාවන් අනුගමනය, කරන ඉතාම වැදගත් සත්කාරයක්‌ තමා කිසිම වියදමක්‌ නොමැතිව හිස පිරිසිදු කිරීම සඳහා කරනු ලබන සත්කාරය. මෙම සත්කාරය නිසා අප ලස්සන වෙනවා. ඒත් මෙම සත්කාරය කළ යුත්තේ අපේ සෞඛ්‍ය තත්ත්වය ගැන සිතීමෙන් පසුවයි. සෙම් රෝග පීනස්‌ රෝග, නොමැති අයෙකු පමණයි මෙම සත්කාරය කළ යුත්තේ. අනෙක තමා මෙම සත්කාරය උදේ වරුවක කරනවා නම් වඩාත් හොඳයි.
කොහොඹ කොළ ස්‌වල්පයක්‌ අඹරා ගන්න. මෙයට කස්‌තුරි කහ ස්‌වල්පයක්‌ හා ගොඩපර නානු සමග එකතු කර හොදින් හිස්‌ කබලෙහි ආලේප කරන්න. විනාඩි 20 ක්‌ පමණ වේලාවක්‌ තබන්න. මේ අතර ඇගිලි තුඩුවලින් හිස්‌ කබල සම්බාහනය කරන්න. ඉන් අනතුරුව හිස සෝදන්න. කොහොඹ කොළ පමණක්‌ නොව අතු, ඉති, මල්, ගෙඩි හා පොතු පවා සම පැහැපත් වීමට උපකාරී වෙනවා. කොහොඹ අප රටේ මෙන්ම ඉන්දියාවේද ඉතාම සුලභව හැදෙන ගසක්‌ නිසා මෙම සත්කාරය සාදා ගැනීමට පහසුවෙනවා. කහ එකතු කරගනු ලබනුයේ විෂබීජ නසන දෙයක්‌ හැටියටයි. කස්‌තුරි කහ නොමැති නම් අමු කහ අඹරා ගත හැකියි. මෙහි ඇති වැදගත්කම ඔබ දන්නවා ඇති. ඉන්දියානු කාන්තාවන් බොහෝ විට හිසට පමණක්‌ නොවෙයි කොහොඹ සහ කහ මිශ්‍රණය මුළු සිරුරටම ආලේප කරනවා.
රූපලාවණ්‍ය ශිල්පිනී ග්‍රේස් සී ගන්කන්ද
