අත් පා වල රෝම ඉවත් කිරීම සුදුසුද?
ලස්‌සනට ඉන්නට අකමැති කෙනෙක්‌ මෙලොව නැත. එම නිසා තමන්ට උපතින්ම ඇති වී ඇති සුන්දරත්වය තවත් තීsව්‍ර කර ගැනීමට වෙහෙසෙන පිරිස අතර වඩාත් කැපී පෙනෙන්නේ යුවතියන් ය. අනවශ්‍ය රෝම ඉවත් කිරීමත් ලස්‌සන වීමේ එක් උපාය මාර්ගයකි. ශරීරයේ බොහෝ තැන්වල විශේෂයෙන් පාදයේ, දෙඅත්වල, කිහිළිවල ඝණව වර්ධනය වෙලා තියෙන රෝම ඉවත් කරන්නට යුවතියන් නැඹුරුවීම අද වනවිට වැඩිව තිබේ. නමුත් මිනිස්‌ සිරුර මත ආරක්‌ෂාවට වර්ධනය වන ස්‌වාභාවික රෝම ඉවත් කිරීම සුදුසුද? සුදුසු නම් එසේ කිරීමට මඟක්‌ තිබේද? අපි තරමක්‌ දුරකට හෝ විමසා බලමු.
ආසියාතික කාන්තාවන්ගේ ශරීරවල බහුලව දැකිය හැක්‌කේ දුඹුරු පැහැ රෝම වේ. නමුත් යුරෝපීය කාන්තාවගේ ශරීරය තුළ මෙසේ නොවේ. ඊට අමතරව කහ පැහැති කුඩා රෝම විශේෂයක්‌ද දැකබලා ගත හැකිය. ඇතැම් අයට ජානමය හේතුන් මත රෝම වැඩිවශයෙන් පිහිටා ඇත. මෙම රෝම ඉවත් කර ගන්නට විවිධ ප්‍රතිකාර ක්‍රම අදවනවිට ලංකාවේ පවා ඇත. විශේෂයෙන්ම විවිධ ආලේපන වර්ග, වැක්‌ස්‌, ලේසර් ප්‍රතිකාරක භාවිත කළ හැකිය. මෙයින් ඉතාම සාර්ථක ප්‍රතිකාරය වෙන්නේ ලේසර් ප්‍රතිකාර වේ. රෝම ඉවත් කරන්න පාවිච්චි කරන ලේසර් ප්‍රතිකාරය ඉතා ම සාර්ථක මෙන් ම ඉතාම ආරක්‌ෂාකාරී ප්‍රතිකාරයක්‌ ලෙස හදුන්වන්න පුළුවන්.
හැබැයි ලේසර් ප්‍රතිකාරයෙන් වුවත් රෝම සියයට සියයක්‌ ම ඉවත් නොවෙන්නත් පුළුවනි. මෙතනදී වැදගත් වෙන්නේ සියයට සියයක්‌ ම මුහුණේ රෝම තිබෙන කෙනෙකුගේ ප්‍රතිකාරයෙන් පසුව සියයට පහක්‌ පමණ අවම ප්‍රමාණයක්‌ පවා රෝම ඉතිරිවිය හැකියි. නමුත් මුහුණේ රෝම ඉවත් කිරීම වෙනත් ක්‍රම මගින් සුදුසු නොවේ. කෙනෙකුට ඉතිරිවෙලා තිබෙන සියයට පහක්‌ පමණ වන රෝම ප්‍රමාණයත්a ඉවත් කරන්න පුළුවනි. එවිට ඔවුන් ලේසර් ප්‍රතිකාරය සඳහා මුහුණදෙන වාර සංඛ්‍යාව වැඩි කරන්නට වේ. සාමාන්‍යයෙන් ලේසර් ප්‍රතිකාරය කිහිප සැරයක්‌ කිරීම තුළින් කෙනෙකුගේ අනවශ්‍ය රෝම සම්පූර්ණයෙන් වගේ ඉවත් කරන්න පුළුවනි. ඉවත් කිරීමේ ක්‍රමය ඉතා සුදුසු ලෙස භාවිත කළ යුත්තේ අවශ්‍ය නොවන දේවල් සම මතුපිට ඇති වෙන නිසාවෙනි.
