හෑන්ඩ් බෑග් ටී බෑග්ස් ටිෂූ කඩදාසි ප්ලාස්ටික් බෝතල් ඔබගේ සතුරන් විය හැකියි
අත් බෑගයක් අපට අවශ්‍ය දේ දමාගෙන යාමට උපකාරී වෙන හිත මිතුරියක් වගෙයි. ටී බෑගය පහසුවෙන්ම තේ කෝප්පයක රස බලන්නට මග පාදයි. මේ සියලු ආකාරයේම බෑග් එදිනෙදා ජීවිතය පවත්වාගෙන යාම වඩාත් පහසු කළත් ඔබටත් හොරා තවත් අපහසුතා රැසක් ඇති කරයි.
ටිෂූ කඩදාසි :
දහඩිය, සොටු, කඳුළු මේ සියල්ල සිරුරින් බැහැරවෙන ද්‍රව්‍යයි. මේවා විසබීජවලින් අඩුවක් නැති අපද්‍රව්‍යයි. ගත තෙමන දහඩිය දුකට සතුටට එන කඳුළු, සොටු ආදිය පිසින්න ඔබේ හෑන්ඩ් බෑගයේ නිරන්තරයෙන් ටිෂූ කඩදාසි, ලේන්සු අඩුවක් නැතිව ඇත. මේවා ඔබට නිරන්තරයෙන් භාවිතා වේ. එහෙත් ඒවා බෑගයෙන් ඉවත් කිරීමට මතක් වෙන්නේ කීයෙන් කී දෙනාටද? ටිෂූ කඩදාසියක සෙම්ප්‍රතිශ්‍යා වෛරසයට පැය 24ක් හෝ ඊටත් වැඩි කාලයක් ක්‍රියාකාරීව පැවතිය හැකියි. සමහරු කැඩුණු පාවහන් පවා අත් බෑගයේ දමා ගනී. පාවහන් ඇවිදින විසබීජ ගබඩාවක් වාගෙයි. එහි සැල්මොනෙල්ලා, ඊ -කෝලි වැනි උදරාබාධවලට හේතුවන විසබීජ පවා තිබිය හැකියි. මේ විසබීජ පැය විසි හතරකදී දෙගුණ තෙගුණ වේ. ඒ නිසා කැඩුණු පාවහන් ආදිය දැමීමේදී ප්ලාස්ටික් බෑගයක දමා බෑගයට දැමීමට අමතක නොකරන්න.
හෑන්ඩ් බෑග් එක ඇතුළෙ විෂ බීජ ගුහාවක් :
දැන් කාලයේ විලාසිතාව බවට පත් වී ඇත්තේ විශාල අත් බෑගයක් රැගෙන යාමයි. අල්මාරියකට සමාන මේ බෑගය ඔබට කෙතරම් පහසුවෙන් ගෙන දෙනවාද? එහෙත්..... ඛෙල්ලේ, උරහිසේ, කොන්දේ වේදනාවට මුල ඔබ රැගෙන යන විශාල හෑන්ඩ් බෑගය විය හැකියි. සමහර කාන්තාවන් රාත්තල් 10 - 11 ක බර ද්‍රව්‍ය සහිත බෑග රැගෙන යයි. බෑගයේ ඇති පනා, නිතර පිරිසුදු කරන්න. ජංගම දුරකතනයද බැක්ටීරියා විමානයකි. දුරකතනය බෑගයට දැමිය යුත්තේ තවත් කුඩා බෑගයක දමායි. සෙම්ප්‍රතිශ්‍යාවට, උදරා බාධවලට හේතුවන බැක්ටීරියා රැසක් ඔබේ හෑන්ඩ් බෑගයේ අඩංගුය. නැවත නැවත සෝදා භාවිත කළ හැකි හෑන්ඩ් බෑග් තෝරා ගන්න. ආතරයිටීස් වැනි රෝග ඇතිවීමට ද අත්බෑග හේතු වේ. බර බෑගයක් රැගෙන යනවිට ඔබේ ඇවිදීමේ රටාව වෙනස් වෙයි. සැකිලි පද්ධතියට ද එය බලපායි. ශරීරයේ ප්‍රමාණයට ගැළපෙන බෑගයක් තෝරා ගන්න. දිගැ දිමේ ව්‍යායාම කරන්න. උරහිසේ, ඛෙල්ලේ, දෑත්වල මාංශ පේශීන්ට හොඳින් ව්‍යායාම ලබා දෙන්න.
ටී බෑග්ස් පාවිච්චි කරන්නේ කල්පනාවෙන් ගත්තා. දැම්මා... හැදුවා... කෙතරම් පහසුවක්ද? දැන් ගෘහණියන් වැඩිපුරම ගන්නේ ටී බෑග්ස් ය. ගී‍්‍රන් ටී, මෙන්ම තේ කොළත් සුවය සලසන පානය. ප්‍රතිඔක්සිකාරක සාගරයක් වැනි මේවා පානය කිරීමෙන් ශරීරයට එදිනෙදා ඇතුළු වන පිළිකා කාරක බොහොමක් දේ ඉවත් කෙරෙයි. එහෙත් ඒ සඳහා අප බෑග්වල නොදැමූ තේ කුඩු තෝරා ගත යුතුයි. නොඑසේ නම් පිළිකා වැනි මාරාන්තික රෝග පරාජය කිරීමට ගන්නා සේම, ටී බෑග් නිසා පිළිකා ඇතිවීමට මග පෑදිය හැකියි. පිළිකා කාරක මාරයා සැගවී සිටින්නේ ටී බෑග් නිපදවීමට ගන්නා ද්‍රව්‍යන්ගෙයි. ටී බෑග් නිෂ්පාදනයේදී එපික්ලෝරෝහයිඩ්‍රින් රසායනය යොදා ගනී. මේ රසායනය ප්ලාස්ටික් සහ රේසින්ස් සෑදීමේදී ද භාවිතා කෙරේ. රසායනය ජලය හා මිශ්‍ර වූ විට පිළිකා කාරක තත්ත්වයට පත්වෙයි. පිළිකාකාරක රසායන භාවිතා වෙන්නේ ටී බෑග්ස්වල පමණක් නොවෙයි. ඇතැම් කෝපි ෆිල්ටර්ස්වලද ඒවා අඩංගුය. සෑම ටී බෑග්ස්ම මේ කාණ්ඩයට අයත් නොවෙයි. සම්පූර්ණයෙන්ම ස්වභාවික විස රසායන නැති නිෂ්පාදනද වෙළෙඳපොළේ තිබේ. ටී බෑග්ස්වල ඇති තේවලට වඩා කුඩු වශයෙන් බෑග් නැතිව ඇති තේ භාවිත කිරිම මීට ඇති හොඳම විකල්පයයි. මුළුතැන්ගෙයි ටී බෑගය වගේම ඔබ උරහිසේ එල්ලාගෙන යන අත් බෑගය නැතිනම් හෑන්ඩ් බෑගයත් සිරුරට කොහෙත්ම හිතමිතුරු නැත.
හය මසකට වඩා පැරණි මස්කාරා මේකප් එපා :
මේක් අප් ද බැක්ටීරියා ආකරය 92%ක් පමණ කාන්තාවන් භාවිත කරන මස්කාරාවලට ඇස් ආසාදනය කළ හැකි බව මෑතකදී කළ පර්යේෂණයකින් හෙළි වී තිබේ. ඛෙහෝ කතුන් භාවිත කර ඇත්තේ හය මාසයකට වඩා පැරණි මස්කාරායි.
ජල බෝතල් :
ජලය පානය කිරිම යහපත් සෞඛ්‍ය පුරුද්දකි. මේ පුරුද්ද ඇති අය ප්ලාස්ටික් බෝතලයක වතුර පුරවාගෙන යාමත් යහ පුරුද්දකි. එහෙත් ඔබ වතුර බෝතලයේ පැහැය වෙනස් වීමට පෙර මාරු නොකළොත් නම් එය දැවැන්ත සෞඛ්‍ය තර්ජනයක් බවට පත්වේ. විසිවෙනි සහ විසිඑක් වෙනි සියවසේ මිනිසුන් රෝගී කරන මාරයන් බවට "ප්ලාස්ටික්" පත් වී අවසානය.
බෑගයේ බර :
බෑගය රැගෙන යන කෙනාගේ බරින් බෑගයේ බර 10% ක බර ඉක්මවා නොයා යුතුයි. කාන්තාවගේ බර කි.ග්‍රෑ. 70 නම් බෑගයේ බර කි.ග්‍රෑ. 7 කට වඩා අඩුවිය යුතුයි. එහෙත් වතුර බෝතලය, කුඩය, කෑම භාජනය, පොත් වැනි දෑ දැමූ විට මේ බර ඉක්මවා යනවා සිකුරුයි නේද? බෑගය නිතරම එකම උරහිසක රැගෙන නොයන්න. උරහිස් මාරු කරමින් බෑගය රැගෙන යන්න. එක් උරහිසක බෑගය රැගෙන යාමෙන් කොඳු නාරටිය ඇද වීමට පුළුවන. ඔබේ ඛෙල්ලේ, කොන්දේ, තුනටියේ වේදනාව ඇතිවන්නේ මේ පුරුද්ද නිසා විය හැකියි. පළල් පටි ඇති බෑගයක් නිතරම තෝරා ගන්න.
ඖෂධ :
පැරසිටමෝල් වැනි හදිසි අසනීපයකට අවශ්‍ය වන ඖෂධ බෑගයේ දිගින් දිගටම තිබියදී කල් ඉකුත්වෙන දිනය අමතක වීමට පුළුවන. ඒ නිසා නිරන්තරයෙන් ඒ ගැන ද සැලැකිලිමත් වෙන්න.
උපුටා ගැනීම දිනමිණ
