ගෙදරදීම ලස්සන වෙන්න

ලස්සන වෙන්න නම් ඉතින් අපි කවුරුත් කැමතියිනේ. ඉතින් අද මේ ඔබට කියා දෙන්නේ ලස්සන වෙන්න ගෙදරදීමට ඔබට කරන්න පුලුවන් දේවල් ගැනයි.

හිරු එළියට

ඇති වන අඳුරු ලප කැළැල් ඉවත් කිරීම :

කලු ලප කැළැල් කියන්නේ ලස්සනට ඉන්න ඔබට සතුරෙක් ව‍ගේ. බොහෝ දෙනා නගන මැසිවිල්ලක් තමයි හිරු එළියට අත් පා වල ඇති වන අඳුරු ලප කැළැල් ඉවත් කරගන්නේ කොහොමද කියන එක.බේකිං සෝඩා හා දෙහි එක් කර මුහුණ හැර අත් පා වල ආලේප කරන්න. කුඩා බුරුසුවකින් එය මිනිත්තු කිහිපයක් පිරිමැද ඇල්මැරුණු වතුරින් සෝදා හරින්න. මෙය සතියකට දෙවතාවක් පමණ කිරීම සෑහෙන අතර නිතර නිතර කිරීම සමයට හානී වෙන්නට පුලුවන්.

හිස්සොරි ඉවත්

කිරීම :

හිස්සොරි කියන්නේ ඔබේ රූසපුවට හානි කරන තවත් දෙයක්. මොනතරම් හිස පිරිසිදුවට තියාගත්තත් හිස්සොරි හැදෙනවා කියලා බො‍හෝදෙනා කියනවා. මේ සඳහා ඔබ කළයුත්තේ හොදින් ඉදුණු තක්කාලි ගෙඩියක යුෂ මිරිකමින් හිසේ ආලේප කර මිනිත්තු 20ක් පමණ තබා සෝදා හැරීමයි‍.

හිසකෙස්

ගැලවීයාම වැලැක්වීම

:

හිසකෙස් ගැලවීයාම වැලැක්වීමට අවශ්‍ය තරමට ඔලිව් තෙල් ගෙන එයට ඊ විටමින් පෙති දෙකක් කඩා දමා හිසේ ගල්වන්න. රැය එළිවනතුරු තැබීමට හැකිනම් වඩාත් හොදයි. නැතිනම් නෑමට පැය 2කට පෙර ගල්වන්න. සතියකට වරක් කරපිංචා හා පොල්කිරි මිශ්‍ර කර හිසේ ගල්වා තබා සෝදා හරින්න.

ඇස්වල විඩාව

නැති කිරීම :

තේ මන්ඩි සහිත ටී බෑග් දෙකක් ඇස් මත මිනිත්තු 10-15ක් පමණ තබන්න‍. රෝස වතුරින් හෝ සමන්පිච්ච මල් වතුරින් ඇස් හෝදන්න.

නියපොතු සදහා

සත්කාරයක් :

නියපොතු හොදින් කපා ඒවා දෙහි හෝ බිලිං මදවලින් අතුල්ලමින් ශුද්ධ කරගෙන මදක් උණුවතුරින් සෝදා හරින්න. තුවායකින් තෙතමාත්තු කර නියපොතුවල වැස්ලින් ආලේප කරන්න.

නිවසේදීම ස්ක්‍රබ්

එකක් හදාගන්න :

සුදු හදුන්, වෙනිවැල්ගැට කුඩු එක් කර එය මුදවපු කිරි සමග මිශ්‍රකර සකසා ගත් මිශ්‍රණයෙන් මුහුණ බෙල්ල සෙමින් ස්‍ක්‍රබ් කරන්න. මෙය අත් පා වලටත් ඉතා හොදයි.

සම වියලීම

වලක්වා ගැනීමට :

කෝමාරිකා මදය සමේ වියලි ස්ථානවල ගල්වා මිනිත්තු 10 පමණ තබා සීතල ජලයෙන් සෝදා හරින්න. මේවාට අමතරව දිනකට වතුර ලීටර් 2ක්වත් පානය කිරීමෙන් ඔබේ රුව තවත් ලස්සන කරගන්න ඔබට පුලුවන්. ඒ වගේම නිතරම මොයිස්චරයිසින් ක්‍රීම් එකක් සිරුරේ ගල්වන්න. දිනපතා නාන්න. හැකිතරම් පලතුරු හා එළවලු ආහාරයට ගන්න. ඒවායේ පෝෂණිය ගුණය ආලේපනයක් විදිහට භාවිතා කරනවාට වඩා ආහාරයට ගන්නවා නම් වඩාත් හොදයි. මතකතියා ගන්න. පිරිසිදුකම ඔබව තව තවත් ලස්සන කරනවා.

තිළිණි මීගහපල