අවුරුදු 30න් පසු වියපත්වන මුහුණට සම්බාහනයක්
- එඬරු කොළ
- ඔලිව් තෙල් හා තල තෙල්
- ගස්ලබු
- දෙහි යුෂ
ගස්ලබු යුෂට දෙහි යුෂ එක්කර මුහුණ හොඳින් ක්ලෙන්සර් කරගන්න. උතුරන වතුර භාජනයක් අරගෙන ඒ භාජනයට එඬරු කොළ ටික දාලා ටික වේලාවක් වසා තබා තැම්බීමට ඉඩ දෙන්න. ඉන්පසු තැම්බුණු එඬරු කොළ පිටතට රැගෙන කොළයේ ඇතුළු පැත්ත මුහුණ මතට සිටින සේ විනාඩි 3ක් පමණ හොඳින් මුහුණ තවන්න. ඉන්පසුව විනාඩි 5ක් පමණ නිදහසේ සිටින්න. ඔබ කැමැති තෙල් වර්ගයක් අල්ල මතට වත්කර දෙඅත්ල එකිනෙක හොඳින් පිරිමදින්න. තෙල් තැවරුණු දෑත් මුහුණේ උඩු අතට ගෙන යමින් විනාඩි 2ක් පමණ මුහුණ හොඳින් සම්බාහනය කරන්න. දෙඅත් එකිනෙක හොඳින් පිරිමැද ඇස් දෙක වැසෙන සේ දෙඇඟිලි තබන්න. මේ ආකාරයට තුන්වතාවක් පමණ දෙඅත් දෑස්මත තබන්න. ඉන්පසු තෙත පුළුන් කැබලි දෙකක් ගෙන දෑස් මත තබා නිදහසේ සිටින්න. විනාඩි 10කට පමණ පසු මඳ රස්නය ඇති වතුරෙන් මුහුණ සෝදා තෙත මාත්තු කරන්න. පැය තුනක් යනතුරු නැවැත මුහුණ සේදීම නොකළ යුතුයි. දිනක් පමණ යනතුරු අධික හිරු එළියට නිරාවරණය වීම, සබන් ගා මුහුණ සේදීම නොකළ යුතුයි.
උපුටා ගැනීම මව්බිම
