ඩබල් චින් තියෙන්නේ කාටද?

ඩබල් චින් තියෙන්නේ කාටද? මට.......හොඳම විසඳුමක්... 

ලස්සනට ඉන්න ඒ වාගේම නිරෝගීව ඉන්න අප කවුරුත් වගේ කැමැතියි. ඒත් ඇතැම්විට අපේ රුව ලස්සනට බාධා කරන යම් යම් හේතූන් ඇතිවන්නට පුළුවන්. ඉතින් මේ හැමදේකටම අපට ප්‍රතිකාර සොයාගෙන යන්න බැහැ. නමුත් ඔබ දන්නව ද සරල ව්‍යායාම් වැනි දේ කිරීමෙන් අපට එවන් දේ සඳහා සාර්ථක විසඳුම් සොයා ගන්න පුළුවන් බව. උදා. බොහෝ දෙනකුට ප්‍රශ්නය වී ඇති ඩබල් චින් වැනි තත්ත්වයන් එවැනි සරල ව්‍යයාම මගින් මඟහරවා ගත හැකියි. ඔබ කැමැති ඇති එවන් සරල ව්‍යායාම ගැන දැනගන්න. අප සූදානම් එවන් ව්‍යායාම පෙළක් ඔබ වෙත රැගෙන එන්නට. මේ සඳහා උපදෙස් ලබාදෙන්නේ එක්සත් රාජධානියේ ක්‍රීඩා වෛද්‍ය ඒකකයේ විශේෂඥ වෛද්‍ය අසංග විජේරත්න මහතායි. 

පසුගිය දිනෙක බලංගොඩ ප්‍රදේශයේ වැඩමුළුවක් පැවැත්වුණා. කාංචනා මේ වැඩමුළුවට ගියේ නිමාලිත් එක්කයි. වැඩමුළුව නම් ගොඩක් හොඳයි නේද නිමාලි? ඇත්තමයි. අර ව්‍යායාම ගැන කළ වැඩසටහන නම් නියමයි. ගෙදර ආවෙලේ ඉඳන් කාංචනා කණ්ණාඩිය ඉස්සරහට වෙලා එක එක විදිහට මුහුණ වෙනස් කරනවා. මේක ගෙදර අයටත් ප්‍රශ්නයක්. අපේ අක්කට මොනවා වෙලාද මන්දා අම්මේ අර බලන්නකෝ අර මොකද අර.... මේ ළමයට මොනවද මේ වෙලා තියෙන්නේ.... අක්කේ මොනවද ඔය කරන්නේ? ඌ-ඈ-ඊ  

මොකක්?  "කියන දෙයක් තේරෙන්න කියන්නකෝ...." 

කාංචනා කරමින් සිටි කාර්යය නවතලා ගෙදර අය දිහා බැලුවා. බලන්න අම්මේ ඩබල් චින් නැතිකර ගන්න මං කොච්චර දේවල් කළා ද? මොනතරම් දේවල් ගෑව ද සැලෝන් කීයකට ගියා ද වැඩක් වුණේ නැහැනේ... 

ඉතින් ඒකට ඔහොම කරලා හරියනවද?

ඔව්. ඩබල් චින් නැති කරගන්න කරන්න පුළුවන් හොඳ ව්‍යායාමයක් ගැන අද වැඩමුළුවෙදි ඩොක්ටර් කිව්වා. ඒක කරන්න එච්චර අමාරුත් නෑ. හරිම ලේසියි. මේ ව්‍යායාමය කරනකොට ඩබල් චින් නැතිවෙනවලු. 

මොකක්ද ඔය ව්‍යායාමය?

ඌ ඈ ඊ 

ඌ, ඈ, ඊ ?

ඔව්. ඔන්න ඉස්සෙල්ලම කණ්ණාඩියක් ඉස්සරහට යන්න ඕනේ ඊට පස්සෙ මෙන්න මේ විදිහට ඌ ඈ ඊ කියන්න ඕනෙ. 

කොච්චර වෙලාවක් ඕක කරන්න ඕනේ ද?

එක ඉරියව්වක් තත්පර දෙක ගානේ වාර 12 ක් කරන්න ඕනෙලු.  දේවිකා අක්කටත් කියන්න ඕනෙ එයත් ඩබල් චින් එනවා කියලා සැලෝන් එකකටත් ගියා. බලන්නකෝ කිසිම වියදමකුත් නෑ. මහන්සියකුත් නෑ. අපටම කරගන්නත් පුළුවන්. කාංචනා සුපුරුදු විදිහට නැවතත් ඌ ඈ ඊ

කියන්නට පටන් ගත්තා. 

උපුටා ගැනීම රැජිණ