වෛද්‍ය විද්‍යාවේ ආශ්චර්යයෙන් දැන් ඉතින් හරියටම තරුණ වෙන්න

වෛද්‍ය විද්‍යාවේ ආශ්චර්යයෙන් දැන් ඉතින් හරියටම තරුණ වෙන්න

කෙමිකල් පීල් Chemical Peel ප්‍රතිකාරයෙන් අලුත්ම අලුත් සමක් ප්‍රතිකාර ගන්න ඕනෑ සුදුසුකම් ඇති වෛද්‍යවරුන්ගෙන් පමණයි.

වයස, කුඩා වියේදීත් සැබෑම සාඩම්බරයකි. නව යෞවනයේ දී සමනලියක සේ සැහැල්ලුවෙන් ඇය වයස ගැන පැවසුවත් වයස අවුරුදු තිහේ සීමාව පසුකරද්දී නම් කණ්ණාඩියට වගේම ලෝකයාටත් සැබෑ වයස සැඟවීමට ඇය නොකරන දෙයක් නැති තරම්ය. එහෙත් වය කල්‍යාණය රැක ගැනීමට නිවැරැදි ක්‍රම අනුගමනය නොකළොත් සිදුවන්නේ කබලෙන් ළිපට වැටීමකි. සමෙහි තාරුණ්‍ය සුරැකීමට, වියපත් වී සම එල්ලා වැටීම වැළැක්වීමට, රැලි වැටීම වැළැක්වීමට, ක්‍රමවේද දැන් චර්ම රෝග පිළිබඳ විශේෂඥ වෛද්‍යවරුන් සතුවීම සැබෑ වාසනාවකි. කාන්තාවන්ට සුබම සුබ පණිවුඩයකි. කෙමිකල් පීල් නැත්නම් රසායන මඟින් සමේ මතුපිට ආස්තරණ ඉවත් කිරීමේ ක්‍රමවේදය අලුත්ම වෛද්‍ය විද්‍යා ප්‍රාතිහාර්යයකි. මෙහිදී පලතුරු හෝ වෙනත් ද්‍රව්‍යවලින් සාදන ලද සංයෝගයක් මඟින් සමේ උඩු ස්ථරය ඉවත් කෙරෙයි. භාවිත කරන ද්‍රව්‍යයන්ගේ සාන්ද්‍රණය අනුව සම මතුපිට සිදුවන ප්‍රතික්‍රියාව ද අඩු වැඩි වෙයි. 

කෙමිකල් පීල් වර්ග ගණනාවකි.

  • Superfical Peel සමේ උඩු ස්තරයට කරන අලේපනය.
  • Medium Peel මැද ස්තරයට කරන අලේපනය.
  • Deep Peel සමේ යටි ස්තරයට කරන අලේපනය.

උඩු ස්ථරය පමණක් ඉවත් කෙරෙන ක්‍රමවේදය මඟින් පියවි ඇසට නොපෙනෙන ලෙස සමේ ආස්තරණය ඉවත් වෙයි. එහෙත් මැද හා යටි ස්ථර සඳහා කරන අලේපනය මඟින් සුළු වශයෙන් සම මතුපිට ආස්තරණය ගැලවී යාමක් දැකිය හැකියි. සති කිහිපයකින් සම යථා තත්ත්වයට පත්වෙයි. එවිට සම මතුපිට දුර්වර්ණ ගතිය ද අඩු වෙයි. රුව රැක ගැනීමට, වියපත්වීම විසින් පැහැර ගැනීමට සූදානම්වන තාරුණ්‍ය රැකීමට පමණක් නොව විවිධ චර්ම ගැටලු විසඳීමටත් මේ වෛද්‍ය විද්‍යා ප්‍රාතිහාර්යය යොදා ගැනීමට පුළුවන. ඒවා නම්, 

  • කුරුලෑ තත්ත්ව සඳහා (කුරුලෑ නිසා අවපැහැවූ සමට, ආසාදනය වූ සමට මෙය විසදුමකි.) 
  • මුහුණේ ඇති නොගැඹුරු කැළැල් සඳහා
  • සම ඉබේ අවපැහැවීම, අඳුරු ලප ඇතිවීම සඳහා
  • හිරු එළියෙන් සම මතුපිට රැලි වැටීම සඳහා මෙන්ම හිරු එළියෙන් දුර්වර්ණ වූ සම පැහැපත් කිරීම සඳහා ද කෙමිකල් පීල් ප්‍රත්‍යක්ෂ ප්‍රතිකර්මයකි.

මේ ප්‍රතිකර්මය කරන්නේ කෙසේද?  

"පීල්" කියා ඇසුණු ගමන් එය ලෙලි ඇරීමක් කියා සිතුණත් "කෙමිකල් පීල්" ඉතා සරල, පහසු ප්‍රතිකර්මයකි. ප්‍රතිකාරයට ගත වෙන්නේ මිනිත්තු 30ක් වැනි ඉතා සුළු කාලයකි. පළමුවෙන්ම වෛද්‍යවරයා රෝගියාගේ මුහුණ පිරිසුදු කරන ද්‍රව්‍යයන්ගෙන් පවිත්‍ර කරයි. ඇස් මතට ආරක්ෂාව සපයා "පීල්" ආලේපනය මුහුණේ ඉතිරි ප්‍රදේශවලට ගල්වයි. ඉන්පසු මිනිත්තු 03 - 05 ක් පමණ කාලයක් ආලේපනය සමට උරා ගැනීමට සලස්වයි. ඊළඟට උදාසීන කාරකයක් මඟින් ආලේපනය ඉවත් කරයි. සමේ ආරක්ෂාවට ආලේපනයක් ගල්වන්නේ ඉන් අනතුරුවයි. හිරු එළියෙන් සම රැක ගැනීමට ( සන් බ්ලොක් ) ආලේපනයක් ද ගල්වයි. ප්‍රතිකාරයෙන් පසු දින කිහිපයක් තද හිරු එළිය ඇති වේලාවට ගමන් බිමන් යාමෙන් වළකින්න. ප්‍රතිකර්මයෙන් පසු කලාතුරකින් මඳ වශයෙන් සම රතුවීමට, කැසීමට ඉඩ තිබේ. එය එතරම් සැලකිලිමත් විය යුතු නැති තත්ත්වයකි. මේ ප්‍රතිකර්මය පියවර කිහිපයකින් , විවිධ සාන්ද්‍රණ මට්ටම් වලින් සිදුකරයි. එක් පියවරක් සිදුකර සති 03 - 04 ක් අතර කාලයකදී අනෙක් පියවර කළ යුතුයි. සති 03 ක් වීමට පෙර සිදුකළොත් එය සමේ සෛල යථා තත්ත්වයට පත්වීමට බාධාවකි. සුදුසුකම් ඇති වෛද්‍යවරුන්ගෙන් පමණක් ම ප්‍රතිකාර පතන්න. 

උපුටා ගැනීම රැජිණ පුවත්පත

Share This Article

පරිගණකය,රූපවාහිනිය ඉදිරියේ කොන්ද වකුටු කරගෙන සිටින ඔබට අත්වන ඉරණම

අපේ ඇවතුම් පැවතුම් මොන තරම් අපට නැති ලෙඩ ඇති කරනවාද? හිතට සුව පහසුවක් දෙන බොහෝ ක්‍රියාවන් ගත දැඩි ලෙස අපහසුවට පත්...

කාන්තාවන්ට වැඩිපුරම හර්නියා ඇතිවන ස්‌ථාන

හර්නියා ආබාධිත තත්ත්වය, අණ්‌ඩවාතය, බඩවැල පාත්වීම හෝ අන්ත්‍රවෘද්ධිය ලෙස සාමාන්‍ය ව්‍යවහාරයේදී හඳුන්වනු ලබයි. මෙය ශ්‍රී ලංකාව තුළ බහුලව දක්‌නට ලැඛෙන අසනීප...

ආර්තවහරණය සතුටින් බාරගන්න

ආර්තවය වගේම ආර්තවහරණයත් කාන්තාවකගේ ජීවිතයේ ස්වභාවිකව සිදුවන ක්‍රියාවලියක්. කාන්තාවකගේ ඔසප් වීම සාමාන්‍යයෙන් දින 28 කට වරක් සිදු වෙනවා. සමහර විට දින...

ටෙ‍්‍රන්ඩ් එකට ස්ලිම් වෙන්න ගිහින් අපරාදෙ ලෙඩ වෙනවා

කෙට්ටුවීමට දරන මහන්සිය නිසා මානසික රෝග ඇතිවෙන්නත් පුළුවන් දිගින් දිගටම ආහාර පාලනය කරන විට පසුකලෙක එය මානසික රෝගයක් බවට පත්විය...

පෙයාස් හැඩයට වඩා ඇපල් හැඩය රෝග අවදානම වැඩි කරවයි

මෙම ස්ථුලතාව Android Obesity ලෙසද Gynoid Obesity ලෙසින් කොටස් දෙකකි. මෙය ස්ත්‍රීන් සහ පුරුෂයන් සඳහා වෙන් වශයෙන් කතාබහට ලක්වන තත්ත්වයක් වුවද...

ගර්භාෂය පහත්වීමේ රෝග ලක්ෂණ හඳුනාගන්න

බලපාන හේතු ගර්භාෂය පහත්වීමේ ප්‍රවණතාව වැඩි කාන්තාවකට කල් පවතින කැස්ස, බඩ වියළීම, ආදී තත්ත්ව රෝගී තත්ත්වය උග්‍ර කරවයි. ඒ වගේම කලාතුරකින් ගර්භාෂයේ...