යටි බඩ අධික වේදනාව සමඟ ඔසප්වීමේදී අධික රුධිර වහනය වන එන්ඩොමෙටි්‍රයෝසිස්‌
වර්තමානයේ බොහෝ කාන්තාවන්ට පවතින ගැටලුවක්‌ වනුයේ තම මාසික ඔසප්වීමේදී අධික ලෙස රුධිරය පිටවීමය. එසේම ඔසප්වීමේදී අධික වේදනාවක්‌ ද මතු වේ. එසේම නිතර නිතර යටි බඩේ ඇතිවන අපහසුකාරී බව, මළ මුත්‍රා පිටවීමේදී වේදනාවක්‌ ඇතිවීම සංසර්ගයේදී වේදනාවක්‌ මතුවීම, ගැබ් ගැනීම ප්‍රමාද වීම ආදී ලක්‍ෂණ ද හටගනී. මෙවැනි අපහසුතාවලින් යම් කාන්තාවක් පෙළෙන්නේ නම් ඇය එන්ඩොමෙටි්‍රයෝසිස්‌ රෝගයෙන් පීඩා විඳින බව අනුමාන කළ හැකිය.
එන්ඩොමෙටි්‍රයෝසිස්‌ යනු ,
වැඩිවියට පත් වූ දා සිට ආර්ථවහරණය සිදුවන තෙක්‌ සෑම කාන්තාවකගේම ඔසප්වීමකදී ඇයගේ ගර්භාෂය තුළ ගැබ් ගැනීමකදී අවශ්‍ය පටලයක්‌ වර්ධනය වේ. ගැබ් ගැනීමක්‌ සිදු නොවී ඔසප්වීමකින් ඩිම්බයක් යෝනි මාර්ගයෙන් පිට වන විට මෙම පටලයද විනාශ වී යයි මෙහිදී අධික වේදනාවක්‌ හෝ අධික ලෙස රුධිරය පිටවීමක්‌ සිදු නොවේ. නමුත් ඇතැම් කාන්තාවන්ගේ මෙම පටලය ගර්භාෂයට අමතරව ඩිම්බකෝෂ යුගලය, පැලෝපීය නාල තුළ ද වර්ධනය වේ. මෙලෙස අසාමාන්‍ය ලෙස වර්ධනය වූ පටලය ඔසප්වීමකදී විනාශ වී රුධිරය පිටව යන විට අධික වේදනාවක්‌ මතු වේ. ඔසප් වීමේදී අධික ලෙස රුධිරය පිටවේ. ඇතැම් අවස්‌ථාවලදී මෙම අසාමාන්‍ය පටල විනාශ වීමෙන් පිටවන රුධිරය යෝනි මාර්ගය ඔස්‌සේ සිරුරින් පිටතට නොපැමිණ පැලෝපීය නාළ වෙතට ඩිම්බ කෝෂය වෙතට ගමන් කර එහි තැන්පත් වේ. මෙලෙස තැන්පත් වන රුධිරය බඩවැල්වල ඇලීමට පිළිවන. එවිට ඩිම්බ කෝෂ පිහිටන ස්‌ථානය වෙනස් වේ. පැලෝපීය නාළයේ හැඩ රුව විකෘති වේ. මෙවැනි අවස්‌ථාවලදී ඔසප්වීමට පෙර කාන්තාවට යටි බඩ ප්‍රදේශයේ අධික වේදනාවක්‌ මතුවේ. එසේම මෙම වේදනාව නිතර නිතර පවතී. බඩවැල් හි රුධිරය ඇලී ඇති විට රුධිරය මිශ්‍ර බඩඑළිය පිටවේ. මෙලෙස ගුද මාර්ගය ඔස්‌සේ රුධිරය මිශ්‍ර මළපහ පිටවීම ඔසප්වීමත් සමඟ සිදුවේ. මෙවැනි අවස්‌ථාවකට එන්ඩොමෙටි්‍රයෝසිස්‌ රෝග තත්ත්වය මතුව ඇතැයි පවසනු ලැබේ.
එන්ඩොමෙටි්‍රයෝසිස්‌ රෝගයේ දැකිය හැකි තවත් එක විශේෂ ලක්‍ෂණයක්‌ වන්නේ යටිබඩ පෙදෙසේ නිතර නිතර ඇතිවන වේදනාව සමඟ රුධිරය පිටවීමයි. කාන්තාවකට මෙම රෝගය මතුවීමට ප්‍රධාන වශයෙන් බලපානුයේ විවාහ වීම ප්‍රමාදය නිසා ගැබ් ගැනීම ප්‍රමාදවීම හෝ ගැබ් ගැනීමක්‌ සිදු නොවීමයි.
ප්‍රතිකාර
එන්ඩොමෙටි්‍රයෝසිස්‌ රෝගයේදී ප්‍රතිකාර ලෙස කළ යුත්තේ ඔසප්වීම තාවකාලිකව නතර කිරීමය. එහිදී විවාහක කාන්තාවක් නම් ඇය තවම ගැබ් ගැනීමකට ලක්‌ව නැත්නම් ඒ සඳහා පවතින ගැටලුවලට ප්‍රතිකාර ලබා දී ගැබ් ගැනීමක්‌ ඇති කළ හැකිය. අවිවාහක කාන්තාවක් නම් තාවකාලිකව ඔසප්වීම නතර කිරීමට අවශ්‍ය ප්‍රතිකාර ලබා දිය යුතුය. එන්ඩොමෙටි්‍රයෝසිස්‌ රෝගය නිසා ඔසප්වීමකදී අධික ලෙස රුධිරය පිටවීම නිසා කාන්තාව ඉතා පහසුවෙන් රක්‌තහීනතාවයට ද ලක්‌විය හැකිය. එනිසා නිසි වෛද්‍ය උපදෙස් මත ප්‍රතිකාර ලබා ගත යුතුය. මෙම රෝගය නිසා කාන්තාවකට ගර්භාෂ පිළිකා හෝ පැලෝපීය නාළ ආශ්‍රිත ඩිම්බකෝෂ ආශ්‍රිත පිළිකා මතුවීමේ ඇති අවදානම ඉතා අඩුය. එනිසා එවැනි පිළිකා බියක්‌ ඇති කර ගත යුතු නැත. රෝගයට නිසි ප්‍රතිකාර ලබා ගැනීම ප්‍රමාද කිරීමෙන් සිදුවන්නේ ප්‍රජනන පද්ධතියේ ඇතිවන විකෘතිතා නිසා වඳ භාවයට පත්වීමේ අවදානමට ගොදුරු වීමය.
උපුටා ගැනිම දිවයින
නව යොවුන් වියේ පසුවන ජානකී තරබාරු වුණත් කාලය ගත කළේ හරිම සැහැල්ලුවෙන්. 15 වැනි විය ඉක්මවා ඇය වැඩිවියට පත්වූ පසු තමයි...
මගේ බඩේ ගෙඩියක් හැදිලා ඔපරේෂන් එකකුත් කළා. සමහර කාන්තාවන් මේ වගේ කතා කියනවා ඔබටත් නිතරම ඇසිලා ඇති. බඩේ ගෙඩි කියලා ව්‍යවහාරයේ...
තුවා කොපමණ අවශ්‍යද : පරීක්ෂණයකට අනුව සොයාගෙන තිබෙන්නේ නාගරික කාන්තාවක් සිය ජීවිත කාලය පුරාවට සනීපාරක්ෂක තුවා 16,800ක් පමණ භාවිත කරන බවයි....
මවකගේ, ගෘහණියකගේ සෞඛ්‍යය මුළු පවුලේම සෞඛ්‍යය හඟවන කැඩපතක් බව සැලකිය හැකිය. එහෙත් කාන්තාවකගේ සෞඛ්‍යය බිඳවැටීම නිසා ඇයගේ සෞඛ්‍යය පමණක් නොව මුළු...
අපේ ඇවතුම් පැවතුම් මොන තරම් අපට නැති ලෙඩ ඇති කරනවාද? හිතට සුව පහසුවක් දෙන බොහෝ ක්‍රියාවන් ගත දැඩි ලෙස අපහසුවට පත්...
‘කාන්තාවකගේ ඩිම්බකෝෂය තුළින් මසකට වරක් ඩිම්බයක් පිටවීම ප්‍රජනන පද්ධතිය සම්බන්ධ සාමාන්‍ය ක්‍රියාවලියක්. ප්‍රධාන වශයෙන් ඩිම්බකෝෂයේ පිටත බිත්තියෙහි සෛල ස්ථර නිරන්තරයෙන් වෙනස්...
