විවාහ වී මසකට පසු යෝනි මාර්ගයේ කැසීමක් සහ දැවිල්ලක් හටගත්තා
වෛද්‍යතුමනි මාගේ වයස අවු. 40කි. දෙදරු මවක් ද වෙමි. විවාහ වී දැනට අවු. 16ක් පමණ වෙනවා. විවාහ වීමට පෙර අධික සුද යාමේ තත්ත්වයක් තිබුණා.විවාහ වී මාසයක් පමණ ගත වූ පසු යෝනි මාර්ගයේ කැසීමක් හා දැවිල්ලක් හට ගත්තා. පළමු දරුවා ලැඛෙන්න සිටිය දී මේ බව වෛද්‍යවරයාට ඖෂධ ලබා ගත්තා. ඉන් පසු සුව වුණා. වසර 16කට පසුව නැවත පෙර පරිදිම යෝනි මාර්ගය කැසීමකට හා දැවිල්ලකට ලක් වෙනවා. ඊට අමතරව ගුද මාර්ගය අවට ඉදිමුමක් හා මළ පිට කිරීමේ අපහසුවක් ඇති වෙනවා. මේ තත්ත්වයට හේතුව කුමක් ද? මෙය සමාජ රෝගයක් ද?
පිළිතුර :
කාන්තාවන්ට ඇතිවන සුද යාමේ තත්ත්ව විෂබීජ වර්ග කීපයක් නිසා ඇති වෙනවා. ඒ අනුව ඇතිවන ස්වභාවය ද වෙනස් වෙනවා. එය සාමාන්‍ය තත්ත්වක් නම් සුළු තෙත් ස්වභාවයක් පමණක් විය යුතු යි. එහෙත්, කැසීම හා සුදයාම වැඩි නම් මෙය රෝගයක් වෙන්න පුළුවන්. මෙය රෝගයක් ද නැති නම් සාමාන්‍ය තත්ත්වයක් ද යන්න තීරණය කළ හැක්කේ විශේෂිත පරීක්ෂණ මගිනි. එනිසා ඔබ ළගම ඇති රෝහලේ ලිංගාශ්‍රිත රෝග පිළිබඳ විශේෂඥ වෛද්‍යවරයකු හමු වී උපදෙස් හා ප්‍රතිකාර ලබා ගන්න.
මහනුවර මහ රෝහලේ ලිංගාශ්‍රිත රෝග පිළිබඳ විශේෂඥ වෛද්‍ය ගංගා පතිරණ
උපුටා ගැනීම දිනමිණ පුවත් පතඇසුරෙනි.
