ගර්භාෂයේ ඇතිවන ෆයිබ්‍රොයිඩ් සැත්කමකින් ඉවත් කළයුතු අවස්ථාවන්
"කෙලීගේ බඩ නෙරලා ඇවිල්ලා හරියට. දරුවෙක් ලැඛෙන්නට වගෙයි" රෝහලකට සිය දියණිය රැගෙන ආ මව වෛද්‍යවරයාට පැවසුවේ එවැන්නකි. වෛද්‍යවරයා රෝගියා පරීක්ෂාවට ලක් කර ස්කෑන් පරීක්ෂණයකට ද යොමු කළේය. ස්කෑන් පරීක්ෂණයෙන් තීරණය වුයේ ඇය ෆයිබ්‍රොයිඩ් රෝගයෙන් පෙළෙන කාන්තාවක් බවයි. ඉංශ්‍රීසියෙන් හඳුන්වන ෆයිබ්‍රොයිඩ් හෙවත් ගර්භාෂයේ ඇතිවන ගෙඩි වයස් භේදයකින් තොරව තරුණ මහළු කුමන වයසේ වුවද කාන්තාවන්ට වැළඬෙන රෝගයකි. රෝග ලක්ෂණ පෙන්නුම් කිරීම අවම වූවද උදරය විශාල වීම, උදරයේ ගෙඩියක් ලෙස අසු වීම, උදරයේ පිරුණු ස්වභාවය, උදරයේ ඇතැම්විිට වේදනාවක් ඇති වීම, දරුවන් පිළිසිඳ නොගැනීම, මුත්‍රා පද්ධතිය තෙරපීමකට ලක්ව නිතරම මුත්‍රා පිටවන වාර ගණන වැඩිවීම, කැස්ස - කිවිසුම් යාම ආදියේදී මුත්‍රා පිටවීම ලෙස මෙහි රෝග ලක්ෂණ පෙන්නුම් කෙරේ. මෙම රෝග ලක්ෂණ ෆයිබ්‍රොයිඩ් රෝගයේ ලක්ෂණ ලෙස බොහෝදෙනා සැක නොකරන අතර ෆයිබ්‍රොයිඩ් බොහෝ දුරට සනාථ වන්නේ වෙනත් රෝගයකට උදරය ස්කෑන් පරීක්ෂණයක් කළ විට එම ස්කෑන පරීක්ෂණයෙන් ලබා දෙන දත්තයන් මතය.
ෆයිබ්‍රොයිඩ්
යනු ගර්භාෂයේ තිඛෙන සුමුදු පටකවලින් ඇතිවන ගෙඩි වර්ගයකි. සුමුදු පටක වර්ධනය ඉක්මවා යාමෙන් මෙම ගෙඩි ඇතිවේ. මේවායේ වර්ධනය සඳහා ඊස්ට්‍රජන් හෝර්මෝනය ඍජු ලෙස බලපෑම් කිරීමට සමත්ය. නමුත් පොජෙස්ටරෝන් හෝර්මෝනය නිසා ෆයිබ්‍රොයිඩ් සෑදීමේ ප්‍රවණතාවය අවම වේ. ඇතැම් වයස්ගත කාන්තාවන්ට ෆයිබ්‍රොයිඩ් තිබේ නම් ඒ අය හෝර්මෝන ආදේශන භාවිතා කිරීම නිසා එය විශාල වීමට ඉඩ ඇත. නමුත් වයස්ගත කාන්තාවන්ගේ ෆයිබ්‍රොයිඩ් එකවරම විශාල වීම එතරම් හොඳ ලක්ෂණයක් නොවේ. එවැනි අවස්ථාවලදී පිළිකා තත්ත්වයන් පවා මතුවිය හැක. සියලුම ෆයිබ්‍රොයිඩ් වර්ග අන්තරාකාරී නොවන නිසා එවැනි ෆයිබ්‍රොයිඩ් වර්ග ශල්‍යකර්මයකින් ඉවත් නොකෙරේ. ස්කෑන් පරීක්ෂණයකින් ලැඛෙන දත්තයන් අනුව ෆයිබ්‍රොයිඩ් නිසා යම්කිසි කාන්තාවකට යම්කිසි අපදාවක් සිදුවේද නැද්ද යන වග හොඳින් සොයාබලා ආපදාවක් නොමැති නම් ඒ අයව සැත්කමකට භාජනය කරන්නේ නැත. ගර්භාෂය පිටින් පිහිටන ෆයිබ්‍රොයිඩ් සහ කිසිම වේදනාවක් නොදෙන ෆයිබ්‍රොයිඩ් ඉවත් නොකෙරේ. ඇතැම්විට සෙන්ටිමීටර 5 -6 වැනි ප්‍රමාණයක ෆයිබ්‍රොයිඩ් පිහිටා තිබේ නම් සැත්කමක් කිරීමට අවශ්‍ය නැත. එවැනි ෆයිබ්‍රොයිඩ් වර්ග පිළිකා බවට පත් නොවන අතර තරුණ අයට නම් කිසිදු අවදානමක් නැත.
ෆයිබ්‍රොයිඩ් සැත්කමකින් ඉවත් කරන අවස්ථා.
සැත්කමකින් ෆයිබ්‍රොයිඩ් ඉවත් කිරිමට කරුණු කිහිපයක් බලපානු ඇත. කාන්තාවගේ ෆයිබ්‍රොයිඩ් පිහිටන ප්‍රදේශය අනුව එය බොහෝදුරට තීරණය වේ. ඊට අමතරව ෆයිබ්‍රොයිඩ් ගර්භාෂ කුහරය තුළ පිහිටා ඇති කාන්තාවන් ඒ ආශි‍්‍රතව වැඩිපුර රුධිරය පිටවීමක් මාසික ආර්තවයෙහි සිදු වේ නම් එවැනි කාන්තාවන්ට සැත්කමකින් ෆයිබ්‍රොයිඩ් ඉවත් කළ යුතුය. ෆයිබ්‍රොයිඩ් ඇතුළට නෙරීම නිසා වේදනාවක් ඇතිවන කාන්තාවන්ට ගර්භාෂ ආස්තරයට ආසන්නයේ ෆයිබ්‍රොයිඩ් තිබීම ආදී කරුණු මත ෆයිබ්‍රොයිඩ් ඉවත් කිරීම සිදු කෙරේ. ඇතැම් ෆයිබ්‍රොයිඩ් හේතුකොට දරුවකු පිළිසිද ගැනීමට බාධා පැමිණීම සිදුවිය හැකි අතර ගැබ් ගැනීමකදී දරුවාගේ වර්ධනයට අවහිර වීමක් සිදුවිය හැක. එවැනි අවස්ථා වලදී ද කාන්තාව සැත්කමට භාජනය කෙරේ. කුඩා ප්‍රමාණයේ ෆයිබ්‍රොයිඩ් විශාල ප්‍රමාණයේ ජමඪබර එක ආශි‍්‍රතව පිහිටා තිබේ නම් දරුවකු පිළිසිඳ ගැනීමට එය බාධාවක් විය හැකිය. එවැනි අවස්ථාවන්හිදී ෆයිබ්‍රොයිඩ් ඉවත් කෙරේ. වයස්ගත කාන්තාවන්ට එකවරම ෆයිබ්‍රොයිඩ් විශාල වීමක් සිදු වූ විට වහාම සැත්කමකින් එය ඉවත් කෙරේ. මන්දයත් එය ඇතැම් විට පිළිකාවකට හේතුවන බැවිණි. ඇතමෙකුට ෆයිබ්‍රොයිඩ් විශාල වශයෙන් තිබේ නම් ගර්භාෂය පවා ඉවත් කිරිමට සිදු වේ. නමුත් තරුණ වියේ පසුවන දරු උපතක් අපේක්ෂා කරන කාන්තාවන්ට :පහදපැජඑදපහ- මඟින් ෆයිබ්‍රොයිඩ් ඉවත් කෙරේ. පාසල් වයසේ සිටින දැරියන්ට ෆයිබ්‍රොයිඩ් තිබේ නම් ඒවා ඵජචද පරීක්ෂණ මඟින් සොයා ගන්නා අතර සංකූලතා පෙන්නුම් කිරීමක් බොහෝදුරට සිදුවන්නේ නැත. ගර්භනී සමයේ මුල් කාලයේ ෆයිබ්‍රොයිඩ් පෙනෙන්නට තිබුණොත් වේදානාවක්. බඩ තදවීමක් ඇති වුණද ගර්භනී සමයේ සිසේරියන් සැත්කමකින් ෆයිබ්‍රොයිඩ් ඉවත් කිරිමක් සිදු නොකෙරේ. ආර්තවහරණයෙන් පසු ෆයිබ්‍රොයිඩ් ඇතිනම් ඒවා කුඩා වන බැවින් අවස්ථාවේද ඉවත් කරන්නේ නැත.
අතුරු ආබාධ :
ෆයිබ්‍රොයිඩ් ඉවත් කළ ස්ථානයේ රුධිරය එකතු වී පැසවීමෙන් පසුව විිවිධාකාර ආබාධ ඇති වී ගැටලු මතුවිය හැක. එබැවින් සැත්කමේ අවශ්‍යතාවය මත වෛද්‍යවරු දෙදෙනෙකුගෙන් හෝ උපදෙසක් ලබා ගත යුතුය. රෝගියාට රෝග ලක්ෂණ නොමැති නම් ඉවත් කිරිමට අවශ්‍ය නොවේ. සමහර ෆයිබ්‍රොයිඩ් පූර්ණ දරුවකු කුසහොත් ප්‍රමාණය තරමට වැඩි ඇත්නම් ඉවත් කළ යුතුය. ඇතැම් ෆයිබ්‍රොයිඩ් ඉවත් කිරිමේදී ගර්භාෂයේ රුධිර වාහිනී තුවාල වී රුධිරය පාලනය කරගත නොහැකි වූ අවස්ථාවලදී ගර්භාෂය ඉවත් කිරීම සිදු කෙරේ. එබැවින් ඉතාමත් සූක්ෂම ලෙස මෙම සැත්කම කළ යුතුව ඇත.
දීප්ති ෆොන්සේකා
උපුටා ගැනීම දිනමිණ පුවත් පත
