කෘතීම රූපලාවන්‍ය ආලේපනවලින් තියන ලස්සනත් නැතිවෙන්න පුළුවන්
ලස්සන වෙන්න, ලස්සනට ඉන්න අපි කවුරුත් කැමැතියි. එනමුත්, අපට උපතින් උරුම වුණු රූපය. සමේ පැහැය වෙනස්කර ගැනීමේ හැකියාවක් නොමැත. මේ නිසා අප කළ යුත්තේ උපතින් උරුමවුණු රූපය, සමේ පැහැය වයසත් සමග රැක ගැනීමට හා වැඩිදියුණු කර ගැනීමට කටයුතු කිරීමය. මේ සඳහා අපට රූපලාවන්‍ය කටයුතුවල යෙදීම ඉතා වැදගත්වේ. වෙළෙඳ‍පොළෙන් අපට ඕනෑ තරම් ‘සම ලස්සන කරනවා’ යැයි කියන සබන් වර්ග, ක්‍රීම් වර්ග, මිලදී ගැනීමට පුළුවන. නමුත් මේවා තුළින් සැබෑවටම රුව ඔපවත්වන්නේ දැයි දැනුවත්වීම ඉතා වැදගත් වේ.
සාමාන්‍යයෙන් අපේ සමේ පවතින ඩ් අගය 5.5 - 6.5 අතර මට්ටමක පවතී. මෙවැනි සමක සබන් ආ‍ලේපන කළ විට ඩ් අගය 9-10 වැනි ඉහළ අගයකට ගමන් කරයි. මෙයට හේතුව සබන් ආ‍ලේප කළ විට සම භාෂ්මික වීමය. මේ නිසා 9-11 දක්වා ගිය සමෙහි ඩ් අය නැවත යථා තත්ත්වයට පැමිණීමට අවම වශයෙන් පැය හතරක පමණ කාලයක් ගතවේ. සරලම ගැල්වුම් ද්‍රව්‍යයක් ලෙස භාවිතයට ගන්නා සුවඳ සබන්වල තත්ත්වයත් මෙය නම් අනික් ඒවා ගැන කවර නම් කතාද ? අප භාවිතයට ගන්නා විලවුන් වර්ග ප්‍රධාන වශයෙන් කොටස් දෙකකට වෙන් කළ හැක. ඒ ස්වභාවික හා කෘත්‍රිම වශයෙනි. මින් ස්වභාව ධර්මය උදව් කරගෙන ශාක කොටස්, ඛනිජ ලවන, මීපැණි, බිත්තර වැනි සත්ව ද්‍රව්‍යයන් එක්කාසු කොට ස්වභාවික රූපලාවන්‍ය ආ‍ලේපන සැකසේ. මේ නිසා මෙම ද්‍රව්‍යයන් භාවිතයට ගැනීමේදී ගැටලු ඇති වීම අවමය. එසේම ස්වභාවික රූපලාවන්‍ය ද්‍රව්‍යයන් නිසා අසාත්මිකතාවන් ඇති නොවන අතර හොඳින් සමට උරාගන්නා නිසා සාර්ථක ප්‍රතිඵල ද අත්කර ගත හැක. කෘත්‍රිම රූපලාවන්‍ය ද්‍රව්‍ය සැකසීම සඳහා පෙටේ‍රා්ලියම් ජෙල් හෙවත් වැස්ලින් යොදා ගනී. මේවායින් සමේ ඇති සියුම් සිදුරු වැසීයාම නිසා සම මත ක්‍රීම් තට්ටුවක් ආකාරයට රැඳෙන්නට පුළුවන. ඒ මත බැක්ටීරියා වර්ධනය වී කුරුළෑ වැනි අසාදිත තත්ත්වයන් ඇතිවිය හැකිය. මීට අමතරව කෘත්‍රිම ආ‍ලේපන වර්ග දිගින් දිගටම සම මත ආ‍ලේප කිරීම මගින් සමට හා සමෙහි ෙසෙල බිත්තිවලට හානි සිදුවීමේ අවදානමක් ද පවතී. සම මතුපිටින් රසායනික ද්‍රව්‍ය දීර්ඝකාලීනව ආ‍ලේප කළ විට ෙසෙලවල ප්‍රමාණය ක්‍රමයෙන් කුඩා වේ. මේ නිසා සම රැලිි වැටෙන්නට පුළුවන. එසේම ඇතැම් රූපලාවන්‍ය ආ‍ලේපනවල අඩංගු රසායනික සංයෝගයන් නිසා සමේ කැසීමත් වියළීමත් සිදුවිය හැකිය. මේ නිසා කාලයක් ගත වන විට සමේ තෙල් ස්‍රාවන ග්‍රන්ථිවලට හානි සිදුවීම තුළින් සම වියළි කොරළ වැනි තත්ත්වයන්ට පවා පත්විය හැකිය. මීට අමතරව මිනරල් ඔයිල් නමැති පෙටේ‍රලියම් සංයෝගයක් ද ඇතැම් රූපාලංකරණ ආ‍ලේපනවල අඩංගුය. මේවා නිසා සමෙහි තෙතමනය විනාශ කිරීම ප්‍රධානව සිදුවේ. සමේ බ්ලැක් හෙඩ්ස්, වයිට් හෙඩ්ස් ඇති කිරීමටත් මෙම සංයෝග හේතු වන බව සොයාගෙන ඇත. එසේම සමට අත්‍යවශ්‍ය විටමින් වන ඒ,ච්,ජ්,ම් විනාශ කිරීමත්, ඒ තුළින් සම දුර්වල කිරීමටත් මෙම ආ‍ලේපන හේතු වේ. ඇතැම් තොල් ආ‍ලේපන නිසා තොල් ඉරිතැලී යාම හෝ කළු පැහැ ගැන්විය හැකිය. ඇතැම් සම සුදු කිරීම සඳහා භාවිතා කරන ක්‍රීම් වර්ගවල අඩංගු රසදිය හයිඩේ‍රාක්වීනෝන් නිසා සමෙහි පිළිකා පවා ඇති විය හැකි බව වෛද්‍ය විද්‍යාත්මකව තහවුරුව තිබේ. මේ නිසා රුව රැක ගැනීමට හැකිතාක් ස්වභාවික ද්‍රව්‍යයන්ම භාවිතයට ගැනීම ඉතා වැදගත් වේ. එසේ නොකොට හිතුමතේ කෘත්‍රිම රූපලාවන්‍ය ආ‍ලේපන වර්ග ගැල්වීම තුළින් අවසානයට ඉතිරි වන්නේ ලප කැළැල් සහිත රැලිිවැටුණු අකලට මහලු වුණු අවලස්සන සමකි.
ආයුර්වේද වෛද්‍ය කල්හාරී ගුණතිලක
උපුටා ගැනීම ලක්බිම පුවත්පත
