කට පරෙස්‌සම් කරගත යුතු වයස

පුංචි කාලේ දරුවෝ නිතර නිතර ආහාර අනුභව කරති. ඒවා පුංචි ප්‍රමාණයේ නිසා දෙමාපියෝ එතරම් ගණන් නොගනිති. අනෙක දරුවන් එක්‌ ආහාරවේලකදී අනුභව කරන ආහාර ප්‍රමාණයද කුඩා නිසා පුංචි පුංචි ආහාරවේල් කිහිපයක්‌ ගත්තාට වරදක්‌ නැත. නමුත් මේ පුරුද්ද තරුණ වියේදී මැදිවියේදී හොඳ නැත. සමහරු පොඩ්ඩ පොඩ්ඩ ආහාරවේල් කිහිපයක්‌ ගනිති. නමුත් ඒ ගන්නා ආහාරවේල් ප්‍රමාණය සාමාන්‍ය ආහාර වේලකට වඩා වැඩිවිය හැකිය. එනිසා වයස අවුරුදු 35-40 පමණ වන විට කට පරෙස්‌සම් කරගෙන ආහාර පාන ගැනීමට හුරුවිය යුතුය. එහෙම පරෙස්‌සම් වුණොත් වැඩිකාලයක්‌ නීරෝගීව ජීවත් විය හැකියි. මෙම වයසට පෙර කට පරෙස්‌සම් කරගත යුතු අයත් සිටිති. දියවැඩියාව, හෘදයාබාධ, අධික ස්‌ථූලතාවය, වැනි රෝග තම පවුලේ සාමාජිකයන්ට පරම්පරාවට යන අය වයස අවුරුදු 20-25 දී පමණ සිට කට පරෙස්‌සම් කරගත යුතුයි. කට පරෙස්‌සම් කර ගන්න කිව්වාට මොන මොන ආහාර පාන වලින් කට පරෙස්‌සම් කරගත යුතු දැයි කියා බොහෝ දෙනා නොදනිති. 

• මස්‌, කිරි, බිත්තර යන සියලුම සත්ත්ව ආහාර අනුභවය අඩු කළ යුතුයි මස්‌ වර්ග වලින් යහපත් යෑයි කිව හැක්‌කේ මාළු වර්ග පමණි. ඒවා අතර සාලයා, හුරුල්ලා වැනි කුඩා මාළු ඉතා ගුණදායකය.
• මුහුදු කලපු සතුන් වන ඉස්‌සන්, පොකිරිස්‌සන් වැනි සත්ව ආහාර මාළු තරම් ගුණදායක නැත. ඒවායේ මේදය ප්‍රොaටීන් අධිකය.
• කිරි ආහාර ගැනීමේදී මේදය රහිත එළකිරිවර්ග තෝරා ගැනීම සුදුසුය.
• බිත්තරවල මේදය අඩංගුවී ඇත්තේ එහි කහමදයේය. සුදුමදය බොහෝ දුරට මේදයෙන් තොර බැවින්ද ප්‍රොaටීන් බහුල බැවින්ද එය ගුණදායකය.
• චීස්‌, බටර් යනු නවතා දැමිය යුතු ආහාරය.
• තෙල් වර්ග භාවිතය අඩුකළ යුතුය. පොල් තෙල් ෆාම් තෙල්ද හැකි තරම් අඩු කළ යුතුය.
• සෝයා තෙල්, සූරියකාන්ත තෙල්, බඩඉරිඟු තෙල් ද දිනකට තේ හැඳි 1-2 කටවත් සීමා කළ යුතුය.
• මුං, කව්පි, සෝයා, පරිප්පු, මද, කඩල යනාදී පියලි ඇට වර්ග ඉතා ගුණදායකය.
• නිව්ඩු හාලේ බත්, ගෝවා, කොහිලදඬු, එළවළු, පලාවර්ග, ලූනු, සුදුලූනු, කුරක්‌කන් මුසුවූ පිටියෙන් තැනූ ආහාර ගුණදායකය.
• සීනි සහිත ආහාර අනුභවය පාලනය කළ යුතුය. පලතුරු වර්ගද මිරිකා පානයක්‌ ලෙස ගනුවෙනුවට කැබලි ලෙස ආහාරයට ගැනීමෙන් රුධිරයේ ඇති සීනි ප්‍රමාණය ඉහළයැම පාලනය කළ හැකිය.

මේ සියල්ල කළ යුත්තේ ප්‍ර්‍රධාන ආහාර වේල් තුනක්‌ පමණක්‌ දිනකට පවත්වාගෙන යමිනි. රෑට නොකා සිටීම හෝ උදේට නොකා සිටීම හොඳ නැත. එය වැරදි පිළිවෙතකි. ආහාර වේල් තුන නිසි පමණ දැන අනුභව කළ යුතුය.

උපදෙස්‌ හෘද රෝග පිළිබඳ විශේෂඥ වෛද්‍ය රුවන් ඒකනායකදිවයින පුවත්පත