සේපාලිකා මල් දියවැඩියාව ඇතිවීම වළක්වයි දියවැඩියාව පාලනයටත් කදිමයි

සවසට පිපී උදෑසන වැටී පරවී යන සේපාලිකා මලින් බුදුන් පිදීමට අමතරව තවත් සුවිශේෂී කටයුත්තක් කළ හැකි බව ඔබ සිතුවාද?. සොඳුරු සේපාලිකා මල් දහයකින් පහළොවකින් පමණ අපේ රටේ බොහෝදෙනා පීඩා විඳින දියවැඩියා රෝගය සඳහා පිළියම් කළ හැකි පවසන්නේ කොළඹ නවලෝක රෝහලේ විධායක සුපවේදී සහ මුළුතැන්ගෙයි කළමණාකරු දේශබන්දු ආචාර්ය ඇලන් ජරයින් මහතායි. අපේ රටේ කුඩා දරුවන් සහ වැඩිහිටි බොහෝ දෙනා මේ වනවිටත් ජිවතය කාලය පුරා පීඩා විඳින දියවැඩියාව නිට්ටාවට සුව කළ නොහැකි රෝග තත්ත්වයක් බව ඔබ දන්නවා. දියවැඩියාව පාලනය කිරීමේ සුවිශේෂී ගුණයක් සේපාලිකා මල්වල තිබෙනවා. නටුව රතු පැහැයෙන් දිසුවෙන සුදුපාට කුඩා මල්පෙති පහකින් සමන්විත සේපාලිකා මල් දහයක් හෝ පහළොවක් අහුලා ගෙන හොඳින් පිරිසිදු කරමින් මඳ උණුසුම් වතුර මිලි ලීටර් 200 කට පමණ දමා විනාඩි දහයක් තබා පෙරමින් ලබා ගන්නා වතුර උදෑසන හිස්බඩට පානය කිරීමෙන් දියවැඩියා රෝගය පාලනය කළ හැකි බව මා ප‍්‍රත්‍යක්‍ෂව ඔප්පු කර තිබෙනවා. සාර්ථක ප‍්‍රතිඵල ලබා ගැනීම සඳහා සතියකට දවස් තුනක් දියවැඩියා රෝගින් මෙම සේපාලිකා මල් වතුර පානය කළ යුතුයි. මෙය කහට ගතියෙන් යුතු තිත්ත රසයක් ඇති පානයක්. අමාරුවෙන් හරි බිව්වොත් ඔබට හොඳයි.

ඒ වගේම තමයි මුළුතැන්ගෙයි රසකාරකයක් ලෙස භාවිත කරන කරපිංචා ඉංග‍්‍රිසි භාෂාවෙන් කරි ලීව්ස් ලෙස හැඳින්වුවත් මම මෙය හඳුන්වන්නේ මැජික් ලීව්ස් ලෙසයි.විශේෂයෙන්ම ශරීරයට අවශය නොවන කොලෙස්ටරෝල් පාලනය සඳහා කරපිංචාවල ඇත්තේ පුදුමාකාර බලයක් සහ ගුණයක්.කොලෙස්ටරෝල් අධික රෝගීන් කරපිංචා දලූ කිනිති කිහිපයක් සොයාගෙන හොඳින් පිරිසිදු කිරීමෙන් පසු හොඳින් නටවා ගත් මඳ රස්නේ වතුර කෝප්පයකට රාත‍්‍රි කාලයේ දී කරපිංචා දලූ දමා පසුදින උදෑසන එම වතුර පානය කිරීමෙන් සාර්ථක ප‍්‍රතිඵල ලබා ගන්න පුළුවනි. විශේෂයෙන් පරම්පරා ඉතිහාසය තුළ කොලෙස්ටරෝල් ඇති රෝගීන් සූරියකාන්ත තෙල් හෝ ඔලිව් තෙල් ආහාර සඳහා පාවිච්චි කරනවා නම් හොඳයි. දැන් එබ සිතයි ඇයි පොල් තෙල් කොලෙස්ටරෝල්වලට අගුණ ද කියලා. ඇතැම් වෛද්‍යවරුන් පොල් තෙල්වල කොලෙස්ටරෝල් නැහැ කියලා කියනවා. තවත් කොටසක් පොල්තෙල්වල කොලෙස්ටරෝල් තියෙනවා කියලත් කියනවා. මේ නිසා රෝගින් වෙනුවෙන් ආහාර පිළියෙල කරන මුළුතැන්ගෙයක විධායක සූපවේදියෙකු වශයෙන් අවදානමක් නොගෙන ආහාර පිළියෙල කිරීම සඳහා අපි පාවිච්චි කරන්නේ සූරියකාන්ත තෙල් සහ ඔලිව් ඔයිල් විතරයි. ඒ අතරින් ඔලිව් තෙල් වඩාත් ගුණදායකයි. ඒ වගේම බිත්තර කහ මදය, මුහුදු ආහාර වන කකුළුවන්, දැල්ලන් සහ ඉස්සන් කොලෙස්ටරෝල් අධික අහාර වර්ග වෙනවා. මේවා කිසිවිටෙකත් හාද රෝගීන්ට සහ රුධිරයේ කොලෙස්ටරෝල් ප‍්‍රතිශතය අධික රෝගීන්ට සුදුසු නැහැ. ඒ වගේමයි දියවැඩියා, අධිකර රුධිර පීඩනය සහ හාද රෝගීන් ව්‍යායාම කිරිම, නිතර නිතර දියවැඩියා තත්ත්වය පරීක්‍ෂා කර ගැනිම, කබෝහයිඩ්‍රේට් අවම ආහාර ගැනීමසහ ආහාර පාලනය කිරිම ඉතා වැදගත් වෙනවා. විශේෂයෙන් ඇමරිකා එක්සත් ජනපදයේ දියවැඩියා රෝගීන් සියයට 90ක් වාර්තා වෙනවා. මේ වනවිට අපේ ශ‍්‍රී ලංතාවත් සෙමින් සෙමින් ඒ තත්ත්වයට ළගා වෙමින් තිබිම කනගාටුවට කරුණක්.

උපුටා ගැනීම නවලිය පුවත්පත