මොකක්ද මේ කෙණ්ඩ පෙරලීම කියන්නේ
කෙණ්ඩ පෙරලීම අපි කවුරුත් අත් විඳ තිබෙන තත්ත්වයක්. ඒ ගැන මතක් වුණත් සිරුර හිරි වැටෙන හැගීමක් ඔබට දැනෙනවා විය හැකියි. කෙණ්ඩා පෙරලීම කී විට එය පාදයේ “බත්කෙණ්ඩා “යනුවෙන් හැඳින්වෙන ප්‍රදේශයේ වුණත්, ඒ හැර පිට, අත්, උදරය ආදී ස්ථානවලත් මාංශ පේශි මේ තත්ත්වයට පත් වෙන්න පුළුවනි. ඒ ගැන මතක් වුණත් සිරුර හිරි වැටෙන හැගීමක් ඔබට දැනෙනවා විය හැකියි. කෙණ්ඩා පෙරලීම කී විට එය පාදයේ “බත්කෙණ්ඩා “යනුවෙන් හැඳින්වෙන ප්‍රදේශයේ වුණත්, ඒ හැර පිට, අත්, උදරය ආදී ස්ථානවලත් මාංශ පේශි මේ තත්වයට පත් වෙන්න පුළුවනි.
කෙණ්ඩ පෙරලීම කියන්නේ…
අපි දන්නා අන්දමට මාංශ පේශි සංකෝචනය සහ ඉහිල් වීම සිදු වුනත් අනිච්චානුගතව එහෙම නැත්නම් අපේ පාලනයකින් තොරව මාංශ පේශිය සංකෝචනය වී තිබෙනවා. මෙය ඉතාම වේදනාකාරීයි. නමුත් මේ වේදනාව හැම දෙනාටම එක සමාන නැහැ. එය පුද්ගලයාගෙන් පුද්ගලයාට වෙනස් වෙන්න පුළුවනි.
කෙණ්ඩ පෙරලීමක් සිදු වුණොත් ඒ වේදනාව මිනිත්තු කීපයක් පවතිනවා. සමහර විට ඒ වේදනාව තත්පර කීපයකට සීමා වෙන්න පුළුවන්. ඒ වගේම මිනිත්තු දහයක් වගේ වේලාවක් පවතින්නත් පුළුවන්.
ඒ වගේම කෙණ්ඩා පෙරලීමකින් පසුව ඒ මාංශ පේශියේ පවතින තද ගතිය පැය විසි හතරක් වැනි කාලයක් පුරා පවතන්නත් ඉඩ තිබෙනවා. ඒ වගේම කෙණ්ඩා පෙරලීම විවේකීව සිටින විටත් සිදු වෙනවා. විශේෂයෙන් ඔබ නිදා ගෙන සිටින අවස්ථාවලදී කෙණ්ඩා පෙරලීම සිදු වෙනවා. මෙහිදී දැනෙන දැඩි වේදනාව නිසා ඔබ නින්දෙන් අවදි වෙන අවස්ථාවන් ගැන අත්දැකීම් ඇති.
කෙණ්ඩ පෙරලෙන්නේ කාගේද?
බොහෝ අයට කෙණ්ඩා පෙරලීම ඉඳ හිට සිදු වෙන්න පුළුවන්. නමුත් සමහර පුද්ගලයන්ට නිතරම කෙණ්ඩා පෙරලීම සිදු වෙනවා.ඒ වගේම වැඩිහිටි පුද්ගලයන්ගේ කෙණ්ඩා පෙරලීම වැඩියි. වයස අවුරුදු 60 ඉක්මවන ලද පුද්ගලයන් තුන් දෙනෙකුගෙන් එක් අයෙකුට වගේම වයස අවුරුදු 80 ඉක්මවන ලද පුද්ගලයන්ගෙන් 50% ක් තරම් පිරිසකට කෙණ්ඩා පෙරලීමට පුළුවන්.
කෙණ්ඩ පෙරලීමට හේතු.
කෙණ්ඩා පෙරලීම් වෙනුවෙන් නිශ්චිත හේතු කියන්න බැහැ. සමහර විට වෙනත් රෝග තත්ත්වයන් නිසා කෙණ්ඩා පෙරලීම සිදු වෙනවා.ඔබ විසින් ලබා ගන්නා ඖෂධවල අතුරු ප්‍රතිඵලයක් විදිහටත් කෙණ්ඩා පෙරලීම් සිදු වෙනවා. උදාහරණ විදිහට Thiazide, diuretics, Loopdiuretics nifedipine,statins, lithium වැනි ඖෂධ සඳහන් කරන්න පුළුවන්.
- අධික ව්‍යායාම කිරීම.
- ශරීරයේ ජල ප්‍රමාණය අඩි වීම නිසා විජලනය වීම.
- රුධිරයේ සෝඩියම්, පොටෑසියම්ල කැල්සියම්ල මැග්නීසියම් ආදී ලවණවල අසමතුලිතාවය.
- වකුගඩු අකර්මන්‍ය වීමේදී සිදු කරන රුධිර කාන්දු පෙරනය ( Dialysis )
- ගර්භණී කාන්තාවන්.
- ප්‍රතිකාර නොකරන තයිරොයිඩ් ග්‍රන්ථිය ආශ්‍රිත රෝග.
- දෙපාවලට රුධිරය සපයන රුධිර නාලිකා සිහින් වීම.
- අධික මත් පැන් පානය.
- සිරෝසිස්.
- Lead poisoing
- Sarcoidsis
රාත්‍රි කාලයේදී කෙණ්ඩ පෙරලෙන්නේ ඇයි ?
නිදා ගැනීමේදී අප සිටින ඉරියව්ව මේ වෙනුවෙන් බලපානවා. නිදා ගන්නා විට අපි දණහිස මදක් නවා ගෙන කකුලේ ඇගිලි පහලට සිටින සේ තබා ගන්නවා. මේ ඉරියව්ව ( Knees slightly flexes and feet pointing slightly downward )
කෙණ්ඩ පෙරලීම වළක්වා ගන්නේ කොහොමද ?
- කෙණ්ඩ පෙරලීමේදී අදාළ මාංශ පේශිය සම්බාහනය කරන්න.
- ඔබ සිටින ඉරියව්ව වෙනස් කර අදාළ මාංශ පේශිය ඉහිල් කිරීමට කටයුතු කරන්න.
- උණුසුම් ජලයෙන් හෝ ලුණු වතුරෙන් තවන්න.
- ඔබ දැනට ලබාගන්නා ඖෂධ නිසා සිදු වෙන කෙණ්ඩ පෙරලීමක් නම් වෛද්‍යවරයා සමග සාකච්ඡා කරන්න.
- මාංශ පේශි ඉහිල් කිරීමේ ව්‍යායාමයන්හි යෙදෙන්න.
ඉහතින් සඳහන් කරන ලද ප්‍රතිකාර අප අතර සුලබව සිදු වෙනවා. නමුත් දැනට විද්‍යාත්මක අධ්‍යනයන් මගින් තහවුරු වී නැතැත් පහත සඳහන් කරුණු ගැනත් අවධානය යොමු කරන්න.ඔබ නිදා ගැනීමේදී කොන්ද පිටුපසට තබා නිදා ගන්නවා නම් කකුල් මදක් එසවෙන සේ කොට්ටයක් තබා ගන්න.කොන්ද උඩු අතට තබා ගෙන නිදා ගන්නවා නම් කකුල් දෙක ඇඳ කෙලවරින් මදක් පහළට එල්ලෙන සේ තබා ගන්න.
කෙණ්ඩ පෙරලීම වළක්වා ගැනීම සඳහා ඖෂධ ප්‍රතිකාර තිබෙනවාද ?
ඔව්. කෙණ්ඩා පෙරලීම නිසා දැඩි අපහසුතාවයක් ඇති විට ඒ වෙනුවෙන් ඖෂධීය ප්‍රතිකාර ලබා ගැනීමට පුළුවනි. මේ වෙනුවෙන් වෛද්‍යවරුන් විසින් විටමින් B, විටමින් E සහ මැග්නීසියම් නිර්දේශ කරනවා.
මිට අමතරව තවත් ඖෂධ වෙනුවෙන් පර්යේෂණ සිදු වෙමින් පවතිනවා. කොහොම වුණත් කෙණ්ඩා පෙරලීම වෙනුවෙන් ඖෂධ ලබාගැනීම වෛද්‍ය නිර්දේශ මත සිදු විය යුතුයි. Quinine වැනි ඖෂධ මගින් “arrhythmias “වැනි රෝග ඇති වීමට ඉඩ තිබෙනවා.
කායික රෝග පිළිබද විශේෂඥ වෛද්‍ය ලක්නාත් වෙලගෙදර
උපුටා ගැනීම නවලිය
