නාඩි වෛද්‍ය විද්‍යාව හෘද නාඩිය බලපෑමෙන් හදවතෙහි මතුවන ආතරයිටීස්‌

නාඩි වෛද්‍ය විද්‍යාව යටතේ ආතරයිටීස්‌ රෝගය ශීර්ෂ, හෘද උදර සහ බල යන ප්‍රධාන නාඩි හතර ආශ්‍රිතව ඇතිවන බව සෘෂි වෛද්‍යවරු පවසා ඇත. ඒ යටතේ අපි පසුගිය සතියේ විමසා බැලුවේ ශීර්ෂ නාඩිය ආශ්‍රිතව ආතරයිටීස්‌ රෝගය මතුවන ආකාරය පිළිබඳවය. මෙවර අප විමසා බලනුයේ හෘදය නාඩිය ආශ්‍රිතව ආතරයිටීස්‌ රෝගය මතුවන ආකාරය සම්බන්ධයෙනි.

හෘදය යනු සෑම ජීවියකුගේම ඉතා වටිනාම ඉන්ද්‍රියයි. එහි ක්‍රියාකාරිත්වය නතර වුවහොත් ජීවියා මරණයට පත්වේ. එබැවින් අප මොළය, පෙනහළු, වකුගඩු අක්‌මාව ආදී සිරුරේ අනෙකුත් ප්‍රධාන ඉන්ද්‍රියයනට වඩා හෘදය ගැන පවසන්නේද විශේෂත්වයක්‌ දක්‌වමිනි. එනම් හෘදය වස්‌තුව යෑයි කියාය. වස්‌තුව යනු ඉතා වටිනා දෙයකි. එබැවින් හෘදයටද අපි වස්‌තුව යන වචනය එක්‌කර ගනිමින් පවසන්නේ එහි ඇති වටිනාකම දන්නා නිසාය. හෘද නාඩියේ ක්‍රියාකාරිත්වය නිසා ඇතිවන ආතරයිටීස්‌ හෘදය වස්‌තුවට ඉළඇට පෙළට සහ කොඳුඇට පෙළට බලපායි. පළමුව අපි හෘදයට එය බලපාන ආකාරය පිළිබඳව අවධානය යොමු කරමු.

හෘදය වස්‌තුවෙහි ඇතිවන ආතරයිටීස්‌

හෘද භාගා නාඩි - ස්‌නායු තන්තු කිරීටක ධමනි භාගා මනුස්‌සා සත්ත්ව භාගා හෘද අභ්‍යන්තරම් ලෙසින් සෘෂි වෛද්‍ය භාෂාවෙන් පවසන්නේ හෘද නාඩිය අක්‍රමවත්වීම නිසා හෘදය වස්‌තුව අභ්‍යන්තරයේ ඇති ජානමය කිරීටක ධමනිය ප්‍රධාන කොටගත් ස්‌නායු සහ රුධිර නාළ පද්ධතිය තුළ ආතරයිටීස්‌ රෝගය ඇතිවීම පිළිබඳවය. ස්‌ත්‍රීන්ට සහ පුරුෂයන්ට මතුවන හෘද නාඩි ආතරයිටීස්‌ රෝගය කොටස්‌ 45 කට ඛෙදා ඇත. මෙම කොටස්‌ 45 න් 24 ක්‌ ස්‌ත්‍රීන්ටත් 21 ක්‌ පුරුෂයන්ටත් මතුවේ. ස්‌ත්‍රීන්ට මෙහි වැඩිපුර කොටස්‌ තුනක්‌ ඇත්තේ පියයුරු නිසාය. කිරිදීමේ අයිතිය සහ එම හැකියාව ඇත්තේ ස්‌ත්‍රීන්ටය. එනිසා හෘදය වස්‌තුව පියයුරු හා සම්බන්ධ කරන නාඩි වර්ග තුනක්‌ ඇත. එබැවින් කාන්තාවන්ට හෘද නාඩිය යටතේ ඇතිවන ආතරයිටීස්‌ වර්ග 24 කි. මෙලෙස හෘද නාඩිය යටතේ හෘදය වස්‌තුවට ආතරයිටීස්‌ ඇතිවීමට බලපාන නාඩි තවත් කොටස්‌ 16 කට ඛෙදා ඇත. අධික ප්‍රීතිය, අධික කුල්මත් බව, අඩු වයසින් විවාහවීම, අඩු වයසින් දරුවන් ලැබීම සහ ගැබ් ගැනීම, දුරාචාරයේ හැසිරීම, තමා කරන කියන දේ පිළිබඳව නිසි වැටහීමක්‌ නොමැතිවීම ආදිය නිසා හෘද නාඩිය විකෘති වේ. එවිට හෘදය වස්‌තුවේ ඇතිවන අධික කම්පනය නිසා කිරීටක ධමනිය නැවීම හෝ කම්පනයට පත්වීම හෘදය වස්‌තුව ඉදිමුව හෝ තඩිස්‌සිවීම සිදුවේ. මෙය දිගු කාලයක්‌ පැවතීම නිසා හෘදය වස්‌තුවේ ක්‍රියාකාරිත්වයට බාධා මතුවේ. එහි ප්‍රතිඵලය වන්නේ හෘදය වස්‌තුවේ ආතරයිටීස්‌ ඇතිවීමය. මෙසේ කිරීටක ධමනිය අවහිරවීමක්‌, හෘදය වස්‌තුව ඉදිමුමක්‌ හෝ හෘදය වස්‌තුවේ විශාල වීමක්‌ ලෙස හඳුන්වා සැත්කම් සිදු කරනු ලබයි. උදාහරණයක්‌ ලෙස කිරීටක ධමනිය ඔස්‌සේ ලේ ගමනාගමනය සිදුවීමට බාධා මතුවුවහොත් ඒ සඳහා බයි පාස්‌ සැත්කමක්‌ කළ යුතු යෑයි පවසති. හෘදය වස්‌තුව ඉදිමුමට හෝ තඩිස්‌සි වූ විට ත්‍රොම්බෝසියාව යෑයි පවසති. මෙය සෘෂි වෛද්‍ය විද්‍යාව අනුව ආතරයිටීස්‌ රෝග තත්ත්වයකි. මෙම හෘදය නාඩියේ බලපෑම නිසා හෘදය වස්‌තුව අභ්‍යන්තරයේ ඇතිවන ආතරයිටීස්‌ රෝගය ළමා තරුණ වැඩිහිටි කියා වයස්‌ බේදයකින් තොරව මතුවේ. නමුත් බහුලව දැකිය හැක්‌කේ තරුණ විය ඉක්‌ම යන විටදීය. හෘද නාඩි ආතරයිටීස්‌ රෝගය මතුවීමට ප්‍රධාන වශයෙන් බලපානු ලබන්නේ අපගේ සිරුරේ අධික ක්‍රියාකාරිත්වයයි. අධික ලෙස මේදය සහිත ආහාර ගැනීම, අඩු වයසින් විවාහවීම, ළාබාල වියේදී ගැබ් ගැනීම, අධික ලෙස කාම භෝගයේ යෙදීම අධික කම්පනයට නිතර නිතර ලක්‌වීම ආදියට හුරුවන්නේ හෘද නාඩිය විකෘතිවීම නිසාය. මෙය පාලනය කර ගැනීමට නම් කළ යුත්තේ මනස සන්සුන් කර ගැනීම, ආගම දහමට අනුව යහපත් දිවියක්‌ ගත කිරීම, යහපත් සෞඛ්‍ය පුරුදුවලට යොමුවීම, පෝෂ්‍යදායි ආහාර ගැනීම සහ සතුටින් සැහැල්ලු සිතින් දිවි ගෙවීමය.

ප්‍රතිකාර

හෘද නාඩි ආතරයිටීස්‌ සඳහා නිසි වෛද්‍ය උපදෙස්‌ ලබා ගන්නා අතරතුර ඒ සඳහා සහනයක්‌ ලෙස නාමල් රේණු, හාතාවරිය අමුක්‌කරා පිටි, කෝමාරිකා මද එකම ප්‍රමාණය බැගින් ගෙන පිරිසිදු මී පැණි සමග හීනටි හාලේ පොරි ටිකක්‌ යොදා එකට අනා උදේ ආහාරය සමග ගත හැකිය.

මුරුංගා මල්, සේපාලිකා මල්, දැසමන් මල්, කහමල් යන මල් හතර වර්ගය එක සමාන ප්‍රමාණය බැගින් ගෙන තම්බා කෝප්ප කාලක්‌ පමණ සති කිහිපයක්‌ සීනි භාවිත නොකර පාවිච්චි කළ හැකිය.

නාඩි වෛද්‍ය විද්‍යාව පිළිබඳ මහාචාර්ය වෛද්‍ය ජිනසිරි ලියන්වෙලඅංක 118/2, අඟුලාන දුම්රිය පළ පාර, උද්‍යාන මාවත, මොරටුව.දුරකථන - 011-2632225උපුටා ගැනීම දිවයින පුවත් පත