තද රස්නයක් සහිත මේ පායන කාලයේදී
තද රස්නයක් සහිත මේ පායන කාලයේදී වෛරස් රෝගි පැතිරී යාම බහූලවම සිදුවෙනවා. මේ බොහොමයක් වෛරස් රෝගවලට හේතුව වන්නේ පෑවිල්ල සමග ඇතිවන දූවිල්ලයි. ශ්වසන පද්ධතියේ රෝග බොහොමයක් ඇතිවීමට මෙම දූවිලි හේතුවෙනවා.
ශ්වසන පද්ධතියේ ආසාත්මිකතා ඇති කරන කැස්ස, සෙම්ප්‍රතිශ්‍යාව වැනි රෝග සහ ඇඳුම, පීනස වැනි රෝගී තත්ත්වයන් වගේම සරම්ප, කම්මූල්ගාය, පැපොල වැනි වෛරස් රෝග මේ දවස්වල වැඩි වශයෙන් පැතිරී යනවා. මේ නිසා ලොකු පොඩි හැම දෙනාම සෞඛ්‍ය පිළිබඳ හොඳ අවධානයකින් සිටින්නට ඕන.
ශ්වසන මාර්ගයේ රෝග ඇතිවන විට (ආසාත්මිකතාවයක් හෝ ආසාදනයක් ඇති වනවිට) ශ්ලේෂ්ම පටලයේ ඉදිමීමක් ඇතිවෙනවා. ඒ හේතුව නිසා අවශ්‍ය ප්‍රමාණයට වඩා සෙම නිපදවීම, සොටූ නිපදවීම සිදුවෙනවා. රසායනික ක්‍රියාවලියක් මගින් තමයි මෙය සිදුවෙන්නේ. මෙය ස්වභාවික ලෙස ශරීරයේ අපවිත්‍ර දේවල්, විෂබීජ, දූවිලි සෝදා හැරීමට ශරීරියෙන්ම නිපදවෙන දියරයක් ලෙස හඳුන්වා දෙන්නට පූළුවන්. නමූත් අනවශ්‍ය ලෙස සෙම නිපදවීම නිසා තමයි බොහෝ රෝගී තත්ත්වයන් ඇතිවෙන්නේ.
ඒ වගේම මෙසේ ශ්වසනාලයේ ආසාදන ඇතිවූ විට බ්‍රොන්කයිටිස් වැනි රෝගී තත්ත්වයන් වගේම නිව්මෝනියාව වැනි රෝගී තත්ත්වයන් පවා ඇතිවෙන්නට පූළුවන්.
සරම්ප, පැපොල, කම්මූල්ගාය වැනි වෛරස් රෝග හැර අනෙක් වෛරස් රෝග ඇතිවූ විට සතියක් පමණ ගෙවෙද්දී ශරීරයේ තිබෙන ප්‍රතිශක්තිකරණය නිසා ඒවා සූවවී යනවා. ප්‍රතිජීවක ඖෂධ වර්ග ලබා දුන්නත් ලබා, නොදුන්නත් ඇතැම් විට එම රෝගී තත්ත්වය ඒ කාල සීමාවෙන් පසූ සූවවෙනවා. එම කාලයේදී ඇතිවන ශරීරයේ වේදනාවන් අපහසූතාවයන් මඟහරවා ගන්නට තමයි එවැනි ප්‍රතිකාර ලබාදෙන්නේ. නමූත් දිගින් දිගටම මෙවැනි රෝගී තත්ත්වයන් පවතිනවා නම් වෛද්‍ය උපදෙස් හා ප්‍රතිකාර ලබාගැනීම ඉතාමත් සූදුසූයි.
බොහෝ අවස්ථාවලදී ප්‍රතිජීවක ඖෂධවල නියම මාත්‍රාව ගන්නේ නැහැ. මෙය වැරදි ක්‍රියාවක්. කුඩා දරුවන්ට ලබාදෙන මාත්‍රාව වැඩිහිටි පූද්ගලයන්ට ගැළපෙන්නේ නැහැ වගේම වැඩහිටි පූද්ගලයන්ට අවශ්‍ය වන මාත්‍රාව කුඩා දරුවන්ට ගැළපෙන්නේත් නැහැ. ඒ නිසා මේ පිළිබඳව අවබෝධක් නොමැතිව අනවශ්‍ය ලෙස ප්‍රතිජීවක ඖෂධ ලබාදෙන්නට එපා. විශේෂයෙන්ම කුඩා දරුවන්ට මෙය තදින්ම බලපානවා. ඒ ඒ වයස් සීමාවට ගැළපෙන ඖෂධ මාත්‍රාව පමණක් ලබාගැනීම ඉතාම වැදගත්.
ඒ වගේම පානය සඳහා ගන්නා ජලයේ තිබෙන අපවිත්‍රතාවය නිසා ද ලෙඩ රෝග පැතිරී යනවා. විශේෂයෙන්ම කුඩා දරුවන්ට උදරාශ්‍රිත රෝග ඇතිවන්නේ ඒ නිසා. හැමවිටම උණූකර නිවාගත් ජලය පානය කරන්නේ නම් මෙවැනි රෝගී තත්ත්ව කිසිම කාලයකදී ඇතිවෙන්නේ නැහැ.
ඒ වගේම සෙම් රෝග තිබෙන දරුවන්ට වගේම වැඩිහිටියන්ටත් හූමාලය ඇල්ලීම ඉතාම පහසූවෙන් කළ හැකියි. සෙම පිට කිරීමට උපකාරී වන මෙවැනි ක්‍රියාවන් නිවසේදීම කරන්නට පූළුවන්.
ඒ වගේම මෙවැනි වෛරස් රෝගී තත්ත්වවලදී දෙමවූපියන් කරන එක් වරදක් තිබෙනවා. එනම් වරක් භාවිත කළ ඖෂධ වර්ග වෛද්‍ය අනූමැතියකින් තොරව දරුවන්ට ලබාදෙනවා. එය වැරදියි. මොකද සමහර අවස්ථාවලදී රෝගී තත්ත්වයන් වෙනස් වෙනවා. නමූත් දෙමවූපියන් ඒ ගැන දන්නේ නැහැ. ඒ නිසා දරුවා වෛද්‍යවරයෙකුට පෙන්වා ප්‍රතිකාර උපදෙස් ලබාගැනීම ඉතාම හොඳයි.
