ඇග මහත් වෙන්න
ඇග මහත් වෙන්න..... ඛෙහෙතක් ඉල්ලගෙන සායනයට එන පිරිස ගැන වෛද්‍යවරයකුගේ පැත්තෙන් ඔබව දැනුවත් කරන්න. විශේෂයෙන් නව යොවුන් වියේ තරුණයන් මේ ගැටලුව, ඒ කියන්නේ ඇග මහත් කර ගැනීම පිළිබඳව ඉමහත් පීඩනයකින් පෙළෙන බව අපි අත් දකින කාරණයක්. මෙම ලිපිය කියවන වැඩිහිටි පාඨක ඔබත් වයස අවු. 20 පමණ වූ යොවුන් වියේදී මේ ගැටලුවෙන් පීඩා විඳි බව සිහියට නැෙගනවා ඇති. කෙට්ටු ශරීරය, කෙසඟ සිරුර, රූපලාවණ්‍යය පැත්තෙන් අපට කරණ හිරිහැරය අමුතුවෙන් සඳහන් කළ යුතු නැහැ. තමන්ගේ සිරුරේ බර, උස අනුව නියමිත ප්‍රමාණය ඇති ද යන්න සලකා බැලෙන්නේ උස හා බර අනුව සකසනු ලබන කිසියම් අගයක් අනුවයි. මෙම අගය හෙවත් ඉලක්කම BMI (Body Mass Index) ලෙස හඳුන්වනු ලබනවා. මෙහිදී BMI ගහනය කරනු ලබන්නේ තමන්ගේ බර උසෙහි වර්ගයෙන් (උසxඋස) ඛෙදීමෙනුයි. (මෙහිදී බර කි.ග්‍රෑ. වලින්ද, උස මීටර් වලින්ද ගත යුතු වෙනවා)
මෙහිදී ලැඛෙන අගය හෙවත් ඊඵෂ අගය 19 - 24 ත් අතර නම් එය උසට සරිලන, බරක් ලෙස සලකනු ලබනවා. 25 ට වැඩි නම් බර වැඩි අයෙකු ලෙස සලකනවා. (Over weight) මෙහිදී BMI අගය 18 ට අඩු අය කෙසග හෙවත් කෙට්ටු බර අඩු අය ලෙස සලකනු ලබනවා. වැඩිහිටියන් සඳහා මෙහිදී වෛද්‍ය උපදෙස් හා ප්‍රතිකාර තීරණය කළත්, අවු. 20 අවට සිටිනා නව යොවුන් වියේ තරුණ, තරුණියන් සඳහා නම් බරපතල කාරණයක් ලෙස සලකා බැලෙන්නේ නැහැ. කෙසේ වෙතත් අගය 18 ට අඩු අය තමන්ගේ වෛද්‍යවරයා හා සාකච්ඡා කිරීමෙන් අනතුරුව ඒ සම්බන්ධ ආහාර හා අවශ්‍ය නම් වෙනත් වෛද්‍ය උපදෙස් ලබාගත යුතු වෙනවා. බොහෝවිට සිහින් සිරුරක් පැවතීම බලපාන්නේ මානසිකවයි. තමන්ගේ සම වයසේ අය හා සන්සන්දනය කිරීමත්, ඇඳුම් පැලඳුම් විලාසිතා ආදිය සඳහා බලපෑමක් මත මානසික පීඩනයට ලක් වෙනවා. මෙහිදී වෛද්‍ය උපදෙස්වලට අමතරව ඉවසීමත්, මෙම වයසේදී තමන්ට ස්වභාවිකව ලැඛෙනා සිරුර ඒ අයුරින් බාරගැනීමට මානසික ශක්තිය ලබා ගැනීමත් ඉතා වැදගත් වෙනවා. විශේෂයෙන් යොවුන් වියේ තරුණ තරුණියන් සමබර ආහාරයක් කෙරෙහි නැඹුරු වීමත්, ආහාර පානාදිය කෙරෙහි නිසි උනන්දුවක් ඇති කර ගැනීමත් ඉතා වැදගත් වෙනවා. ඒ වාගේම වේගයෙන් ශරීරයේ බර වැඩිකර ගැනීම සඳහා අධික තෙල් කෑම, අධික පැණි රස කෑම වැඩිපුර ගැනීමෙන් අනවශ්‍ය මේදය තැන්පත් වී, ශරීරය විරූපී වීමටද ඉඩ තිඛෙනවා. ඒ වාගේම ශරීරය මහත්කර ගැනීම සඳහා සුදුසුකම් නැති "හොර වෛද්‍යවරුන්" ගෙන් විකල්ප ප්‍රතිකාර ලබා ගැනීමටද පෙළෙඹෙනවා. මෙහිදී ශරීරය මස්පිඬු ඇටකටු ආදිය මහත් නොවී, සිරුර තුළ වතුර එකතු වීමෙන් ශරීරය ඉදිමෙන Cortico Steroid කාණ්ඩයේ පෙති වර්ග අසම්මත ලෙස ලබා දෙමින් තරුණයින් රෝගී තත්ත්වයට පත් කරනු ලබනවා. ශරීරය "ඉදිමීම" තාවකාලීකව මහත් වීමක් ලෙස අත්දැක්කත් අවසානයේ භයානක ලෙඩ රෝගවලට මග පෑදෙන බවත් සදහන් කළ යුතුවෙනවා. සාමාන්‍යයෙන් නිරෝගී බර ප්‍රමාණයක් මුලින් තිබී, පසුව බර වේගයෙන් අඩුවන අවස්ථාවක ඒ සඳහා හේතුවිය හැකි රෝග කිහිපයක් ගැන අවධානය යොමුකළ යුතු වෙනවා. දියවැඩියාව, විෂබීජ ශරීරගත වීම, හෝර්මෝන ගැටලු, පිළිකා, ක්ෂය රෝගය, ආදිය ඒ අතර ප්‍රධාන වෙනවා. මෙවැනි අවස්ථාවක ශරීරය කෙට්ටු වීම පිළිබඳව වෛද්‍ය උපදෙස් අත්‍යවශ්‍යම වෙනවා. අවසාන වශයෙන් සඳහන් කළ යුත්තේ ශරීරයේ බර නිසිපරිදි නොතිබීම හෝ ශරීරය කෙට්ටු යැයි තමන්ට දැනීම එක් වරම බියවිය යුතු කාරණයක් නොවන බවයි. වෛද්‍ය උපදෙස්, නිසි ආහාර ගැනීම, ව්‍යායාම, මානසික සාහැල්ලු බව තුළින් ඒ සඳහා පිළිතුරු ලබා ගත හැකි බව සිහි තබාගත යුතු වෙනවා.
උපුටා ගැනීම දිනමිණ පුවත් පත
