දිවට රස මවන ආයුෂ කෙටි කරන ක්ෂණික ආහාර
මානවයාගේ දිවි පැවැත්ම උදෙසා අත්‍යවශ්‍ය සාධක අතුරින් ආහාර උදෙසා ලැබෙනුයේ ප්‍රමුඛ ස්ථානයකි. මන්ද ශරීර සෞඛ්‍ය මනාව පවත්වාගෙන යනු වස් ආහාර තුළින් ලැබෙනුයේ නොමඳ පිටුවහලකි. කාර්යය බහුල දිවි පෙවෙතක් ගත කරන මිනිසා තමන්ගේ ආහාර වේල සඳහා ලබා දෙන අවධානය අඩු වෙත්ම තම කුසට දැනෙන කුසගින්න පමණක් නිවා ගනු වස් භාවිත‍ා කරනුයේ ක්ෂණික ආහාර නැතහොත් Fast Food ය. වැදගත්ම කරුණ නම් බොහෝ පුද්ගලයන් ශරීරයට සිදුවන අහිතකර තත්ත්වය පිළිබඳව දැන දැනම ක්ෂණික ආහාර කෙරෙහි ගිජු බවක් දක්වන බැව්ය. බොහෝ ක්ෂණික ආහාරවල අධික පිෂ්ඨය, මේදය හා කැලරි අඩංගු වීම තුළින් ශරීරයට ලැබෙන ප්‍රතිඵලය අයහපත් බැව් නොරහසකි.
ක්ෂණික ආහාර යන නාමය ඉතාම කෙටි වේලාවක් තුළ පිළියෙල කරගත හැකි ආහාර සඳහා යොදාගත හැකි නමයක් වන අතර බොහෝ විට මෙම ක්ෂණික ආහාර පෙර පිසින ලද ආහාර වේ.බටහිර රටවල ජනගහණයෙන් 60% ක් පමණ ජනයා ව්‍යාධියන්ට පත් කරනු ලබන ස්ථුලතාවය කෙරෙහි බලපානු ලබන ප්‍රධාන සාධකයක් ලෙස අද වන විට ක්ෂණික ආහාර පත්ව ඇත. ඇමරිකා එක්සත් ජනපදයෙහි ද ජනයා ස්ථුලභාව නිසාවෙන් පීඩාවට පත් වී සිටින අතර, එරට සෞඛ්‍ය සඳහා යන වියදමෙන් 21% ක් වැය කරනුයේ ස්ථුලභාව සඳහා වන ප්‍රතිකාර හා ප්‍රචාරයන් වෙනුවෙනි.
වර්තමානය වන විට ක්ෂණික ආහාර ළමයින් අතර බොහෝ සේ ජනප්‍රිය වී ඇත.ඔවුන් විවිධ වර්ගයේ ක්ෂණික ආහාර සඳහා ගිජු බවක් දක්වයි.මේ අතර ක්ෂණික නුඩ්ල්ස්, සිසිල් බීම වැනි ආහාරයන් ප්‍රමුඛ වේ.
කුඩා අවධියේ සිටින දරුවා මෙකී ක්ෂණික ආහාර සඳහා දැඩි ඇල්මක් දැක්වීම තුළින් ඔවුන්ගේ ශාරීරික ශක්තිය හීන වී යෑම සේ ඔවුන්ගේ මානසික ඒකාග්‍රතාව ද බිඳ වැ‍ටීම දැකිය හැක. මෙමගින් දරුවන්ගේ අධ්‍යාපන කටයුතු ද නිසි පරිදි සිදු කිරිමට ඔවුන්ට නොහැකි වේ. ශරීරයට අවශ්‍ය වන්න‍ා වු පෝෂණය ක්ෂණික ආහාර වලින් ලබා දිය නොහැකි වේ. ඉන් ලබා දෙනුයේ ක්ෂණික ශක්තියක් පමණි. මේ නිසාවෙන් සමාජය තුළ පිළිලයක් බවට ක්ෂණික ආහාර පත්ව ඇත.
මෙකී ක්ෂණික ආහාර නිසාවෙන් ශරීරයට අවශ්‍ය පෝෂණය නොලැබීම හේතු සාධක කරගැනීමෙන් වත්මන් ළමා පරපුර මන්දපෝෂණයෙන් පීඩා විඳී. අනාගතයේ ලෝකය බාරගැනීමට සිටින මෙකී ළමා පරපුරට අත් වී තිබෙන ඉරණම ඉතා ශෝචනීය ය. ලාංකිකයින් ද දේශීය ආහාර රටාව පසකලමින් බටහිර ගැති සංස්කෘතියකට හුරු වී සිටින නිසාවෙන් ඔවුන් තමන්ගේ පෝෂණය ගැන නොතකා ක්ෂණිකව සාදා ගැනීමට හැකි ක්ෂණික අ‍ාහාර පරිභෝජනය කිරීමෙන් බොහෝ ගැටලුවලට මුහුණ පා ඇත. ශරීරයට මෙන්ම ජීවන වියදමට ද බලපෑම් කරනු ලබන ක්ෂණික ආහාර වෙනුවට වසවිසෙන් තොර දේශීය ආහාර අනුභවය තුළින් ලැබෙන ප්‍රතිඵල වර්තමානයට පමණක් නොව අනාගතයට ද බලපානු ලබන්නේ ය. ක්ෂණික ආහාර අනුභවය තුළින් ශරීරයට සිදුවිය හැකි බලපෑම් සැලකූ විට.
- බාහිර පෙනුම විකෘති වීම
- ශරීරයේ පරිවෘත්තීය ක්‍රියාවලීන් අඩාල වීම
- සුව කළ නොහැකි රෝගවලට බඳුන් වීම
- මොළයේ රසායනික සංයුතියට බලපෑම් වීම
- ශරීරයේ රුධිර නාළ සිහින් වීම
වැනි දෑ සිදුවිය හැකිය. ස්වල්ප මොහොතකට ඇස හා දිව පිනවන්නා වු ක්ෂණික ආහාරවලින් මිදි ශරීරයට පෝෂණයක් ලබා දෙන්නා වු ආහාර අනුභවයෙන් ඔබට සුවදායී ජීවිතයක් ගත කිරීමට හැකි වේ.
උපුටා ගැනීම සිළුමිණ
රක්තහීනතාව ඇති දරුවෙකු කායිකව මෙන්ම මානසිකව ද පිරිහෙනවා. නිතර ශාරීරික අපහසුවකින් පෙළෙන අතර සිරුර දුර්වල වී විඩාවට පත්වෙනවා. රුධිරයේ හිමොග්ලොබින් අඩුවීමෙන්...
අපි අපේ ශරීරයට එකතු කරගන්නා ඕනෑම ආහාර වේලක පෝෂ්‍යදායී ගුණය කෙරෙහි වැඩි අවධානයක් යොමු කළ යුතුයි. ඇතැම් විට ඔඛෙ නොදැනුම්වත්කම නිසා...
මානසික ගැටලු සහ මානසික රෝග ගැන කතා කරන විට වසර කිහිපයකට පෙර සහ අද තත්ත්වය සංසන්දනය කර බලන විට අද වන...
දත් මදිද්දී විදුරු මස්වලින් ලේ ගැලීම බොහෝ දෙනෙකුට තිබෙන ගැටලූවක්. මේ තත්ත්වය ඇතිවන්නේ විදුරු මස්වල ආසාදනයක් තිබෙන විටයි. එවැනි තත්ත්වයක් ඔබටත්...
කරන සෑම කාර්යයක්ම ප්‍රබෝධවත්ව කරගත හැකි නම් එය මනසට ගෙන දෙන්නේ මහත් අස්වැසිල්ලකි. නමුත් අපේ වැරැදි චර්යා රටා හා ආහාර පුරුදු...
උදෑසනට හොඳම පානයපාන්දරින්ම වතුර වීදුරුවකින් දවසට ආරම්භයක් ලබා දෙන්න. මඳ රස්නෙත් වතුර වීදුරුවක් පානය කිරීම මලබද්ධයට හා තරබාරු අයටත් වඩා සුදුසුයි....
