ඔබ ඇස ගැන දන්නවාද?
යමක් වඩාත් සුරක්ෂිත ලෙස රැකබලාගන්නට අවැසි වූ විට "ඇස් දෙක වගේ රැක ගන්න" කියාය. ඒ අනුව ඇස් දෙකෙහි වටිනාකම එය රැක ගත යුත්තේ කෙසේද යන්නත් මේ වදන තුල ගැබ්ව තිබේ ග නමුත් "ඇස් දෙක වගේ රැක ගන්න" යන්න අද හුදු වාක්‍යර්තයක් බවට පමණක් පත්ව ඇති සෙයක් දක්නට ලැඛෙන්නේ බොහෝ දෙනා තම ඇස් පිළිබඳව නිසි අවධානයක් යොමු නොකරන නිසාවෙනි. විශේෂයෙන් ඔබ ඔබගේ ඇස් නිසි ලෙස සුරක්ෂිත කර නොගැනීම තුල ඇතිවිය හැකි රෝගාබාධ සහ ඒවාට ගතහැකි පියවරයන්, එදිනෙදා ජීවිතයේදී ඇස් රැකගෙන ඇස්වලින් ප්‍රයෝජන ගත හැකි ආකාරය ගැනත් සාකච්ජා කරන්නට අපි අදහස් කළෙමු. මේ සඳහා අප එක් කරගන්නේ රත්නපුර පළාත් මහරෝහලේ ප්‍රධාන අක්ෂි තාක්ෂණවේදී නිශාන්ත ජයසේකර මහතාය.
ඇසක ක්‍රියාකාරිත්වය :
ඇසක් මගින් අපට පෙනීම ලැඛෙන්නේ ඇසට වැටෙන ආලෝකය ඇසේ දෘෂ්ටිවිතානය මත නාභිගත වූ විටය.
ඇසක ඇතිවිය හැකි රෝග :
ඇස් නොපෙනී යාමට හේතු වියහැකි සාධක ගණනාවක් පවතී. මින් ප්‍රධාන වශයෙන් අන්ධභාවය ඇතිවිය හැකි සාධක වන්නේ, ඇසේ සුද, ග්ලූකෝමාවර්තන දෝෂ
ඇසේ සුද :
ඇසේ සුද යනු ඇසේ පවතින පාරදෘශ්‍ය භාවය නැති වී පාරාන්ධභාවයට පත්වීමයි. මෙහිදී ඇසෙ සුද ඇති වූ කාචය ඉවත් කර කෘතීම කාචයක් බද්ධ කිරීම මගින් ඇසට ආලෝකය ඇතුලත් වීම සිදු කල යුතුය. ඇසේ සුද ඇති වීමට ප්‍රධාන ලෙස බලපානු ලබන්නේ වයසට යාම හෙවත් මහළුවියට එළැඹීම යන සාධකයයි. මේ අනුව අවරුදු 55-60 වයස් පරාස වල අයගේ ඇසෙ සුද ඇතිවීමේ ප්‍රවණතාවය 80% පමණ මට්ටමක පවතී. ඇසේ සුද ඇති වූ විට කල යුත්තේ කුමක්ද යන්න මෙහිදී අවධානයට ලක් කල යුත්තකි. බොහෝ අය සිතනුයේ ඇසෙ සුද ඛෙහෙත් දියරයක් ගල්වා සුව කල හැකි බවයි. නමුත් යතාර්ථය එය නොවේ. ඇසේ සුද ඇති වුව හොත් ශල්‍යකර්මයක් මගින් ඇසේ කාචය ඉවත්කර ඒ වෙනුවට කෘතීම කාචයක් බද්ධ කල යුතුය.
ග්ලූකෝමා :
ග්ලූකෝමා හෙවත් ඇසේ පීඩනය වැඩිවීම හරහා ඔබගේ ඇස් පෙනීම අහිමි වී යයි. මෙහිදී ඇසේ පීඩනය වැඩිවීම මගින් ස්නායු ෙසෙල වලට හානි වී නොපෙනී යයි. මෙහිදී ඔඛෙන් ගිලිහී යනු ලබන පෙනීම යලි ලබා ගත නොහැකිය. මේ නිසා ඇසෙ සුද ඇතිවීමට වඩා භයානක තත්වයක් ලෙස ග්ලූකෝමා හැදින්වීම නිවැරදියි.
ග්ලූකෝමා හඳුනාගැනීම :
ග්ලූකෝමා තත්වයකට ඔබ මුහුණ දී ඇති බව බොහෝ විට වැටහෙන්නේ ග්ලූකෝමා තත්වයට පත් වී කලක් ගත වූ පසුවය. ඔබ පාරේ ගමන් කරන විට ඉදිරිපස පාර දෙපැත්තේ තිඛෙන දේ පැහැදිලිව දර්ශනය නොවන්නේ හෝ වාහනයක් පදවන විට පැති කන්නාඩි වලින් දෙපැත්තේ දේ නොපෙනේ නම් ඔබට ග්ලූකෝමා තත්වයක් ඇති වී තිඛෙනවා විය හැකිය. ග්ලූකෝමා පාරම්පරිකව වැළදෙන ප්‍රවනතාවයක්ද පවතී. මේ අනුව ඔබගේ මවට පියාට හෝ නෑදෑයින්ට ග්ලූකෝමා වැළදී තිබුනහොත් ඔබටත් ග්ලූකෝමා වැළදීමේ ප්‍රවනතාවයක් පවතී. සාමාන්‍යයෙන් අපට පෙනීම අඩුයි කියන හැගීම ඇතිවන්නේ අවරුදු 40 ට පසුවය. හතලිස්ඇදිරිය ලෙසින් ව්‍යවහාර වන්නේ එකී තත්වයයි. එලෙස පෙනීම අඩුවන තත්වයකට පත් වූ විට රජයේ රෝහලකට ගොස් තමන්ගේ පෙනීමේ අඩුවීමට හේතුව පරික්ෂා කර බැලිය යුතුය. ඔබ ඔබගේ ඇස් නිවැරදි ලෙස පරික්ෂා කර නොගත් හොත් ඇස් පෙනීම අඩුවන්නේ ග්ලූකෝමා නිසාද නැත්නම් වෙනත් අක්ෂි රෝගයක් නිසාද යන්න නිශ්චය කර ගැනීමට නොහැකිවනු ඇත. කෙසේ වෙතත් ඔබට ග්ලූකෝමා තිබේ නම් මුලසිට හදුනා නොගත් හොත් ඇසෙ පෙනීම යථා තත්වයට ගැනීමට නොහැකි වනු ඇත.
වර්තන දෝෂ :
වර්තන දෝෂ යනු ඇසට නිසි ආකාරයට දකින රූපය අස තුලට නිසිලෙස නාභිගත නොවන නිසා ඇතිවන ආබාධයකි. එය නිවැරදි කල හැක්කේ කන්නාඩි, සිවිකාච, අභ්‍යයන්තර කාච භාවිත කිරීමෙනි. මිට අමතරව ලේසර් ශෛල්‍යකර්ම මගින්ද මේ තත්වය නිවැරදි කර ගත හැකිය. විශේෂයෙන් කුඩා දරුවන් රූපවාහිනිය නරඹන්නේ ඊට වඩා සමීප වී නම්, මොන්ටිසෝරියේදී පාවිච්චි කරන කළු ලෑල්ලේ ලියන දේ නොපෙනෙන්නේ නම් හෝ තම අසල සිටින මිතුරා ලියන දේ බලා සිට ලිවිමට උත්සාහ දරන්නේ නම් එම දරුවාගේ ඇසෙ වර්තන දෝෂයක් තිබිය හැකිය. මේ නිසා ඔබ ඔබේ දරුවාගේ පෙනීම ගැන සැකයක් පවතී නම් දෘෂ්ටි පරික්ෂාවකට ලක් කල යුතුය. එහෙම ඔබ භාවිත කරන කන්නාඩිය හෝ කාච මගින්ද නිසිලෙස පෙනීම නොලැඛෙන්නේ නම් දිගුකලක් මෙලෙස පැවතීම තුල ඔබට ඔබගේ පෙනීම අහිමිව යාමට ඉඩ ඇත.
ඇසේ පෙනීමට බාධා ඇතිකරන වෙනත් රෝග :
වපරය :
ඇසේ වපරය අතීතයේදී නම් පිං වපරයක් ලෙස හැදින්වීමට පුරුදු වී තිබුණි. ඒ තුල වපරයට ප්‍රතිකාර කිරීමක් සිදු නොවිය. නමුත් වපරයක් තිබේ නම් රජයේ රෝහලක අක්ෂි සායනයකට ගොස් අනිවාර්යයෙන්ම ඇස් පරීක්ෂාවක් කර ගත යුතුය. මන්දයත් වපරයක් ඇතිවිට ඇස් පෙනීම ක්‍රම ක්‍රමයෙන් අඩු වී යා හැකි බැවිනි. ඔබේ දරුවාට වපරයක් තිඛෙන බව කුඩා අවධියේම හදුනාගතහොත් දරුවාව අනිවර්යයෙන්ම අක්ෂි සායනයක් වෙත යොමු කල යුතු වේ. මන්ද යත් අවුරුදු 8 පසුවී ඇත්නම් ඇසෙ පෙනීම යථා තත්වයට ගැනීමට ඇති අවස්තාව අඩුවන බැවිනි.
ජානමය ඇලිභාවය :
ජානමය දුර්වලතා නිසා ඇලි දරුවන්ට බොහෝ අක්ෂි ආබාධ ඇතිවීමේ අවදානමක් පවතී. මෙවැනි දරුවන් සදහා "අල්ප දෘෂ්ටි සායන" නමින් විශේෂ සායනයක් පැවැත්වීම සිදු කෙරේ.
ඇසේ අනතුරු :
ඇස් නිතරම ස්පර්ශ නොකෙරෙන තරමට බාහිර ආසාදනයන් බොහොමයක් වලක්වා ගත හැකිය. සමහර කාලවල ඇස් රෝග වසංගතයක් ලෙස පැතිර යාමට ප්‍රධාන සාධකය වන්නේ අප ඇස් අතගෑමට පුරුදුව සිටීමය. පොදුවේ පරිහරනය කරන භාණ්ඩ ස්පර්ශ කර යළි ඇස් ස්පර්ශ කලහොත් ඇස් රෝග බහුලව ඇතිවීමට ඉඩ තිබේ.
මිට අමතරව දිනකට දෙවරක් හෝ සබන් යොදා ඇස් සෝදා හරිනවානම් බාහිරින් ඇස්වලට විෂබීජ ඇතුළුවීම මගහරවා ගැනීමට හැකියාව ලැබේ.
එහෙම ඇසට භාහිරෙන් ඇතුළුවන ද්‍රව්ය නිසාද ඇසට අනතුරු සිදුවිය හැකිය. උදාහරණයක් ලෙස වැල්ඩින් කිරීමේදී හා ග්‍රයින්ඩින් කිරීමේදී කුඩා යකඩ කැබලි කළු ඉංගිරියාව පසාරුකරගෙන ගොස් තිඛෙන ආකාරය දක්නට ලැබේ. මේ හේතු වී තිඛෙන්නේ මෙවන් කටයුතු වල නිරතවන විට පැළදිය යුතු ආරක්ෂක උපකරණ භාවිත නොකිරීමය.
යතුරුපැදි ධාවනය කරන්නේ නම් හෙල්මට් වයිසරය යොදා හැමවිටම හෙල්මට් භාවිතා කරන්නේ නම් කෘමි සතුන්ගෙන් ඇසට සිදුවන හානි අවම කර ගැනීමට හැකියාව ලැබේ. ඔබ හිරු එළියට නිරාවරණය වීම තුල පාරජම්බුල කිරණවලින් ඔබේ ඇස් රැකගැනීමට නිසි ප්‍රමිතියකින් යුත් අව්කන්නාඩි යුවලක් භාවිත කිරීම ඉතා වැදගත් වේ. විශේෂයෙන් පාරජම්බුල කිරණ වලට නිරාවරණය වන පුද්ගලයන්ගේ ඇසෙ සුද ඇතිවීමේ ඉහල ප්‍රවනතාවයක් තිඛෙන බැවිනි.
ඔබ කාලාන්තරයක් තිස්සේ දියවැඩියාවෙන් පෙළෙන්නෙකු නම් වසරකට වරක්වත් ඔබේ ඇස් පරික්ෂා කරගත යුතුය. මන්දයත් දියවැඩියා රෝගියාගේ ඇස්වලට අබාධ ඇති වීමේ අවධානම ඉහල මට්ටමක පවතී.
පරිගණක භාවිතය හා ඇස් ආබාධ :
ඩි වශයෙන් පරිගණක භාවිතා කරන්නන් බහුල ලෙස අක්ෂි අබාධ සම්බන්ධව ප්‍රතිකාර ගන්න ප්‍රවනතාවයක් පවතී. පරිගණක වලින් නිකුත් කරන කිරණ නිසා ඇසට විඩාවක් ඇති වේ. මෙය කොම්පියුටර් සින්ඩ්‍රෝම් ලෙස හදුන්වනු ලබයි. මෙහිදී පරිගණකයට තිඛෙන අවධානය වැඩි වීම තුල පරිගණකය භාවිත කරන කාලය වැඩිවීම තුල ඇස් පිල්ලම් ගහන වාර ප්‍රමාණය අඩුවෙයි. සාමාන්‍යයෙන් විනාඩියකට 14-16 වශයෙන් ඇස් පිල්ලම් ගැසිය යුතු වුවත් පරිගණක භාවිතයේදී මේ ප්‍රමාණය අඩුවෙයි.
ඇස් පිල්ලම් ගැසීම හරහා සිදු වන්නේ ඔක්සිජන් හා කාබන්ඩයොක්සයිඩ් අවශ්‍ය ප්‍රමාණයකට ලබා ගැනීමය. මේ සදහා කඳුළු මාද්‍යක් ලෙස යොදා ගනී. අප ඇස් පිල්ලම් ගහන ප්‍රමාණය අඩුවීම තුල සිදුවන්නේ ඇසේ වියලි භාවය වැඩිවීමයි. ඒ හරහා ඇසට විඩාවක් ඇති වේ.
පරිගණක භාවිතයේදී ඇස් පිල්ලම් ගහන වාර ගණන වැඩිකරගන්න අතරම අපගේ වටපිටාව ඇසට පහසු ලෙස සකස් කර ගත යුතුය. විශ්ෂයෙන් ඇසට විවේකයක් ලබාදීම සඳහා පරිගණකය භාවිත කරන විට විනාඩි 10 කට පමණ වරක් ඈත දෙයක් දෙස බලා ඇස සැහැල්ලූ කරගැනීම කරගත යුතුය.
පරිගණකය භාවිත කරන විට කාමරයේ විදුලි පංකාවක් ක්‍රියාත්මක වන්නේ නම් එමගින් එන සුළඟ කෙලින්ම මුහුණට නොවදින ලෙස භාවිත කලයුතු වේ. එසේම වායුසමනයක් භාවිත කරන විටද එමගින් එන සුළඟ කෙලින්ම මුහුණට නොවදින ලෙස භාවිත කිරීමට වගබලා ගත යුතු වේ. මිට අමතරව ඔබ පරිගණකය භාවිතා කරන විට වැඩි වශයෙන් ජලය පානය කරන්නේ නම් ශරීරයේ හා ඇස්වල වියලි භාවය අඩුකරගත හැකිය.
පාරජම්බුල කිරණ අඩුවශයෙන් නිකුත් කරන ඛෑෘල ඛක‍ෘ මොනිටර් භාවිතයද වැදගත් වනු ලබයි. එසේම පරිගණක භාවිතයේදී මල්ටිකෝඩඩ් කන්නාඩි යුවලක් භාවිතා කිරීම වඩාත් සුදුසු පිලියමක් වනු ඇත.
නිරෝෂාන් ප්‍රේමරත්න
උපුටා ගැනීම ලංකාදීප පුවත්පත.
