ආතරයිටීස් වේදනාවට මාළු සහ කජු

මාළු, කජු සහ එළවළු ආහාරයට ගැනීම ආතරයිටීස් වේදනාව නැති වීමට උදවු වන බවනවතම පර්යේෂණයකට අනුව සොයාගෙන තිබෙනවා. සෑම දිනකම ප්‍රධාන වශයෙන් සැමන් වර්ග, කජු සහ බේ‍රාකොලි බෙහෙවින් උදවු වෙනවා ආතරයිටීස් නිසා හටගනු ලබන වේදනාව අඩු කරන්න. එමෙන්ම චෙරි, ඉඟුරු, බිම්මල්, බොකුටු ගෝවා, සුදු ලූනු සහඔලිව් තෙල් මඟින් සන්ධි ඉදිමුම අඩු කිරීමට සමත් වන බවද පර්යේෂකයන් පවසා තිබෙනවා කජුවල අඩංගුව තිබෙන සෙලනියම් මූලද්‍රව්‍ය නිසා ප්‍රතිශක්තිය වර්ධනයවෙනවා. කාටිලේජ අතර මැද පවතින අස්ථි දියවීම, සන්ධි එකිනෙක ඇතිල්ලීම, දෑත්වල සහ දණහිසේ ඇති වන ඉදිමුම හා වේදනාව යන නොයෙකුත් තත්ත්වයන්ට මෙම කජු ආහාරයට ගැනීම වඩාත් යෝග්‍ය වෙනවා. සෞඛ්‍ය සංවිධාන සිදුකරන ලද සමීක්ෂණයන්ට අනුව, මිල අඩු සුපිරි ආහාර, සෞඛ්‍ය සම්පන්න වීමට ලබා ගන්නා බෙහෙත් ලෙස ලබා ගැනීම පරස්පර බව හෙළිවී තිබෙනවා. කජු අහුරක අඩංගු වන සෙලෙනියම් මූල ද්‍රව්‍යයට ප්‍රතිශක්තිය වර්ධනය කිරීමට මෙන්ම ආතරයිටීස් ඇති වීම හීන කිරීමටද හැකියාව තිබේ. එක් සතියකට තෙල් සහිත මාළු කොටසක් මඟින් එනම් ආතරයිටීස් ඇතිවීමේ අවදානම අවම කිරීමට පුළුවනි. චෙරි තුළ ඇන්තොසයනින් නම් වූ ප්‍රතිඔක්සිකාරකය ඇතුළත් වෙනවා. එමෙන්ම සිසිල්කාරක ගුණද ඇතුළත් වෙනවා. ඉඟුරු තුළද සිසිල් කාරක ගුණය අන්තර්ගත වී තිබේ. එහෙත් සුදු ලූනු, ලීක්ස් සහ ලුණු සතුව කාටිලේජ හානිවීම සීමා කිරීමට හැකියාව පවතිනවා. බේ‍රාකොලි තුළ ඇතුළත් වන ස්වාභාවික රසායනිකයක් වන සල්ෆෝරාපේන් මඟින් ආතරයිටීස් වර්ධනය වීම වැළැක්වීම සිදු කරනවා.

සමාධි ඕබඩ ආරච්චිමව්බිම