මල නොබැඳෙන භාජනත් ආහාර පිසීමට හිතකර නැහැ

නන්ස්ටික් කියලා කියන්නේ නවීන මුළුතැන්ගෙයක ඉවුම් පිහුම් කරන්න හරිම පහසු භාජන වර්ගයක්. මේ භාජනවල ආහාර ඇලෙන්නෙ නැහැ. ඒ වගේම පිරිසුදු කරන්නත් ලේසියි. නමුත් නන්ස්ටික් භාජනවල ඉවුම් පිහුම් කරන එක කොච්චර දුරට හොඳද කියලා ඔබ දන්නවද?

සෞඛ්‍යයට අහිතකරයි

නන්ස්ටික් භාජන වෙළෙඳපොළට හඳුන්වා දීල තියෙන්නෙ 1940 දශකයේදීයි. ඒ නන්ස්ටික් කියන නමින් නෙවෙයි. පී. ටී. එෆ්. ඊ. (P T F E) කියන නමින්. හරියටම කියනවා නම් පොලි ටෙට්රා ෆ්ලෝරො එතිලීන් කියන නමින්. මේ නන්ස්ටික් භාජන නිෂ්පාදනය කරන්න ඇලුමිනියම්, ස්ටෑන්ලස් ස්ටීල්, රොට් අයන් වගේ දේවල් ප්‍රයෝජනයට ගන්නවා. නමුත් මේ භාජනවල විශේෂත්වයතියෙන්නේ ඒවායේ නොඇලෙන ස්වභාවය නිසා. ඉතින් ඒ වෙනුවෙන් භාජනවල මුහුණතේ විශේෂ කෝටීන් එකක් ආලේප කරනවා. ස්ට්‍රේට් අප් ෆුඩ්ස් කියන වෙබ් සයිට් එක කියන විදියට නම් මෑතක ඉඳලා නන්ස්ටික් භාජන ගැන ලොකු මතවාදයක් ඇති වෙමින් පවතිනවා. ඒ තමයි නන්ස්ටික් භාජනවල පිසින ආහාර සෞඛ්‍යයට හිතකර නැහැ කියන එක.නමුත් ඒ කතාවේ ඇත්ත නැත්ත ගැන ස්ට්‍රේට් අප් ෆුඩ්ස් වෙබ් සයිට් එක පර්යේෂණයක් කරලා තියෙනවා.

ශ්වසන රෝග

ඔවුන් කියන්නෙ නන්ස්ටික් භාජනවල ආහාර පිසීම කරනවා නම් ෆැරන්හයිට් අංශක 500ට වඩා අඩු උෂ්ණත්වයක ආහාර පිසුවට කමක් නැහැ කියලයි. ඒ වගේම ෆැරන්හයිට් අංශක පනහ කියන මට්ටමේ විනාඩි 5කට වඩා තිබීමත් හොඳ නැහැ. උපරිම විනාඩි පහක් ඇතුළත උෂ්ණත්වය අඩු කරන්න ඕනෙ. ඒ වගේම ෆැරන්හයිට් අංශක පනහ ඉක්මවූවාට පස්සෙ නන්ස්ටික් භාජනයෙන් ඉහළ නඟින දුම ශරීරයට හොඳ නැහැ. ශ්වසන රෝග ඇති වෙන්න පුළුවන්. ඒ නිසා උෂ්ණත්වය ගැන සැලකිලිමත් වෙන්න ඕනෙ.

හොඳම නන්ස්ටික්

නන්ස්ටික් භාජන වර්ග කීපයක් තියෙනවා. එක වර්ගයක් තමයි මීඩියම් හීට් නන්ස්ටික්. අනෙක් එක ලෝ හීට් නන්ස්ටික්. නමුත් මේ දෙකටම වඩා එදිනෙදා පාවිච්චියට සුදුසු වෙන්නෙ පී්‍ර හීට් නන්ස්ටික් කියන එක. ඒ නිසා නන්ස්ටික් භාජන මිලදී ගන්න හිතාගෙන ඉන්නවා නම් මේ ගැන හොඳ අවධානයෙන් ඉන්න. නන්ස්ටික් භාජන මුළුතැන්ගෙහි අසුරද්දී ආලෝකවත් ස්ථානයක අසුරන්න ඕනෙ. අඩු තරමේ පැන්ටි්‍ර කබඩ්ස් ඇතුළෙ හංගන්නෙ නැතිව තියන්න කියලා තමයි උපදෙස් දීලා තියෙන්නෙ. ඒකට හේතුව නන්ස්ටික්වල පුස් වර්ග වර්ධනය වෙන්න ඉඩ තියෙනවා. සමහර විට ඒවා සිරුරට අහිතකර වෙන්න පුළුවන්. අන්න ඒකයි.

පිරිසුදු කිරීම

ඒ වගේම නන්ස්ටික් භාජන පිරිසුදු කරන්න ඩිෂ් වෝෂර්වර්ග පාවිච්චි කරන්න එපා. නන්ස්ටික් භාජනවල තෙල් හෝ ඉඳුල් රැඳෙන්නෙ නැති නිසා පිරිසුදු කරන්න පහසුයි. ඒ නිසා නන්ස්ටික් සඳහාම නිෂ්පාදනය කරලා තියෙන පිරිසුදුකාරක දියරයක් පාවිච්චි කරන්න. ඩිස් වොෂර්වලින් පිරිසුදු කළොත් නන්ස්ටික්වල මතුපිට ආලේප කරලා තියෙන කෝටීන් ආවරණය සිදුරු වෙන්න පුළුවන්. ඒ වගේම දැලි වළං සූරනවා වගේ නන්ස්ටික් භාජන සූරන්න, පතුරු ගසන්න යන්න එපා. එහෙම වුණොත් ඉන් පස්සෙ ආයෙත් ඒ භාජනයෙන් වැඩක් ගන්න බැරි වේවි.

ඉවත් කරන කාලය

නන්ස්ටික් භාජන ගැන කියන්න තියෙන වැදගත්ම කාරණය තමයි නන්ස්ටික් භාජන පාවිච්චි කරනවා නම් අවුරුදු හතරක් හෝ පහක් තුළ ඒවා වත් කරන්න. ඉවත් කරලා අලුත් නන්ස්ටික් භාජන පාවිච්චි කරන්න. අවුරුදු හතරක්පහක් යද්දී කොච්චර හොඳ නන්ස්ටික් භාජනයක වුණත් කෝටීන් එක සිදුරු වෙන්න පටන් ගන්නවා.ඒක සිරුරට හානිකර වෙන්න කලින් ඒ භාජන ඉවත් කරලා අලුත් භාජන පාවිච්චි කරනවා නම් සිරුරට අහිතකර තත්ත්වයක් ඇති වෙන්නෙ නැහැ. ඒ වගේම දිගු කාලයක් අධික උෂ්ණත්වයට නිරාවරණය වෙලා තියෙද්දිත් නන්ස්ටික්වල ප්‍රමිතිය බාල වෙනවා.ඒ නිසා අඩුම තරමේ අවුරුදු පහකට වතාවක්වත් නන්ස්ටික් භාජන ඉවත් කරන්න උත්සාහ කරන්න.

මව්බිම