එළවළු පලතුරුත් මහතට හේතුවක්

එළවළු පලතුරු නිතර ආහාර වේලට එක්කර ගැනීම සෞඛ්‍ය සම්පන්න ජීවිතයකට ඉවහල් වන සාධකයක් බව කවුරුත් දන්නවා. තෙල් ආහාරවලට තිබෙන කැමැත්ත අත්හරවා ගැනීමටත් පලතුරු එළවළු ආහාරයට ගැනීම ඉතාම සුදුසුයි. නමුත් පසුගියදාක කරන ලද පර්යේෂණයකින් එළවළු සහ පලතුරු ගැන අමුතු කතාවක් අනාවරණය වුණා. ඒ තමයි එළවළු සහ පලතුරු නිතර ආහාරයට ගත්තාම මහත් වෙනවා කියන කතාව. එයට හේතුව කාබෝහයිඩේ්‍රට් සහ ප්‍රෝටීන් වැඩියෙන් අඩංගු වීමයි. ගෝවා, ලූනු සහ පීච් නිතර ආහාරයට ගැනීම මේ තත්ත්වය වැඩිකරනවා. එසේම වට්ටක්කාද ප්‍රෝටීන් පිෂ්ටය අධික ආහාරයක්. විශේෂයෙන්ම වර්තමානයේ පුද්ගලයන් වැඩිවශයෙන් කාර්බහුල වීම, ව්‍යායාම සඳහා කාලය ප්‍රමාණවත් නොවීමත් නිසා ආහාර මඟින් ලැබෙන අධි පෝෂණය දහනය කර ගැනීමට අවස්ථාව ලැබෙන්නේ නැහැ. ඒ තත්ත්වයත් තරබාරුවට හේතුවී තිබෙනවා.

හංසි ආටිගල මව්බිම