අළුහම් සුවකරන්න බැරිද?

අළුහම් කියන්නේ දිලීර ආසාදන රෝගයක්. සමේ සුදු හෝ කළු පැහැති ලප මෙන් පැතිර යන මෙම පැල්ලම ඔබේ සුන්දරත්වයටත් බාධාවක්. අළුහම් පිළිබඳ වඩා විමසිලිමත් වීම වැදගත් වන්නේ මෙනිසයි.ඇතිවීමට හේතු :

• සමේ සමතුලිත බව නැතිව ගිය විට සම අධිකව වියළීමෙන් පහසුවෙන්ම දිලීර ආසාත්මිකතා ඇතිවෙයි.
• ඇතැම් අයගේ නොදැනුවත්කමින් භාවිත කරන වැරැදි ස්ක්‍රබ් ක්‍රම ආලේපන හා බ්ලීචිං ක්‍රමද නිසාද සම අධිකව වියළීමට ලක් විය හැකියි.
• දිගු කාලයක් හිස් හොරි තිබීම දිලීර රෝග පැතිර යෑමට හේතුවක්.
• ගල් වැනි රළු උපකරණ මඟින් සම ඇතිල්ලීමෙන් සමේ ස්වාභාවික තෙල් ගතිය ඉවත් වී දිලීර ආසාදන ඇතිවෙයි.
• සැලකිලිමත් වන්න. අළුහම් දිලීර ආසාදනයක් නිසා මෙය බෝවන්නේ අන් අයගෙන් හෝ ඔබගේ වැරැදි සෞඛ්‍ය පුරුදු හේතුවෙනි. මේ නිසා ඔබේ හැසිරීම් පිළිබඳ වඩාත් සැලකිලිමත් වීම වැදගත්ය.
• මේකප් ස්පොන්ජ් භාවිත කරන විට ඔබට වෙනමම ස්පොලන්ජ් එකක් තබා ගන්න.
• තුවා, කොට්ට උර ආදිය නිතර සෝදා පිරිසුදු කරගන්න.
• අළුහම් ඇති පුද්ගලයන්ගේ රෙදි අන් අයගේ රෙදිවලින් වෙන් කර සෝදන යන්ත්‍රයෙන් සෝදා ගන්න.
• සම හඳුනාගෙන එයට ගැළපෙන ආලේපන වර්ග තෝරා ගන්න.
• හිස්හොරි තිබීමද හේතුවක් නිසා එයට වහා ප්‍රතිකාර කර පිරිසිදුව සිටින්න.

ප්‍රතිකාර :

අළුහම්වලට නිසි ප්‍රතිකාර නොකළහොත් එය සම මත ඉක්මනින්ම පැතිර යයි. මේ නිසා ඉහත කී කාරණා පිළිබඳ සැලකිලිමත් වන අතරම නිසි ප්‍රතිකාර කිරීමටද වගබලා ගන්න. අතීතයේ නම් අළුහම් සුව කිරීමට යොදාගනු ලැබුවේ කොටා ගත් පේර දලුය. ඒවා සම මත ආලේප කරමින් ප්‍රතිකාර කළ හැකිය. අද වෙළෙඳපොළේ අළුහම් සුව කළ හැකි ප්‍රමිතිගත නිෂ්පාදන රැසක් දැක ගන්න හැකියි. විවිධ ක්‍රීම් හා ආලේපන වර්ගද ඒ අතර වෙයි. මේවා ආලේප කරන විට පනා තුවා වැනි උපකරණ නිසි ලෙස විසබීජ නාශකද යොදා නැවැත භාවිත කිරීමටද සිහි තබා ගන්න.ශාලිකා රංගනී සමරදිවාකරමව්බිම