පැතිර යන ඇස් රෝග

ඇස් ලෙඩ විසබීජ වලින් වගේම විසබීජ නොවන හේතු කාරණා නිසාත් ඇති වෙනවා. වෛරස්, දිලීර, බැක්ටීරියා ආදී හේතු නිසා ඇස් ලෙඩ ඇතිවෙන්න පුළුවන්. නමුත් ඉතා ඉක්මනින් වැලඳෙන ඇස් ලෙඩවලට හේතුව වන්නේ වෛරස් ආසාදනයක්.

• ඇස් රතු වීම
• කඳුළු ගැලීම
• කබ ගැලීම
• ඇස් පිහාටු ඉදිමීම
• ඇස් කෙවෙන ගතියක් ඇතිවීම
• ඇස්වල දැවිල්ල ගතිය ඇතිවීම

 බොහෝදෙනා අතර ඇස් රෝග පැතිරෙන්නේ ස්පර්ශය නිසා. එයට ප්‍රධාන හේතුව වන්නේ ඇස් ලෙඩ වැලඳුණු විට ඇස් අතින් ස්පර්ශ කිරීමයි. ඇස් ලෙඩ සෑදුණු විට ඇස් දෙක නිතරම අතින් ඇල්ලීම නොකළ යුතුයි. ඇස්වලින් කබ, කඳුළු ගලන විට ඒවා පිස දැමීමට අත් හෝ ලේන්සුවක් පාවිච්චි කිරීමෙන් වැළකිය යුතුයි. හොඳම ක්‍රමය වන්නේ දෑස්වල කබ, කඳුළු ඇති විට ඒවා අත්වලින් හෝ ලේන්සුවකින් පිස නොදමා ගලන ජලයෙන් සෝදා දැමීමයි. ලේන්සු භාවිත කිරීමෙන් ඇස් ලෙඩ තවත් අයකුට වුවත් බෝවිය හැකිය. දවස් 3-4 පමණ කාලයක් පවතින ඇස් ලෙඩ යම් හෙයකින් වැලඳුණහොත් කළ යුතු හොඳම දෙය වන්නේ එය අනෙක් අයට බෝවීම වැළැක්වීමයි. වැඩිපුර සෙනඟ ගැවසෙන ස්ථානවලට යෑමෙන් වැළකී නිදහසේ නිවෙසට වී කාලය ගත කරන්න. ඔෟෂධ ලබාගත්තද, නොගත්තද දින කිහිපයක් ගතවන විට රෝගය සුව වෙයි. නමුත් රෝගය වැලඳුණු විට ඖෂධ ලබාගත යුත්තේ රෝගය සුව වී දින කිහිපයක් ගතවුණු පසු ඇස් මතුපිට බැක්ටීරියා ආසාදනය වීම වැළැක්වීම සඳහාය.

වෛද්‍ය එම්. විජේතුංග මහ රෝහල රාගමසවනි ශේශාධිමව්බිම