හිමොග්ලොබින් අඩු අයට විසඳුම්

නීරක්තිය කාන්තාවන් අතර බහුල වන තත්ත්වයකි. විශේෂයෙන්ම දුගී පවුල්වල පෝෂණ ඌනතා සමඟ මෙවැනි තත්ත්ව ඇතිවිය හැකියි. වැඩිවියට පත්වීමත් සමඟ රුධිරය පිටවන නිසා එම අවදානම වඩා වැඩිවන්නේ කාන්තාවන්ටයි.

නීරක්තිය යනු

ශරීරයේ රුධිර සෛලවල හෝ හිමොග්ලොබින් ප්‍රමාණය අඩුවීම නීරක්තිය ලෙස හඳුනා ගැනේ. පිරිමි අයකුගේ නම් සාමාන්‍යයෙන් හිමොග්ලොබින් ප්‍රමාණය 13-14ත් අතරත් කාන්තාවන්ගේ නම් 12-13ත් අතරත් පැවතිය යුතුය. මෙයට වඩා අඩු අගයක හිමොග්ලොබින් මට්ටම පැවතිම නීරක්තියයි.

ඇතිවන හේතු

විශේෂයෙන් දරුවන් වර්ධනය වන විට අවශ්‍ය පෝෂණය නොලැබී යෑමෙන් යකඩ හා ප්‍රෝටීන් අව ප්‍රමාණය වී ඇතිවන්නේ පෝෂණීය නීරක්තියයි. එමෙන්ම ඇතැම් රෝග නිසාත් නීරක්තිය ආකාර කීපයකට ඇති වේ. ඒවා නම්, රුධිර සෛල නිපදවීම අඩුවීම.

1. ෆැන්කො නීරක්තිය,

• විටමින් ඕ ඌනතාව
• ෆෝලික් ඇසිඩ් ඌනතාව
• වකුගඩු දුර්වලවීම

2. ශරීරයේ රුධිර සෛල වර්ධක පටක විනාශ වීම.

• ඇට මිඳුළුවල රෝග

3. රුධිර සෛල වැඩිපුර විනාශ වීම

• මැලේරියාව

4. අධික රුධිර ගලනය නිසා

• උදරයේ තුවාල ඇතිවීම
• මාස්ශුද්ධියේදී ෆයිබේ‍රායිඩ් රෝග නිසා වැඩි පුර රුධිර ගලනය
• ශල්‍යකර්ම

ප්‍රතිකාර

නීරක්තියට ප්‍රතිකාර කිරීමේදී පළමුව එයට හේතුවන්නේ පෝෂණ ගැටලුවද වෙනත් රෝගද යන්න හඳුනා ගත යුතුයි. ඒ අනුව යකඩ ඌනතාවක් නම් ඖෂධ පෙති හෝ එන්නත් ලෙසද ලබා දෙයි. යකඩ අවශෝෂණය වැඩි කරවීමට එම එන්නත විටමින් D සමඟ ලබාදෙයි. ෆෝලික් ඇසිඩ් හා විටමින් O 12 ද මේ සමඟම ලබා දෙයි. යම් රෝගයක් නිසා නීරක්තිය වැලඳී ඇත්නම් රුධිර සෛල හා ඇට මිදුළුවල රුධිර සෛල වැඩි කරවන හෝමෝන ලබාදෙයි. වකුගඩුවල දුර්වලතා ඇත්නම් හෝමෝන ලබාදීමට මෙන්ම හිමොග්ලොබින් ප්‍රමාණය ඉතාම අඩු මට්ටමක පවතියි නම් රුධිර පාරවිලයනය කිරීමටද සිදුවෙයි. මෙලෙස යකඩ හා විටමින් හෝ වෙනත් ප්‍රතිකාර කලද ඉක්මනින්ම රුධිර මට්ටම ඉහළ යෑම සිදු නොවේ. රුධිර සෛල නිපදවීමටත් සැලකිය යුතු කාලයක් ගතවේ.

ආහාර ගැනීම

නීරක්තියෙන් පෙළෙන රෝගීන් නම් යකඩ බහුල ආහාරවලට වැඩි අවධානයක් යොමු කළ යුතුමයි. නිවිති වැනි යකඩ බහුල පලා වර්ග, හරක්මස් හා පීකුදු ද වඩාත් සුදුසුයි.

පරිප්පු වැනි ධාන්‍ය වර්ග

බිත්තර, කිරි වැනි ප්‍රෝටීන් හා විටමින් බහුල ආහාර ප්‍රධාන ආහාර සමඟ තේ හෝ කෝපි පානය නුසුදුසු වන්නේ ඉන් සිරුරට යකඩ අවශෝෂණය කිරීම පමා වන නිසයි. පලා වර්ග ආහාරයට ගන්නා විට හැම විටම නැවුම්ව ලබාගන්න. මෙවැනි ආහාර රටාවකට හුරුවන අතරම නිසි කලට පණු බේත් ගැනීමටද සිහිතබා ගන්න.

වෛද්‍ය තුසිත කහදුව කොළඹ ජාතික රෝහල
උපුටා ගැනීම මව්බිම