ආහාරවේල් මගහැරීම දියවැඩියාවට හේතුවක් වියහැකියි
ආහාරවේල් මගහැරීම දියවැඩියාවට හේතුවක් වියහැකියි
උයන්න පිහන්න ගියාම මොනවා උයන්න ද කියලා හිතා ගන්න බැරි බව බොහෝ වෙලාවට ගෘහණියන් නඟන මැසිවිල්ලක්. සමහර අය එළවළු විතරක් කන්න කැමතියි. තවත් සමහර අයට මස්, මාළු නැතිව කන්න පුළුවන් කමක් ඇත්තේ නැහැ. ඒ වුණත් හැමදේම ආහාරයට ගන්නටත් පෙර ඒවා සෞඛ්‍යට හිතකර විදිහට පිස ගැනීම අත්‍යවශ්‍ය දෙයක්. අත්දැකීමෙන් ආහාර පිසීමට ගෘහණියන් දැනගත්තත් මේ වනවිට සුපවේදී ක්‍රම අත්හදා බලන්නට යෑම නිසා නොදැනුවත්වම මස්, මාළු ආහාරයට ගැනීම නිසා නිවසේ බොහෝදෙනෙකුට ආහාර අසාත්මිකතා එහෙමත් නැත්නම් වෙනත් ආකාරයේ ලෙඩ රෝග ද ඇති වෙන්නට පුළුවන්. ඒ නිසා වෛද්‍ය විද්‍යානුකූලව මස්, මාළු පිස ගැනීම සඳහා සම්මත උෂ්ණත්වයක් තිබෙනවා දැයි විමසා බලමු. ඇත්තෙන්ම මස්, මාළු පිස ගැනීමේදී නටන උෂ්ණත්වය වන තෙක් පිස ගැනීම ඉතා වැදගත්. ඇතැම් අය මස්, මාළු බාගෙට පිස ආහාරයට ගනු ලබන අතර ඒ නිසා විවිධ ආහාරයේ රෝගවලට ගොදුරු විය හැකියි. හරි ආකාරව මස් එසේත් නැත්නම් මාළු නොපිසුවොත් බැක්ටීරියා, වෛරස් වර්ග පහසුවෙන් ශරීරගත විය හැකියි. විශේෂයෙන්ම සැල්මොනෙල්ලා, ෂිගෙල්ලා වැනි බැක්ටීරියා වර්ග ශරීරගත විය හැකියි. ඒ වගේම ටීනියා වැනි පරපෝෂිතයන් ද සිටිය හැකියි. ඒ නිසා විශේෂයෙන් ඔබ මතක තබා ගත යුත්තේ මස්, මාළු බාගෙට හෝ අමුවෙන් පිසීම නිසා ඇතිවන ආහාර විෂ වීම් ඇතැම්විට මාරාන්තික විය හැකියි. ශ්‍රී ලාංකික ආහාරවලදී කුළු බඩු වර්ග බොහෝමයක් මස්, මාළු පිසීමේදී යොදා ගත්තත් අඩු උෂ්ණත්වයේදී නොනැසී ජීවත් විය හැකියි. ඒ විතරක්ම නෙමෙයි, මේවා විශාල කුට්ටි වශයෙන් පිසීමේදී එම මස්, මාළු කුට්ටිවල පිටත හොඳින් පිසීමට ලක් වුවත් ඇතුළත හොඳින් රත් නොවී තිබිය හැකියි. එපමණක්ම නොවෙයි ඇතැම් විට “බාබකිව්” හෝ ග්රිල් කිරීමේදී ද මස්, මාළුවල පිටතින් හොඳින් රත් වීමක් සිදු වුවද ඇතුළට වන්නට මස්, මාළු කැබලි රත් වීමක් සිදු නොවීම ද එතරම් යහපත් දෙයක් නොවේ. මේ ආකාරයට නිසිලෙස නොපිසින ලද මස්, මාංශ නිසා සතුන්ට ඇති වී තිබෙන ලෙඩ රෝග පහසුවෙන් මිනිස්සුන්ට බෝ විය හැකියි. ඒ නිසා ඔබගේ ආහාරය පිණිස මස්, මාළු පිසිනවා නම් ඒවා හොඳින් රත් කිරීමට අවශ්‍යයි. ඒවා අවම වශයෙන් නටන උෂ්ණත්වයේ තබා පිසගැනීම ද ඉතා වැදගත්.
මස්, මාළු නිසි උෂ්ණත්වයේ පිස නොගත්තොත්?
ඉස්කෝලේ ඉවර වෙලා ටියුෂන්, ටියුෂන් ඉවර වෙලා ගෙදර, ගෙදර ඇවිත් නයිට් ක්ලාස්, අයෙත් උදේට ඉස්කෝලේ. අද කාලේ දරුවන්ගේ ජිවිතය බොහෝදුරට ගෙවිලා යන්නේ මෙවැනි චක්‍රයකටයි. ඒ චක්‍රයට ඔවුන් කොයිතරම් ඇබ්බැහි වෙලාද කිව්වොත් අවම වශයෙන් තමන්ගේ ජිවිතයේ සතුට, සැහැල්ලුව, අත් විඳින්නට ඔවුන්ට හැකියාවක් ඇත්තේ නැහැ. ඔවුන් අවම වශයෙන් ඒවායේ තේරුමක්වත් දන්නේ නැහැ. ඒ වෙනුවට දුක, ආතතිය, ලෙඩ රෝග ඔවුන්ගේ ජීවිතවලට කා වැදී අවසන්. මේ චක්‍රයෙන් ඔවුන්ව මුදවන්ට ද දෙමාපියන්ටත් වුවමනාවක් තිබුණට වෙලාවක් වෙන් කර ගන්නට හැකියාවක් නෑ. ඔවුන්ටත් වැඩ... වැඩ... වැඩ... ඔවුන්ට දරුවන්ගේ කෑම, බීම, නිරෝගීකම, සතුට, සැහැලුවට වඩා වැදගත් වෙලා තිබෙන්නේ ඉගෙනීමයි. අඩුම තරමින් පුතේ ඔයා කෑවද කියලා අහන්න තරම්වත් ඔවුන්ගේ මනස, ඒ වගේම කලබලකාරී ජීවිතය ඔවුන්ට ඉස්පාසුවක් ලබා දෙන්නේ නැහැ. කොහොමහරි මේ වෙනකොට නම් ඒ බව මනසටත් හොඳින්ම කා වැදිලත් ඇති. ඒ නිසාම ඔවුන්ගේ නිරෝගීකමට හේතුවන බොහෝ දේවල් ද ඔවුන්ගේ ජීවිතයට අහිමි වී ගොස් ඇති. කන්න වෙලාවක් නෑ, නාන්න වෙලාවක් නැහැ, සෙල්ලම් කරන්න බෑ, සිංදු අහන්න බෑ. ඒ හැමදේටම ඔවුන්ට වෙලාවක් ඇත්තේ නැහැ. ඇතැම් දරුවන්ට දිනකට සාමාන්‍යයෙන් ආහාර වේල් 3ක් ගන්න ඕන කියන දේවත් මතක නෑ. දැනුවත්ව හෝ නොදැනුවත්ව දරුවෙකු ආහාර වේල් මඟහරිනවා නම් එය දියවැඩියාව වැනි භයානක රෝගයක පෙර නිමිත්තක් ද විය හැකියි. බොහෝදුරට මෙසේ දරුවන් ආහාර වේල් මඟහැරීම නිසා පැණි රස අධික, ලුණු අධික, ක්ෂණික ආහාර කරා යොමු වනු ලැබීම නිසා පහසුවෙන් දියවැඩියාව වැනි බෝ නොවන රෝගවල ගොදුරක් බවට පත්විය හැකියි. ඒ වගේම ඇතැම්විට ඔවුන් එසේ මඟහරින ආහාරවේල් වෙනුවට එක් ආහාර වේලක් පමණක් අධිකව ආහාරයට ගැනීමත් එතරම් හොඳ දෙයක් නෙමෙයි. මේ විදිහට ආහාර වේල් මඟහැරීමත් ඒ වෙනුවට පැණි රස ආහාරවලට යොමු වීමත් එක්වර වැඩි ප්‍රමාණයක් ආහාරයට ගැනීමත් නිසා නොදැනුවත්ව දරුවන් දියවැඩියා රෝගීන් බවට පත් විය හැකියි. ඒ නිසා දෙමාපියන් වශයෙන් ඔබ ඔබගේ ආහාර වේල වගේම දරුවන්ගේ ආහාර වේලටත් හොඳ අවධානයක් යොමු කරවීම ඉතා වැදගත්.
උපුටා ගැනීම දිනමිණ
