ඔබ පෙළෙන වකුගඩු රෝගය විවාහයට බාධාවක් නොවේ
වයස අවු. 18ක් වන මාගේ වකුගඩුවලට විෂබීජයක් ඇතුළු වීම හේතුවෙන් මහනුවර මහ රෝහලෙන් ප්‍රතිකාර ලබා ගත්තෙමි. මේ හේතුවෙන් අනාගත විවාහ ජීවිතයට බලපෑමක් එල්ල වේ ද? මා වසර 4ක පමණ සිට රෝගී තත්ත්වය සඳහා ප්‍රතිකාර ලබා ගන්නෙමි. දැනට රෝගය බොහෝ දුරට සුව වී තිඛෙනවා. එහෙත් ප්‍රතිකාර නවත්වා නොමැත. මේ නිසා තවත් දීර්ඝ කාලයක් ප්‍රතිකාර කිරීමට සිදු වේ ද?
සාමාන්‍යයෙන් ඖෂධ ප්‍රතිකාර මගින් සුවය ලබන්නට හැකි මුත්‍රා ආසාදන තිඛෙනවා එහෙත් සමහර රෝගීන් සිටිනවා, ඔවුන්ගේ මුත්‍ර මාර්ගය අවහිර වී, මුත්‍රාශය ඇතුළත යම් යම් දෝෂ තිඛෙන පුද්ගලයන්. එවන් රෝගීන් හමු වූ විට ඔවුන්ගේ වකුගඩු පරීක්ෂාවක් පවා කළ යුතුයි. ඒ අනුව අවශ්‍ය වූ විට දීර්ඝ කාලයක් ප්‍රතිකාර කිරීමට ද සිදු වෙන අවස්ථා තිඛෙනවා. එය හොඳීන් පරීක්ෂා කරමින් කරන ප්‍රතිකාරයක්. කෙසේ වෙතත් ඔබේ ගැටලුව අනුව මේ තත්ත්වය විවාහයට බාධාවක් වන්නේ නෑ. නමුත් ඔබ රෝගයට ප්‍රතිකාර ලබමින් සිටින නිසා සංකූලතා ඇතිවුවහොත් ඉතා ඉක්මනින් හඳුනාගත හැකියි. ඔබේ වෛද්‍ය වාර්තා නිරීක්ෂණය කිරීමත් ඉතා වැදගත්. එසේ පරීක්ෂා කිරීමක් මගින් ඔබගේ තත්ත්වය හොඳීන් පැහැදිලි කරදීමට හැකියාව තිඛෙන නිසා. අවශ්‍ය නම් නැවත රෝහල වෙත යොමු වී උපදෙස් ලබා ගන්න.
මහනුවර ශික්ෂණ රෝහලේ වකුගඩු රෝග පිළිබඳ විශේෂඥ වෛද්‍ය නිශාන්ත නානායක්කාර
උපුටා ගැනීම දිනමිණ පුවත් පතඇසුරෙනි
