මානසික පීඩනය අඩු කරවන උපක්‍රම
එදිනෙදා ජීවිතයේදී මුහුණපානවිවිධ බාධක හමුවේ අප බොහෝ දෙනා කායිකව මෙන්ම මානසිකවත් පීඩාවට පත් වෙනවා. මානසිකව ඇතිවන පීඩාවන් නිසා ඔබ කායිකවත් රෝගී පුද්ගලයෙක් බවට පත්වෙයි. ඔබේ මානසික ආතතිය පාලනය කර ගන්න නම් මේ කාරණා කිහිපය ගැනත් අවධානය යොමු කරන්න.
දුවන්න
මානසික ආතතියක් ඇතිවන විට ඇඟට දැනෙන ආකාරයට යම් දුරක් දිවගෙන යෑමෙන් මනසට සහනයක් ලබාගන්න පුළුවන්.
දිග හුස්මක් ගන්න
ඔබ මානසිකව වියවුලට පත්ව ඇති විටෙක එය පාලනය කර ගන්න වැඩි වේලාවක් ගත කිරීමට නොහැකි නම් දිගු හුස්මක් ගෙන එය නිදහස් කිරීමෙන්ද සුවයක් ලබා ගන්න හැකියි.
ඇවිදින්න
එකම තැනක සිටිනවාට වඩා ටික වේලාවක් ඇවිදීමෙන් අවට පරිසරයේ විවිධ දේ දකින නිසාත් මනසට ඇතිවන ආතතිය අඩුවී යයි.
යෝගා ව්‍යායාම
යෝගා ව්‍යායාම මඟින් ඔබේ කයට පමණක් නොව මනසටත් සුවයක් ලබා දෙනවා. මේ නිසා මානසික ආතතියටත් මෙවැනි අභ්‍යාසයක යෙදීම වඩාත් සුදුසුයි. සුදුසුකම් ලත් යෝගා උපදේශකයකුගේත් අනුදැනුමින් මේවා සිදු කරන්න.
අන් අය සමඟ කතා කරන්න
යම් ගැටලුවක් නිසා ඔබ මානසික වියවුලට පත්ව සිටී නම් ඔබේ හිතවතෙක් සමඟ සුහදව කතාබහ කිරීමෙන් තරමක් හෝ මනසට සුවයක් ලබාගන්න පුළුවන්.
පවුලත් සමඟ කාලය ගත කරන්න
ඔබේ දරුවන් හා සැමියා සමඟ කාලය ගත කරන විට අන් සියලු ප්‍රශ්න අමතක වී යයි. ඔබේ හිතට සමීප අය සමඟ කතා කිරීමෙන් මානසිකව ඇතිවන පීඩනයත් පහව යයි.
ශාලිකා රංගනී සමරදිවාකර
උපුටා ගැනීම මව්බිම
