ආදරයෙන් සිපගන්න වේදනාව, ආතතිය, අසහනය දුරුකරගන්න
සිපගැනීම මුළු ලෝකය පුරාම ව්‍යාප්ත වුණු ගෝලීය භාෂාවක්. තමන් ආදරය කරන කෙනාට ඒ බව දනවන්න තියෙන පහසුම ක්‍රමය සිපගැනීම. ඒ වගේම තමයි තවත් සමහරු තමන් තමන්ගේ අයිතිය තහවුරු කරගන්නත් සිපගන්නවා. ඒත් සිප ගැනීම ආදරය සහ රාගය පමණක්ම පදනම් වුණු දෙයක් විතරක්ම නොවේ. සිප ගැනීම කියන්නේ හුදු ආදර සම්බන්ධයක බැඳීමක් විතරක් නොවේ. සිප ගැනීම හා බැඳුණු සෞඛ්‍යමය කාරණා බොහෝම පවතින බව ඔබ දන්නවාද?
- සිපගැනීම ස්වාභාවිකවම දත් පිරිසුදු කර ගැනීමේ ක්‍රමයක් කියලා කිව්වොත් ඔබ පුදුම වේවි. සිප ගැනීම දත් මැලියම් සහ දත් කුහර ඇතිවීම වළක්වා ගන්න පුළුවන් ක්‍රමයක්.
- එක මිනිත්තුවක් සිප ගත්තාම කැලරි දහනය වන බව ඔබ දන්නවාද... වේගවත් සිප ගැනීමකදී දෙදෙනාගේම ශක්තීන්ගේ කැලරි දහනය වෙනවා. ඒ වාගේම ශරීරයේ පරිවෘත්තීය ක්‍රියාවලිය යහපත් කරන්නත් හේතු වෙනවා. ඇඟේ තියෙන කැලරි දහනය කරගන්න බර වැඩම කරන්න ඕනේ නැහැ. සිපගන්න එක තමයි පහසුම ක්‍රමය.
- සිපගන්නා විට ශරීරයේ ඇඩ්රිනලින් හෝමෝනය ස්‍රාවය වීමේ මට්ටම ඉහළ යනවා. මේ හෝමෝන් වර්ගය මුළු ශරීරය පුරාම රුධිර ගමනාගමනය වේගවත් කරනවා. අඩු රුධිර පීඩනය අවම කරලා මුළු ශරීරය පුරාම රුධිර සංසරණ ක්‍රියාවලිය ක්‍රමවත් කරන්න ඇඩ්රිනලින් හෝමෝනයට හැකියාව තියෙනවා. ඒ නිසා හෘදය වස්තුවේ ක්‍රියාකාරිත්වය රඳවා ගන්න සිපගන්නම වෙනවා.
- ඔබට අපහසු දවසක්ද එහෙනම් ඉතින් ඔබේ පෙම්වතා සිපගන්න. ඔබේ අපහසුකාරී සිතිවිලි පහවෙලා යයි. සිප ගැනීම ඍණාත්මක සිතිවිලි පලවා හැරලා ධනාත්මක සිතිවිලි වර්ධනය කරගන්න හොඳම ක්‍රමයක්. සරාගී සිප ගැනීමකින් සිනහවක් රන්දන්න වගේම හැම දුකක්ම අමතක කරලා සැහැල්ලු බවක් ඇති කරන්නත් පුළුවන්. ඒ නිසාම අපහසු, වේදනාව, ආතතිය කියන විස නසන්න තියෙන හොඳම නාශකය තමයි සිප ගැනීම.
සවනි ශේශාධි
උපුටා ගැනීම මව්බිම
