අනාගත රෝගයක් ගැන ඉඟි කරන කුද්දටි

කුද්දටි කියන්නේ හුඟක් අයට පුරුදු වචනයක්. නමුත් කුද්දටි කියන්නේ යම් රෝගයක් අසාධ්‍යවීමෙන් ඇතිවෙන රෝග ලක්‍ෂණයක් බව දන්නේ ඉතාම සුළු පිරිසක් විතරයි. කුද්දටි කියන්නේ ශරීරයේ වසා පද්ධතියේ ගැටිති ආශ්‍රිතව ඇතිවන ආසාදනයි. කුද්දටි ඇතිවන්නේ වාසා ග්‍රන්ථි තිබෙන තැන්වලය. වසා ග්‍රන්ථි කිහිලි, ඉකිලි, බෙල්ල, පියයුරු ආදී ස්ථානවල වසා පිහිටා ඇත. වසා ග්‍රන්ථි සෑම තැනම නොපිහිටන නමුත් යම් ස්ථානයක ඇතිවන රෝග අවස්ථාවකදී ඊට ආසන්නයේම ඇති වසා ග්‍රන්ථිවල කුද්දටි ඇතිවේ. එනම් අතේ තුවාලයක් ඇති වූ විට කිහිල්ලේ වසා ගැටිති ඉදිමේ. පාද වල නම් ඉකිලිවලත් බෙල්ලේ ඇතිවන ආබාධයකදීත් කිහිල්ලේත් වසා ගැටිති ඇතිවිය හැකිය. සාමාන්‍ය අවස්ථාවලදී වසා ගැටිති අතින් ඇල්ලිය නොහැකිය. නමුත් කුද්දටි ඇති වූ විට ගැටයක් ලෙස ස්පර්ශ වේ. සම රතු පැහැ වන අතර පුපුරු ගසන වේදනාවක් ද දැනේ. යම් පුද්ගලයකුට කුද්දටි ඇති වේ නම් ඔහුගේ සිරුර තුළ ක්‍රියාත්මක වන යම් ආසාදනයක් තිබේ. කුද්දටි මතුවීමේ වඩාත් භයානකම අවස්ථාව ලෙස පිළිකා ඇතිවිය හැකිය. පිළිකාවකදී කුද්දටි මතු වේ නම් පිළිකාව සිරුර පුරාම පැතිර කුද්දිටි දක්වාම පැමිණ ඇතැයි පෙන්වා දෙයි. කුද්දටිවලට ප්‍රතිකාර නොමැත. ඒ නිසා කුද්දටි මතුව ඇත්නම් ඉක්මනින් වෛද්‍ය ප්‍රතිකාර ගැනීම යෝග්‍යයි.

වෛද්‍ය කෞමදී කරුණාගොඩ ස්ත්‍රී රෝග හා ප්‍රසව තන්ත්‍ර පිළිබඳ විශේෂඥ ජේ‍යෂ්ඨ කථිකාචාරිනී - දේශීය වෛද්‍ය විද්‍යායතනය