කකුල් පැළෙනවට ආයුර්වේදයෙන් බෙහෙත්
තරුණියන්ගේ ලස්සන නැති කරලා එයාලව අපහසුතාවට වගේම, වේදනාවට පත්කරන දෙයක් විදියට කකුල් පැළීම හඳුන්වන්න පුළුවන්. මෙවැනි රෝග තත්ත්වයක් තරුණ වියේදී ඇතිවූ විට මානසික අපහසුතාවටද පත්වේ. එයට හේතුව කකුල් පැළීම නිසා ඇතිවන අධික වේදනාවයි. කකුල් විළුඹ පුපුරා යෑම නිසා ඇතිවන අධික කැක්කුම, සුළු වශයෙන් සිදුවන රුධිර පිටවීම මෙහි ලක්ෂණ ලෙස හැඳින්විය හැකියි.
ආහාර විසමතා
- එළවළු සහ පලාවර්ග ආහාරයට නොගැනීම නිසා විටමින් හිඟවීම, කෘත්‍රිම ආහාර ගැනීම, අධික රසකාරක යෙදූ ආහාර භාවිතය.
- අධික මිරිස් සහ තෙල් ආහාර ගැනීම නිසා රක්තවාතය කෝප වීම.
- මඩ සහිත ජලය පෑගීම.
- කුණු මඩ පෑගීම.
- මෙය අධෝගත රක්තවාතය ලෙස හැඳින්වේ. කකුලේ තිබෙන මෘදුගතිය නැතිවීම නිසා ඇතිවන තද බව නිසා කකුල් පුපුරා යයි.
ප්‍රතිකාර
- අමු කහ දෙහි ඇඹුලෙන් ගල ගෑම.
- තෝර කොළ ඇල්දියෙන් අඹරා ගාන්න.
- අලි පේර, ලාවුළු, බටර් හෝ එළඟිතෙල් සමඟ කලවම් කර ගාන්න.
- සුකුමාර චූර්ණය තේ හැන්දක් බීමට ගන්න.
- දේහ කුෂ්පි රසායන තේ හැඳි එකක් කන්න ඉන්පසු කිරි හෝ නෙල්ලි රසකිඳ, තැම්බූ වතුර බීම සුදුසුයි.
- කහපාට එළවළු වර්ග කහපාට පලතුරු ආහාරයට ගන්න.
- හොඳින් වතුර බොන්න.
විරේකයක්, අවශ්‍ය දේ
අරළු කළං තුනයි. සූකිරි කළං තුනයි. කුඩුකර තැඹිලි ගෙඩියක දමා රාත්‍රියේ පින්නේ තබා උදෑසන හිස්බඩ බොන්න. පීනසය තිබේ නම් තැඹිලි අගුණ විය හැකි නිසා, අරළු, සෙනෙහෙ කොළ, සූකිරි, මුද්දරපලං කළං තුන බැගින් ගෙන වතුර පත හතර එකට සිඳුවා සීනි දමා බොන්න.
ආයුර්වේද වෛද්‍ය හෙන්රි රණසිංහඋපුටා ගැනීම මව්බිම
