කෘත්‍රිම සංසේචනයෙන් කලලයක් නිර්මාණය කර දරුවකු ලබාගත හැකියි
පැතුමින් තොර ජීවිතයක් මිනිසුන්ට තිබිය හැකිද? එය එසේ නම් මුළු ලොවම නිහඬ වනු ඇත. ඒ නිසා ජීවිතයට ප්‍රාර්ථනා වැදගත් වෙයි. මනසක් පුබුදන අසීමිත පැතුම් අතරේ, දරුවකු පිළිබඳ ප්‍රාර්ථනය උතුම් හැඟුමකි. අද දවසේ පෙරළිකාර ජීවන රටාවන් හේතුවෙන් මේ පැතුම බොහෝදෙනෙකුගේ ජීවිතවලින් ඈතට යන බවක් පෙනෙයි. නමුත් මේ ප්‍රාර්ථනය ජීවිතයට සිහිනයක් නොවනු පිණිස නව මං බොහොමයක් අද විවර වී තිබීම සිත සැනසුමට හේතුවකි.
IV (නල දරු තාක්ෂණය)
කලලයක් ගර්භාෂයෙන් පිටත සංසේචනය කිරීම මෙහි අරුතයි. එනම්, ඩිම්බ හා ශුක්‍රාණු ලබාගෙන ගර්භාෂයෙන් පිටත විශේෂ රසායනාගාරයක් තුළ සංසේචනය කොට කලලය ගර්භාෂයක් තුළ තැන්පත් කිරීමට සැලැස්වීමයි. මෙය ක්‍රම දෙකකට සිදු කරනු ලැබේ. ඩිම්බයකට ශුක්‍රාණු එක් කොට ස්වභාවිකව කලලයක් වර්ධනය වීමට සැලැස්වීම එක් ක්‍රමයකි. ඊට අමතරව ඩිම්බයක් ගෙන එක් ශුක්‍රාණුවක් තෝරාගෙන ඩිම්බයේ සිදුරක් ඇති කොට තෝරාගත් ශුක්‍රාණුව ඒ තුළට දමා කෘත්‍රිමව සංසේචනය වන්නට සැලැස්වීම අනෙක් ක්‍රමයයි.
IV ක්‍රමය තෝරා ගත යුත්තේ කුමන අවස්ථාවකද?
බොහෝවිට මෙවැනි ක්‍රමයකට යොමුවීමට බලපාන ප්‍රධාන හේතුවක් වනුයේ පැලෝපීය නාලවල ඇතිවන අවහිරතා වේ. එනම් පැලෝපීය නාල දිගේ ඩිම්බවලට ගමන් කිරීමට නොහැකි අවස්ථාවල, යෝනි මාර්ගය හරහා ඩිම්බ එළියට ගැනීමෙන් ශුක්‍රාණු සමඟ එක්කොට ගර්භාෂයෙන් පිටත කෘත්‍රිමව කලලයක් සංසේචනය වීමට සැලැස්වීමයි. මීට අමතරව එන්ඩොමෙට්‍රියෝසිස් නම් වූ රෝගී තත්ත්වය ඇති විටද (එනම් ඔසප් රුධිරය ගර්භාෂයෙන් පිටවී උදර කුහර තුළට වහනය වීමෙන් රුධිර කැටි සෑදී, ඩිම්බ හා ශුක්‍රාණුවල එක්වීම බාධා ඇති වීමයි.) කෘත්‍රිම සංසේචනයකට යොමු වීමට හැකියාවක් තිබේ. එමෙන්ම සියලු ප්‍රතිකාර ක්‍රම වලින් අනතුරුවද එනම් ස්වභාවික පිළිසිඳ ගැනීම්, ධාතු තැන්පත් කිරීම් ආදී ක්‍රම සියල්ලෙන් ප්‍රතිඵලයක් අහිමි වූයේ නම්, අවසන් තෝරාගැනීම වශයෙන් කෘත්‍රිම සංසේචන ක්‍රමය (ෂඪත) තෝරා ගත හැකිය.
පුරුෂයින්ගේ ගැටලු
සාමාන්‍යයෙන් ශුක්‍රාණුවල අඩුවක් ඇතිවිට එනම් ශුක්‍රාණු මිලියන පහකට වඩා අඩු තත්ත්වයක් පෙන්නුම් කරන අවස්ථාවලද, මෙම ක්‍රම භාවිතා කළ හැකි වේ. එමෙන්ම පුරුෂයින්ගේ වෘෂණ තුළින් ශුක්‍රාණු පිටතට නොපැමිණෙන තත්ත්වලදී ද වෘෂණ සිදුරු කොට ශුක්‍රාණු පිටතට ගෙන තැන්පත් කිරීමක් කළ හැකි වේ.
IV ක්‍රමය තෝරා ගැනීමට බලපාන තවත් හේතු
පරම්පරාවෙන් පරම්පරාවට විවිධ රෝග තත්ත්ව උරුම වූ අයට උපදින දරුවන් එම රෝගවලින් වළක්වා ගැනීමට යොදාගත හැකි පියවරක් වශයෙන් වර්තමානයේ මෙය භාවිතා වෙයි. මෙහිදී කලලයක් නිර්මාණය කිරීමෙන් අනතුරුව එයින් සෛලයක් ගෙන පරම්පරාගත රෝග තත්ත්වයක් උරුම වී ඇත්ද යන්න එමඟින් පරීක්ෂාවට ලක් කළ හැකිය. නිරෝගී කලලයක් තෝරා ගැනීමට හැකි වීමට අමතරව මේ ක්‍රමය තුළින් කලලය තුළ වැඩෙනුයේ දියණියක ද පුතකු ද යන්නත් හඳුනා ගත හැකි වීම විශේෂත්වයකි. ඊට අමතරව තුරුණු වියේදීම පිළිකා තත්ත්වලට ගොදුරු වූ රෝගීන්ගෙන්, විශේෂයෙන් කාන්තාවන්ට සිදු කරන විකිරණ ප්‍රතිකාරවලට ප්‍රථමයෙන් ඩිම්බකෝෂවලින් ඩිම්බ පිටතට ගැනීමක් සිදු කිරීමේ හැකියාව පවතියි. මෙම ඩිම්බ නියමිත තත්ත්වයන් යටතේ ගබඩාකොට තබා ගැනීමේ හැකියාව ද පවතියි. මෙහි විශේෂත්වය නම් රෝගී තත්ත්වයෙන් මිදී නැවත සුවපත් වී විවාහ දිවියට ඇතුළත් වීමට අවස්ථාවක් ලැබුවේ නම්, දරුවකු අවශ්‍ය වූ විට මෙසේ ගබඩා කර තැබූ ඩිම්බ ලබාගෙන කෘත්‍රිමව සංසේචනය කිරීමෙන් කලලයක් නිර්මාණය කිරීමට හැකි වීමයි. මෙහි සඳහන් කළ බොහෝ ක්‍රම ශ්‍රී ලංකාවට තවමත් ආධුනික වන අතර ඉදිරියේදී හඳුන්වා දීමට නියමිතය.
සමුද්‍රිකා වර්ණකුල
උපුටා ගැනීම දිනමිණ පුවත් පත
කුද්දටි කියන්නේ හුඟක් අයට පුරුදු වචනයක්. නමුත් කුද්දටි කියන්නේ යම් රෝගයක් අසාධ්‍යවීමෙන් ඇතිවෙන රෝග ලක්‍ෂණයක් බව දන්නේ ඉතාම සුළු පිරිසක් විතරයි....
ලැජ්ජාව කියල කියන්නේ අපි කටත් දැනෙන පොදු හැගීමක්. අලුතින් සම්මුඛ පරීක්ෂණයකට, එසේත් නැතිනම් විශ්ව විද්‍යාලයකදී හෝ ආයතනයකදී යම් ඉදිරිපත් කිරීමක් කරන...
දත් මදිද්දී විදුරු මස්වලින් ලේ ගැලීම බොහෝ දෙනෙකුට තිබෙන ගැටලූවක්. මේ තත්ත්වය ඇතිවන්නේ විදුරු මස්වල ආසාදනයක් තිබෙන විටයි. එවැනි තත්ත්වයක් ඔබටත්...
කැරපොත්තන්ට, හූනන්ට වැනි ඇතැම් කෘමි සතුන්ට දක්වන බය වගේම රාත්‍රියට කළුවර තැන්වලින් ගමන් කිරීමේදී සිතේ ඇති වන බය අපි යම් යම්...
මූලිකව බලපා ඇත්තේ අප රටටම සුවිශේෂී වූ ජානයක්. මෙම ජානය ඇති වී තිබෙන්නේ කොලෙස්ටරෝල් හැකිතාක් නිපදවා ගැනෙන ආකාරයට. මුතුන් මිත්තන්ට බල...
හිසරදය සාමාන්‍යයෙන් වැඩිදෙනෙකු සැලකිල්ලට නොගන්නා රෝග ලක්ෂණයකි. නමුත් හිසරදය සුළු වුවත්, දැඩි වුවත් ඒ ගැන සැලකිලිමත් විය යුත්තේ කිසියම් අවස්ථාවක ඒ...
