මිග්‍රේන් ඇතිවන හැටි
මිග්‍රේන් (Migraines) අද බොහෝ අවස්‌ථාවල වයස්‌ භේදයකින් තොරව දක්‌නට ලැඛෙන තත්ත්වයකි. විශේෂයෙන් කාන්තා පක්‍ෂය තුළ පිරිමින්ට වඩා බහුලව දක්‌නට ලැබේ. මේ නමින් හඳුන්වන්නේ හිසරදය (Headache) තත්ත්වයකි. මෙම හිසරදය ඉතාමත් වේදනාකාරීය. රෝගියාට ඉතාමත් අපහසුයි. ඇතැම් රෝගීහු මෙම තත්ත්වයක්‌ ඇතිවූ විට ඔළුවෙන් පවා සිටගනිති. හිසරදය වශයෙන් හඳුන්වන්නේ ඔළුවේ ඇතිවන වේදනාවකි. විශේෂයෙන් ශරීරයේ ඛෙල්ලෙන් උඩ කොටසට බලපෑමක්‌ ඇති කරවන්නකි. මෙය ඔළුවේ ඉතා සුළු කොටසක්‌ පුරා පැතිරෙන්නක්‌ හෝ මුළු ඔළුව පුරාම පැතිරෙන වේදනාවක්‌ විය හැකියි. හිසරදයක්‌ කියන්නේ සාමාන්‍ය දෙයකි. මිග්‍රේන් හිසරද තත්ත්වය බොහෝ දුරට හිසෙහි එක පැත්තකට බලපෑමට ඉඩකඩ තිබේ. සමහර අවස්‌ථාවල සම්පූර්ණ හිස පුරා පැතිරෙන්නට පුළුවනි. එය එකිනෙකාගෙන් වෙනස්‌ වූ තත්ත්වයකි. මිග්‍රේන් ඇතිවීමට හරිම හේතුව හොයා ගැනීමට තවමත් පරීක්‌ෂණ පවත්වමින් පවතී. බොහෝ අවස්‌ථාවල මෙය හිසට රුධිරය රැගෙන යන රුධිර නාලිකාවල ඉදිමීමක්‌ නිසා සිදු වන්නා වූ රුධිරය ගලා යැම වැළැක්‌වීමක්‌ වන්නට පුළුවනි. (Dilation and Imflamation of the blood vessels in the head) මිග්‍රේන් තත්ත්වයක්‌ ඇතිවීමේදී ඇති වන්නා වූ වේදනාකාරී තත්ත්වයකට මෙසේ ඇති වන්නා වූ ඉදිමුම හේතු කාරණා වේ. ඒ වගේම බොහොමයක්‌ අවස්‌ථාවල විදුලි එළිය හා ශබ්දවලට මුහුණදීමේදී දැඩි අපහසුතාවට පත්වේ. (Light & Sound Sensitivity) (Photophobia) (Phonophobia) ඇතැම් අවස්‌ථාවල අධික ලෙස වමනය කිරීමද දක්‌නට ලැබේ. කාන්තාවන්හට මිග්‍රේන් ඇතිවීමේ හැකියාව පිරිමින්ට වඩා තුන් ගුණයකින් වැඩිය. හිසරදයක්‌ ඇතිවීම වළක්‌වා ගැනීම ඉතාමත් වැදගත්ය. කළ හැකි හොඳම දෙය නම් හිසරදය පටන් ගැනීමට ප්‍රථමයෙන් එය වළක්‌වා ගැනීමයි. නොයෙකුත් හේතූන් නිසා හිසරදය ඇතිවීමටත් උත්සන්න වීමටත් පිළිවන. එය වහාම තේරුම් ගතහොත් ඉතා ලෙහෙසියෙන් මෙය වළක්‌වා ගත හැකියි. හිසරදයක්‌ ඇතිවීමට මානසික පීඩනයෙන් යුතු ජීවන රටාව (Stressfull Living) ඉතා දැඩි බලපෑමක්‌ ඇති කරනවා. එමනිසා මානසික පීඩනය අවම කරගත යුතුය. මෙහිදී කාලය මනාව කළමනාකරණය කරගැනීම ඉතාම වැදගත්ය. ළගාවිය නොහැකි දේවල් ගැන හිතන්න එපා. ඒවා අතහරින්න. ඒ ගැන කනගාටු විය යුතුද නැත. සැහැල්ලුවෙන් සිටීමට උත්සාහ ගන්න. (Live to Relax) සෞඛ්‍ය සම්පන්න ජීවන රටාවක්‌ ගෙන යැමට උත්සාහ ගන්න. (Healthly Living) සිරුරට ගැළපෙන දේවල් ආහාරපාන වශයෙන් ගන්න. වැඩිපුර සිනාසෙන්න. සිරුරට අවශ්‍ය ශාරීරික ව්‍යායාම කරන්න. විශේෂයෙන් ආහාරපාන ගැනීමේදී සිතා බලන්න. එයට හේතුව වැඩි ඇමයිනෝ අම්ල ප්‍රමාණයක්‌ ඇති ආහාරපාන නිසා හිසරදය උත්සන්න වීමට පුළුවනි. එමනිසා විශේෂයෙන්ම ආහාරපාන අතුරින් චීස්‌, අච්චාරු, සෝයා, ඇට වර්ග හෝ ඇට වර්ගවලින් සෑදූ දේවල් (Nuts or Nuts Products) සුරා පානය වැනි දේවල්වලින් වළකින්න. කාන්තාවන් තුළ ඇති වන්නා වූ ඊස්‌ට්‍රජන් හෝමෝනය නිසාද මිග්‍රේන් තත්ත්වය උත්සන්න වන්නට පුළුවනි. දුම්පානයෙන් වැළකී සිටීමද ඉතාමත් අත්‍යවශ්‍ය කරුණකි. සමහර ඖෂධ වර්ග නිසා හිසරදයක්‌ ඇති වන්නට පුළුවනි. ඒ ගැනද සැලකිලිමත් වන්න. මිග්‍රේන් සුවකළ නොහැකි රෝගයක්‌ කියා පසුතැවිලි වන්නට එපා. එය සුවකළ හැකි රෝගි තත්ත්වයක්‌. කලට වේලාවට නිසි ප්‍රතිකාර විශේෂයෙන්ම තමන්ගේ ජීවන රටාව වෙනස්‌ කරගෙන නිසියාකාරව ආහාරපාන ලබාගෙන ශාරීරික ව්‍යායාම කරගෙන මානසික පීඩනය අවම කරගෙන දුම්පානයෙන් හා සුරාපානයෙන් වැළකෙන්නේ නම් මෙය සුවකර ගැනීමට ඉතාමත් පහසුය.
ඇලන්ටන් වීරසිංහ උපදේශක වෛද්‍ය - බයෝපති 0716857769 / 0777320898
උපුටා ගැනීම දිවයින පුවත් පත ඇසුරෙන්
