කොන්දේ කැක්කුම උත්සන්න වනතෙක් ඉන්න එපා!
කොන්දේ කැක්කුම් තුළ ඉතාමත් බරපතළ මට්ටමේ රෝග අවස්ථා සැඟවී තිබීමට හැකිද?
කොන්දේ ඇතිවන වේදනා සාමාන්‍යයෙන් ඕනෑම අයෙකුට ඇතිවන රෝගී තත්ත්යක් වන අතර ඒ පිළිබඳව බොහෝ දෙනෙක් තැකීමක් නොකරයි. නමුත් මෙවැනි කොන්දේ කැක්කුම් අතර භයානක මට්ටමේ රෝගාබාධ ද නැත්තේම නැහැ. වෙනත් රටවල යම් රෝග ලක්ෂණයක් ඇති වූ විට එය භයානක රෝග ලක්ෂණයක් ද නැද්ද යන්න පිළිබඳව ඉතා හොඳ අවබෝධයක් පවතියි. නමුත් අප වැනි රටවල එම රෝග ලක්ෂණ හඳුනා ගත්තද නොදැනුවත්කම නිසා ඒවා නොසලකා හරිනු ලබයි. ඒ නිසා රෝගීන්ගේ දැනුවත් වීම ඉතා වැදගත්. කෙසේ වෙතත් කොන්ද ආශි‍්‍රව ඇතිවිය හැකි භයානක රෝග අවස්ථා ලෙස කොදු නාරටියේ ස්නායුවල පවතින ගෙඩි හෝ කොඳු ඇට පෙළට විසබීජ ඇතුල්වීම පිළිබඳව කතාබහ කළ හැකියි. ඒ වගේම මෙම රෝග අවස්ථා ආශි‍්‍රතව ඇතිවන රොග ලක්ෂණ මොනවාදැයි විමසා බැලීම ඉතා වැදගත්. මෙම රෝග ලක්ෂණ අතර කොන්දේ වේදනාව ප්‍රධාන තැනක් හිමිකර ගනු ලබයි.
කොන්දේ වේදනාව සැමටම ඇතිවන රෝග ලක්ෂණයක් නිසා කොන්දේ කැක්කුමක් හැදුණු සැමවිටම බිය විය යුතුද?
නැහැ. ඇත්තෙන්ම කොන්දේ වේදනාවේ සුවිශේෂ ලක්ෂණ කිහිපයක් පැවතිය හැකියි. එම ලක්ෂණ පිළිබඳ හඳුනා ගතහොත් ඔබට ඔබගේ රෝගය පිළිබඳ දළ අවබෝධයක් ලබා ගත හැකියි. මෙම වේදනාව කොදු ඇට පෙළ ආශි‍්‍රතව එනම් බෙල් පිටුපස, උරපතු දෙක අතර හා කොන්දේ පිට මැද ඇතිවිය හැකියි. තවද මෙම රෝග ලක්ෂණ විශේෂයෙන් ඇති වන්නේ රෝගියා නිදා ගන්නා විටදීය. සාමාන්‍යයෙන් නින්දට යනවිට කොන්දේ කැක්කුමක් ඇති වීම ස්භාවික වන අතර මෙහි විශේෂත්වය වන්නේ නිදාගෙන පැය කිහිපයක් ගත වීමෙන් පසු කොන්දෙ අධික කැක්කුමක් සමඟ අවදි වීමයි. පසුව රෝගියාට ඇතිවන අපහසුතාව නිසා නින්දෙන් අවදිව පුටුවක වාඩි වී සිටීම හා අවදිව එහෙ මෙහ ඇවිදීමෙන් පසුව කොන්දේ වේදනාව මඟහැරී යයි. ඒ වගේම මෙම තත්ත්වය රාත්‍රියේදී පමණක් නොව දිවා කාලයේදී ද දැකගත හැකි වේ.
මෙසේ වේදනාවක් ඇති වන්නේ කුමන හේතුවක් නිසාද?
කොඳු ඇටපෙළ අස්ථිවලින් සැදි කුහරයක් වන අතර ස්නායු නාලය ඒ හරහා ගමන් කරයි. කුමන හේතුවක් නිසා හෝ මෙම කුහරයේ ඉඩකඩ ප්‍රමාණය වැඩිවිය නොහැකි වේ. නමුත් ගෙඩියක් හෝ විසබීජයක් නිසා යම් ඉදිමීමක් ඇති වූවොත් මේ ඉඩකඩ සීමාවීම නිසා එහි රුධිර සංසරණය හා පීඩනය විටින් විට වෙනස් වේ. අවාසනවාට මෙම රෝග ලක්ෂණ ආරම්භ කළ දින සිට කකුළක් හෝ අතක් පණ නැතිවන මට්ටම තෙක්ම මෙම රෝගය සොයා ගැනීම ප්‍රමාද විය හැකි වේ. ඒ නිසා නිතර ඔබ මෙවන් රෝග ලක්ෂණ පිළිබඳ දැනුවත් වීම හා ඒ පිළිබඳව පවුලේ වෛද්‍යවරයා සමඟ සාකච්ඡා කිරීම ද ඉතා අත්‍යවශ්‍ය වේ.
කොන්දේ කැක්කුමට අමතරව ඇතිවිය හැකි වෙනත් රෝග ලක්ෂණ මොනවාද?
ඔබගේ ශරීරයේ මෙම ස්නායු තෙරපීමක් ද සමඟ හිරි ගතියක් ද ඇතිවිය හැකියි. ඒ වගේම මෙම හිරිය ස්නායු නාලයේ තෙරපීම ඇතිවන ස්ථානයට පහළින් ඇති සියලු කොටස් එක මට්ටමට හිරි වැටීමට ලක් වේ. කොඳු ඇටපෙළේ වේදනාව සහ ශරීරයේ එක මට්ටමක් දක්වා ඇතිවන හිරිවැටීමට අමතරව හදිසියේ ඇතිවන මුත්‍රා කිරීම පාලනයට අපහසු වීම හෝ මුත්‍රා කිරිම ආරම්භ කිරීමට අපහසු වීම ද වැදගත් රෝග ලක්ෂණයක් බව ඔබ මතක තබා ගත යුතුයි. සාමාන්‍යනේ මුත්‍රා ආසාදන නිසාද මුත්‍රා කිරීම සම්බන්ධ විවිධ ගැටලු ඇතිවිය හැකි වුවත් කොන්දේ කැක්කුම හා හිරිගතිය සමඟ මුත්‍රා කිරීම ආශි‍්‍රත ඉහත රෝග ලක්ෂණ පෙන්නවා නම් ඒ පිළිබඳ විශේෂ සැලකිල්ලක් දැක්විය යුතුයි. ඉහත රෝග අවස්ථාවන්ට අමතරව පණ නැති ස්වභාවය ද මෙහි ඉතා වැදගත් ලක්ෂණයකි. උදාහරණ ලෙස ගල්මුල්වල කකුල පැටලීම, ඇවිදින විට කකුල ඇද ඇද යාමට සිදුවීම, සමබරතාව ගිලිහීම වැනි රෝග ලක්ෂණ ද ඉහත රෝග ලක්ෂණ සමඟ ඇති වේ නම් එම තත්ත්වය තවදුරටත් බලා නොසිට ප්‍රතිකාර කළ යුතු අවස්ථාවකි. කෙසේ වෙතත් මෙම රෝග ලක්ෂණ යටපත් වීමට නොදී වේදානා නාශක ලබා නොගෙන ඔබගේ පවුලේ වෛද්‍යවරයා සමඟ දිගින් දිගටම මේ පිළිබඳ සාකච්ඡා කළ යුතු වේ. එමඟින් රෝගියාව නිවැරදි ප්‍රතිකාර කරා රැගෙන යාමට පහසුවක් වේ.
මෙම රෝගය හඳුනා ගැනීම සඳහා සිදු කෙරෙන පරීක්ෂණ විධි කුමන ආකාරයද?
මේ තත්ත්වය හඳුනා ගැනීමට තිබෙන ප්‍රධාන පරීක්ෂණය ර්අධ් පරීක්ෂණයයි. මේ වනවිට ර්අධ් පරීක්ෂණ ලංකාවේ ඕනෑම රජයේ සහ පෞද්ගලික රෝහල් ආශ්‍රීතව සිදු කරගත ගත හැකියි. මෙමඟින් සිදුවන්නේ කොඳු ඇට පෙළ ආශි‍්‍රත පටක පිළිබඳ ඉතා හොඳ පින්තූරයක් ලබා ගැනීමයි. එහිදී රෝගියාට තවදුරටත් ප්‍රතිකාර ලබාගැනීමට අවශ්‍ය නම් වෙනත් වෛද්‍යවරයෙකුට ඉදිරිපත් කිරීමද අදාළ පර්යේෂණ වාර්තා ඉල්ලා සිටීමේ පූර්ණ අයිතිය හිමි වේ.
මෙහීදී සිදුවන ප්‍රතිකාර පිළිබඳ කතාබහ කළොත්?
ඒ වගේම බොහෝදෙනක් මෙම ර්අධ් පරීක්ෂණ නිසා විකිරණ ශරීරයට වදින බව සිතුවත් එහි කිසිදු සත්‍යතාවක් ඇත්තේ නැහැ. ඇතැම් ගෙඩිවල වර්ධනය ඖෂධ මඟින් පාලය කළ හැකියි. ඒ අතරම විසබීජයක් තිබේ නම් හෝ ගෙඩියක් තිබේ නම් එය නිවැරදිව පරීක්ෂා කර බැලීමට ඉන් කොටසක් පවා ලබා ගැනීමට සිදු ව්. මෙසේ ප්‍රතිකාර නොකර සිටීමෙන් ගෙඩියේ වර්ධනය වැඩිවී එය ඉවත් කිරිම අපහසු වීම හා ස්නායු හානිය වැඩිවිය හැකියි. ඇතැම් විට සුව වීමේ ඉඩකඩද අඩු වේ. ඒ වගේම තාක්ෂණයේ දියුණුවත් සමඟ නිශ්චිතව අදාළ රෝගී ස්ථානය නිවැරදිව හඳුනාගෙන ශල්‍යකර්ම ඉතා පරිස්සම් සහගතව සිදුකළ හැකියි. තාක්ෂණය දියුණු අවදියක කල්යල් බලා සිට රෝගය උත්සන්න වනතුරු සිටිනවාට වඩා ප්‍රතිකාර නොපමාව යෙදීම ඉතා වැදගත් වේ. අතීතයේදී මෙම ශල්‍යකර්ම පිළිබඳ බොහෝදෙනා අතර පැවතියේ දැඩි බියක්. අතීතයේ මේවාට ප්‍රතිකාර කිරීමට නොහැකි නිසා විදෙස් රටවලට යාමට අවශ්‍ය විය. නමුත් ස්නායු වෛද විද්‍යාවේ මේ වනවිට තාක්ෂණය අතින් යම් දියුණු මට්ටමකට පැමිණ තිබෙනවා. ලොව ඕනෑම රටකට සමානව ප්‍රතිකාර කිරීමේ හැකියාව මේ වනවිට ස්නායු වෛද්‍යවරුන්ට ලංකාව තුළ හැකි වී තිබෙනවා. ඒ නිසා ඔබට ඇති වී ඇති යම් රෝගයන් හඳුනා ගැනීම ඊට අදාළ පරීක්ෂණ කිරීම, සැකයක් තිබේ නම් වෙනත් වෛද්‍යවරයෙකු වෙත ගොස් කතාබහ කර යම් තීරණයක් ලබා ගැනීමෙන් පසුව රෝගයට සුදුසු ප්‍රතිකාර කිරීම ඉතා වැදගත්. එම ප්‍රතිකාර රජයේ පෞද්ගලික ඕනෑම රෝහලකින් ලබාගත හැකි අතර එම භයානක යැයි සැලකෙන රෝගවලින් වැළකී සිටීමට හා ජීවිත හානි අවම කර ගැනීමට හැකියාවක් ලැබේ.
ස්නායු ශල්‍ය විශේෂඥ වෛද්‍ය ප්‍රසන්න ගුණසේන
නුවන්ති කුලරත්න
උපුටා ගැනීම දිනමිණ
