බඩඉරිඟු කන්නේ බලාගෙනයි
කටට රසට ප්‍රනීත ආහාරයක්‌ වන බඩඉරිඟු කරල්වල අඩංගු විෂ ද්‍රව්‍ය ගැන දන්නේ කීයෙන් කීදෙනා දැයි සෞඛ්‍ය නිලධාරීහු විමසති. වගාව පක්‍ෂීන්ගෙන් හා කෘමි සතුන්ගෙන් ආරක්‍ෂා කර ගැනීමට ගොවීහු බඩඉරිඟු කරල්වලට ළපටි අවස්‌ථාවේදීම ශරීරයට ඉතා විෂ සහිත කෘමි නාශක යොදති. මිනිස්‌ පරිභෝජනයට ගන්නා එම විෂ කාරක ද්‍රව්‍ය බඩඉරිඟු කරල්වල අන්තර්ගතව පවතින බව එම නිලධාරීහු පෙන්වා දෙති. මේ තත්ත්වය ගැන කිසිත් නොදත් පාරිභෝගිකයෝ බඩඉරිඟු කරල් රස කරමින් ආහාරයට ගෙන අනාගතයේදී පිළිකා වැනි මාරාන්තික ලෙඩ රෝගවලට අවාසනාවන්ත ලෙස ගොදුරුවීමට මඟ සලසා ගනිති. එ නිසා ඉදිරියේදී බඩඉරිඟු මිලට ගන්නා විට දෙතුන් වරක්‌ සිතා බලන ලෙසට සෞඛ්‍ය නිලධාරීහු පාරිභෝගිකයන්ට අනතුරු අඟවති.
උපුටා ගැනීම දිවයින පුවත්පත
