අපේ වෙදැදුරු ආතරයිටිස්‌ සුවකළ හැක
වර්තමානයේ බහුලව සමාජගත වී තිඛෙන ආතරයිටිස්‌ රෝගය සුවකළ හැකිද යන්න බොහෝ දෙනකුට මතුවන ප්‍රධාන ප්‍රශ්නයකි. දණහිස, වැලමිට, උකුල් අස්‌ථිය, වළලුකර හා ඇඟිලි පුරුක්‌ වැනි ස්‌ථානවල ඇතිවන වේදනාව ඉදිමීම මේ ආතරයිටිස්‌ රෝගයේ ස්‌වභාවයකි. බටහිර වෛද්‍ය විද්‍යාවේදී ආතරයිටිස්‌ නමින් හැඳින්වෙන මෙම රෝගය, දේශීය වෙදකමට අනුව හඳුන්වන්නේ සන්ධිවාත යනුවෙනි. මෙම රෝගය මිනිස්‌ සිරුරට වැළඳීමේදී දෙයාකාරයක්‌ ගන්නා බව වෛද්‍ය විද්‍යාව පෙන්වා දෙන අතර ඔස්‌ටි්‍රයෝ සහ රුමැටොයිඩ් යනුවෙන් ඒවා නම්කර ඇත. මේ පිළිබඳ සොයා බැලීමට අපි දේශීය වෛද්‍යවරයකු සමඟ සම්බන්ධ වෙමින් හෙළ ඔසුවෙන් මීට නිසි ප්‍රතිකාරයක්‌ තිබේදැයි විමසුවෙමු.
බටහිර වෛද්‍ය විද්‍යාවේ දී ආතරයිටිස්‌ කියල හැඳින්වුවාට අපේ දේශීය වෙදකමේදී මේ තත්ත්වයට කියන්නේ සන්ධිවාත කියලා. පැහැදිලිවම දේශීය වෙදකමෙන් මේ තත්ත්වය සම්පූර්ණයෙන් සුවකළ හැකියි. අපි එහෙම කියන්නෙ අපේ පරම්පරාවල මේ රෝගයට නිසි ප්‍රතිකාර තිඛෙන නිසා. නමුත් මෙම සන්ධිවාත රෝගය වැළඬෙන හැම කෙනෙක්‌ම දේශීය වෙදකමට හා ප්‍රතිකාරවලට දක්‌වන අලසකම නිසා රෝගය සුවකර ගන්නවාට වඩා කරගන්නේ වර්ධනය කර ගැනීමක්‌. මම මෙහෙම කියන්නෙ මගෙන් ප්‍රතිකාර ගන්න ආපු බොහෝ රෝගීන්ගේ මානසික හා ශාරීරික ගැටලුවලට මුහුණ දීල ලබපු අත්දැකීම් නිසා. ඒ සෑම කෙනෙක්‌ම බටහිර වෛද්‍ය ප්‍රතිකාර අරගෙන අතරමං වෙලා තමයි අපේ ළඟට එන්නෙ. බටහිර වෛද්‍ය විද්‍යාවේදී ආතරයිටිස්‌ රෝගය වැළඳුන අයකුට ප්‍රතිකාර කිරීමේදී වැඩි අවධානයට යොමු කරන්නෙ වේදනාව සහ ඉඳිමුව කියන කාරණා දෙකයි. මෙතෙනදී සැබවින්ම වෛද්‍යවරයා වේදනාවට හා ඉදිමුවට ප්‍රතිකාර කළත් රෝග නිධානය ගැන අවධානයක්‌ නෑ.
ආතරයිටිස්‌ හෙවත් සන්ධිවාත රෝගවලට දේශීය ප්‍රතිකාරවලින් නොවරදින සුවයක්‌ ලබාදෙන ගම්පහ ජයවීර හෙළ වෙද මැඳුරේ වෛද්‍ය අනිල් වසන්ත කුමාර පිළිතුරු දෙමින් එසේ කීවේය. මිනිස්‌ සිරුරට වැළඬෙන බොහෝ රෝග අතරින් මෙම ආතරයිටිස්‌ හෙවත් සන්ධිවාත රෝගයට ගොදුරු වූවෝ බොහෝය. මෙම රෝගය තුළින් අප්‍රමාණ දුකක්‌, වේදනාවක්‌ විඳින බොහෝ රෝගීන් අපට කොතෙකුත් මුණගැසී ඇත. ඒ සෑම රෝගියකුම ප්‍රකාශ කළේ මේ සඳහා වේදනාවට වඩා මියයැම සැනසීමක්‌ බවය. පසුගිය දිනෙක මෙම ආතරයිටිස්‌ රෝගය වැළඳුණ කාන්තාවකගේ ස්‌වාමි පුරුෂයකු මා හා කතාවට එක්‌වෙමින් අපූරු කතාවක්‌ කීවේය.
මගේ නෝනට ආතරයිටිස්‌ රෝගය වැළඳිලා දැනට අවුරුදු ගානක්‌ වෙනවා. තරුණ වයස ඉක්‌ම යන්නත් කලින් තමයි මේ රෝගයට එයා ගොදුරු වුණේ. එදා ඉඳලා මම හැමතැනටම පෙන්නලා වෛද්‍ය ප්‍රතිකාර අරගෙන දුන්න. ඒත් කිසිම ගුණයක්‌ නම් ලැබුණේ නැහැ. දැනට මගේ බිරිඳ අතපය වකගැහිලා ඇවිදින්නෙත් බොහොම අමාරුවෙන්. මේ ලෝකෙන් මට බලාගෙන ඉන්න අපහසුම, වගේම වේදනාම දේ තමයි මගේ බිරිඳ දිහා බලාගෙන ඉඳීම. කොහොම වුණත් මම වෙළෙඳ ව්‍යාපාරිකයෙක්‌. මේ රෝගයෙන් මගේ බිරිඳ කවුරු හරි සුවකරල දෙනවනම් මගේ මේ මුළු සේසතම වියදම් කිරීමට මම සූදානම්.
මෙම සංවේදී කතාව ඇසීමෙන් මටද දැනුණේ අසීමිත දුකක්‌ සහ සංවේගයක්‌. වුවත් දේශීය ප්‍රතිකාරවල ඇති ගුණාත්මක භාවය බොහෝ වෙදදුරුවරුන්ගේ ඇසුරින් තරමක්‌ දුරට මමද දැනසිටි හෙයින් මෙහි ඇති වටිනාකම සහ බලවත් බව පෙන්වා දෙමින් වහා දේශීය වෙදදුරුවරයකුට පෙන්වන්න යෑයි උපදෙස්‌ දුන්නෙමි. අනිල් වසන්ත වෙදදුරුට මම මේ දුක්‌මුසු කතාන්දරය කීවෙමි. සියල්ල සාවදානව අසා සිටි ඔහු කීවේ කුමන තත්ත්වයක තිබුණත් තමාගේ එදිනෙදා කාර්යයන් තමාටම කරගැනීමට හැකිවනසේ ප්‍රතිකාරයක්‌ කිරීමට තම පරපුරේ ඖෂධ ඉතාමත් ප්‍රත්‍යක්‍ෂ බවය.
ඔස්‌ටියෝ ආතරයිටිස්‌ හා රුමැටොයිඩ් ආතරයිටිස්‌ කියන මේ සන්ධිවාත දෙක වෙන වෙනම කෙටියෙන් පැහැදිලි කළොත්. මෙම රෝගයෙහි ඇති අනතුරුදායක පැත්ත ගැන පවසමින් මම තවත් ප්‍රශ්නයක්‌ ඇසීමි. ඔස්‌ටි්‍රයෝ ආතරයිටිස්‌ නමින් හැඳින්වෙන සන්ධිවාත රෝගය වැළඳීමේදී විශේෂයෙන් සිදුවන්නේ සන්ධි ගෙවීම, දියවීම, මොලොක්‌ වීම, ඉදිමීම, අධික වේදනාව, කිසියම් උසක්‌ නැගීමට අපහසුවීම, බිම සිට ගැනීමට අපහසු වීම වගේම සන්ධිවල ශබ්ද නිකුත්වීම. සරලව කියනවා නම් මෙම රෝගය උපරිම තත්ත්වයට පත්වුණාම උකුල්ඇට බද්ධකිරීම, දනහිස්‌ පොල්කටු බද්ධකිරීම වගේ ශල්‍යකර්ම පවා කිරීමට සිදුවෙනවා. කොටින්ම ප්‍රධාන සන්ධි ආශ්‍රිතව තමයි මේ ඔස්‌ටි්‍රයෝ ආතරයිටිස්‌ වැළඬෙන්නෙ. "එතකොට මේ රුමැටොයිඩ් ආතරයිටිස්‌ කියන්නේ". විශේෂයෙන් රුමැටික්‌ උණත් එක්‌ක එන රෝගයක්‌ මේක. මෙතෙනදී රෝගියා නිතරම අපහසුතාවෙන් තමයි ඉන්නෙ. කුඩා කුඩා සන්ධි අකර්මණ්‍ය කරන මෙම රෝගය වැළඳුණාම ඇල් ජලය අගුණවීම, උණ ගතිය ඇතිවීම, වැසි කාලවලදී රෝගය වර්ධනය වීම වගේ කුඩා කුඩා සන්ධි ඉදිමී, අවසානයේ ඇවිදීමට පවා අපහසු වී කොරවීම් වැනි තත්ත්වයට දරුණු වෙනවාල.
මෙවැනි රෝගී තත්ත්වයන් උත්සන්න වූ අයට ඔබගේ ප්‍රතිකාර තුළින් පිළියමක්‌ ලබාදීමේ හැකියාවක්‌ තිඛෙනවාද?
'මම මේ සියලුම කරුණු අවධාරණය කළේ පැහැදිලිවම මෙම දෙයාකාරයටම අපි ළඟ ඖෂධ තියෙන නිසා. ඒ කියන්නේ මෙම සන්ධිවාත රෝගය උත්සන්න වෙලා කොර තත්ත්වයට ආවත් සුවකළ හැකියි කියන එකද? මම යළිත් වරක්‌ ප්‍රශ්නයක්‌ ඇසීමි. මම මෙතෙනදී එවැනි රෝගියකු මුළුමණින්ම සුවකර දෙනවා කියන්නෙ නැහැ. නමුත් තමන්ගේ මූලික කාර්යයන් ටික තමන්ටම කරගැනීමට හැකිවන අයුරින් සුවකර දෙනවා.
විමලසිරි අගලකඩ
උපුටා ගැනීම දිවයින පුවත් පත
