රන්කිරි දරු පැටියාටමයි

මවකට මව්කිරි නිපදවීම සඳහා දිනකට අමතර කැලරි 700 පමණ වැය වෙනවා. එනිසා කිරි දෙන මවක් නම් මේ කැලරි ප්‍රමාණය අමතරව ඇය ආහාරයෙන් ලබා ගත යූතුයි. හැබැයි මව කුමන ආකාරයෙන් ආහාර වේලක් ගත්තත් දරුවාට ලැබෙන කිරි වල පෝෂණය නම් වෙනස් වෙන්නේ නැහැ. ඉතාම අධික මන්ද පෝෂණයෙන් පෙළෙන මවක් නම් පමණක් ආහාරය මත මව්කිරි වල පෝෂණය වෙනස් විය හැකියි. පූංචි පැටියා කුසේ ඉන්න කාලේ ඉඳලාම මව්කිරි දෙන්න ලැහැස්ති වෙන්න ඕනේ. ඒ සඳහා මනස හොඳින් හදාගන්න ඕනේ. එහෙම තමයි වෛද්‍යවරු උපදෙස් ලබා දෙන්නේ. ඒක එහෙමම තමයි මවගේ මනසේ නිරවූල්තාවය මව්කිරි හොඳින් පූංචි පැටියාට ලබා දෙන්නට හොඳ පිටිවහලක් වෙනවා. ඒ නිසා පූංචි පැටියා කුසේ ඉන්න කාලේ ඉඳලාම මව්කිරි ලබා දීම පිළිබඳව මව අවබෝධයෙන් සිටීම හරිම වැදගත් වෙනවා.

මව්කිරි යනූ ළදරුවාට ලබාදිය හැකි ඉහළම ආහාරය බව දැනටමත් ඔබ දන්නවා. එහි ළදරුවාට අවශ්‍ය ජලය, පෝෂණය වගේම ප්‍රතිශක්තියත් අන්තර්ගත වෙනවා. එදා අපේ ආච්චිලා අත්තම්මලා ළදරුවාට රන්කිරි කට ගෑම පිළිබඳව ඔබ අහලා ඇති. අදටත් ඇතැම් නිවෙස්වල ළදරුවාට රන්කිරි කට ගෑමේ සිරිත තිබෙනවා. මෙහි විද්‍යාත්මක සත්‍යතාවයක් නොවූවත් මව්කිරි රන් තරමටම වටිනා බවක් ඔවූන් එදා දෑන සිටි බවක් නම් හැඟෙනවා. මවූකිරි සමග රන් එකට මිශ්‍ර කළේ ඒ නිසා බව වටහා ගන්නට පූළුවන්. අපට මෙහිදී විශේෂයෙන් ගත හැකි දෙයක් නම් මවූකිරි රන් තරමටම වටිනා බවයි. මව්කිරි සමග විශේෂයෙන් රන් කට ගෑම අවශ්‍ය නැත. මව්කිරි රන්කිරි යැයි හඳුන්වා දීමට පූළුවන.

මේ තරම් වටින මව්කිරි ලබා දීමට මවගේ පෝෂණය කෙසේදෑයි ඇතැම් විට ඔබට ගැටලුවක් මතු වෙනවා වන්නට පූළුවන්. මවකට මව්කිරි නිපදවීම සඳහා දිනකට අමතර කැලරි 700 පමණ වැය වෙනවා. එනිසා කිරි දෙන මවක් නම් මේ කැලරි ප්‍රමාණය අමතරව ඇය ආහාරයෙන් ලබා ගත යූතුයි හැබැයි මව කුමන ආකාරයෙන් ආහාරවේලක් ගත්තත් දරුවාට ලැබෙන කිරිවල පෝෂණය නම් වෙනස් වෙන්නේ නැහැ. ඉතාම අධික මන්ද පෝෂණයෙන් පෙළෙන මවක් නම් පමණක් ආහාරය මත මව්කිරිවල පෝෂණය වෙනස් විය හැකියි. සාමාන්‍යයෙන් සිදුවන්නේ ඔබ සිරුරේ ගබඩා වී ඇති මේද, ප්‍රෝටීන, මව්කිරි නිෂ්පාදනය සඳහා භාවිත වීමයි. එනිසා ඔබ නිවැරදි ප්‍රමාණයේ ආහාරයක් ලබා ගත්තේ නැතත් මව්කිරිවල සංයූතියේ වෙනසක් නොවී පවත්වා ගැනීමට හැකියාව ලැබෙනවා. ඒත් ඔබ ඔබේ සිරුරේ ආහාර සංචිතවලට හානියක් කර නොගෙන මව්කිරි දීමට නම් දිනකට අමතර කැලරි ප්‍රමාණයනක් සිරුරට එකතු කර ගැනීම වැදගත්.

ඒ සඳහා ඉතා වියදම් අධික ආහාර වේලක් ගත යූතු නැහැ. අපේ ආච්චිලා, අත්තම්මලා දරුවන්ට කිරි දුන්නේ අල බතල කොස් දෙල් කාලා බව අපි අහලා තියෙනවා. අපි අපේ දරුවන්ට පිටි කිරි දුන්නේ නැහැ. හොඳට ගමේ ගොඩේ වැවෙන කෑම කාලා තමයි අපි කිරි දුන්නේ කියලා තියනවා අපි අහලා තියෙනවා. ඇත්තෙන්ම ඒ කතාව ඇත්ත. අපේ අවට පරිසරයෙන් ලබා ගන්න සාමාන්‍ය ආහාරවලට අමතරව කුඩා මාළු, කරවල, හාල්මැස්සන්, සෝයා, බිත්තර, කොළ ජාති ගමේ ගොඩේ වැවෙන පලතුරු ටිකක් වැඩිපූර ආහාරයට එක් කර ගැනීම ප්‍රමාණවත්. ඒ වගේම සායනයෙන් ලබා දෙන කැල්සියම් පෙති යකඩ පෙති ෆෝලික් ඇසිඩ් ආදිය නොකඩවා භාවිත කිරීමට වගබලා ගත යූතුයි. අනිත් වැදගත් කරුණ කිරි දෙන මවක් නිතරම වැඩිපූර ජලය පානය කිරීමට වගබලා ගැනීම. කිරිදෙන මවක් කියලා අනවශ්‍ය ලෙසින් මූදල් විය පැහැදම් කරමින් ආහාර ලබා ගැනීම නම් තේරුමක් නැහැ. අපේ රටෙි සූලබව ඇති පහසූවෙන් අඩූ මූදලට ලබා ගත හැකි ආහාර වල පෝෂණ ගුණය ඉහළයි. අපි කිරි දෙනවා සල්ලි නැති නිසා හොඳ ආහාරයක් කන්න විදිහක් නෑනේ කියලා හිත නරක් කර ගන්නට එපා. ගමේ ගොඩේ පහසූවෙන් වැවෙන ආහාරවල පෝෂණ ගුණය හරිම ඉහළයි.

වෛද්‍ය මහින්ද වික්‍රමආරච්චි ළමා රෝහල - බොරැල්ල