බබෙක් ලැබෙන්න ඉන්නකොට රුධිර පීඩනය පරික්ෂා කරගැනීම හරිම වැදගත්
ගැබිණි බව නිසා ඇතිවන තවත් රුධිර පීඩන තත්ත්වයක් තමයි ප්‍රි එක්ලැම්සියා කියලා කියන්නේ. එය නිවැරදිව හඳුනාගැනීම ඉතාම වැදගත්. රුධිර පීඩනය පරීක්ෂා කිරීමෙන් හා මූත්‍රා පරික්ෂාව මගින් මෙය බොහෝ විට නිවැරදිව හඳුනාගත හැකියි. එය නිවැරදිව හඳුනාගැනීම වැදගත් වන්නේ මේ තත්ත්වය නිසා ශරීරයේ වකුගඩූ, අක්මාව, හෘදය, මොළය, ඇස්, පෙනහළු, වැනි ඉන්ද්‍රියන්ට හානි ඇතිවන්නට හැකියාව ඇති නිසයි. මවට වගේම මේ තත්ත්වය නිසා කුස සිටින දරුවාටත් විවිධ බලපෑම් ඇතිවිය හැකියි. ඇතැම් විට බබා මිය යන්නට පවා පූළුවන්. ඒ නිසායි ප්‍රිි එක්ලැම්සියා තත්ත්වය භයානක බව පැවසූවේ. ඒ නිසා මවූවරු ඉතාම හොඳින් දෑනගෙන සිටිය යූතුයි තමන්ගේ රුධිර පීඩනය මැනීම කොතරම් වැදගත් ද යන්න.
ඇතැම් මව්වරු හිතනවා රුධිර පීඩනය පරික්ෂා කිරීම අවශ්‍ය නැහැ "ඕක හැදුනොත් ඔළුවේ කැක්කුම එහෙම එනවනේ" කියලා. නමූත් එය ඉතාම වැරදි අදහසක්. අපි සායනවලදී මවූවරුන්ගේ රුධිර පීඩනය පරික්ෂා කරනකොට ඇතැම් අයගේ රුධිර පීඩනයේ පහළ අගය 110 වෙලා තියෙනවා. නමූත් මෙය තියෙන්න ඕන 90 ට අඩූවෙන්. ඒ තරමට වැඩිවූණා කියලා ඔවූන්ට කිසිම අමාරුවකුත් නැහැ. ඒ නිසා රෝග ලක්ෂණ ඇතිවෙනකම් කියලා බලා නොඉඳ රුධිර පීඩනය මැන ගැනීම ඉතාම වැදගත්. එවිට තව කෙනෙක් හිතන්න පූළුවන් මෙය දිනපතාම පරික්ෂා කළ යූතුයි නේද කියලා. එය අවශ්‍ය වන්නේ නැහැ. මන්ද මෙය වැඩි වන්නේ ක්‍රමයෙන්. අද 80, සතියකින් 85, ඊළඟ සතියේ 90 යි, ආදී වශයෙන් කලාතුරකින් කෙනෙකුට එක්වරම වැඩි වන්නට පූළුවන්. නමූත් එය සාමාන්‍ය තත්ත්වය නොවෙයි. ඒ නිසා ගැබිණි සමයේ මූල් සති 26 මාසයකට වතාවක්, ඉන්පසූ සති 2 වරක්, ඉන්පසූව සතියකට වරක් ලෙස රුධිර පීඩනය පරික්ෂා කරගැනීම ඉතාම වැදගත්. තවත් කාරණයක් තමයි, තමන්ගේ පවූලේ ඉතිහාසයේ, තම මවට හෝ සොහොයූරියකට දරු ප්‍රසූතියකට සූදානම් වූ විට අධි රුධිර පීඩනය ඇති වී තිබෙනවා නම් හෝ තමන්ට පෙර දරු ප්‍රසූතිවලදී රුධිර පීඩනය වැඩි වී තිබෙනවා නම් එවැනි අය වෙනත් අයට වඩා සැළකිල්ලෙන් රුධිර පීඩනය පරික්ෂා කරවාගත යූතුයි. නමූත් අප සාකච්ඡා කළ ප්‍රි එක්ලැම්සියා තත්ත්වය පළමූ වතාවේ ඇතිවූ විට අවධානම වැඩියි. දෙවැනි, තුන්වැනි වතාවල ඇති නොවනවා කියන එක නෙමෙයි එහි අදහස. ඒ නිසායි රුධිර පීඩනය, හා මූත්‍රාවල ඇල්බියූමින් පරීක්ෂාව ඉතාම වැදගත් වන්නේ.
අපි දිගින් දිගටම සාකච්ඡා කළා මූත්‍රා පරීක්ෂණවල වැදගත්කම. මූත්‍රාවල ඇල්බියූමින් තිබීම මගින් ප්‍රි එක්ලැම්සියා යනූවෙන් හැඳින්වෙන රුධිර පීඩන තත්ත්වය හඳුනා ගැනීමට එය උපකාරවන බවත් පැවසූවා. නමූත් සායනයේදී මූත්‍රා පරීක්ෂා කරලා එහි ඇල්බියූමින් තිබෙනවායැයි කිවූ පමණින් එයට බියවිය යූතු නැහැ. එහිදී තේරුම් ගත යූතු කරුණක් තියෙනවා. මූත්‍රාවල ඇල්බියූමින් තිබීම නිතරම සිදුවන්නට පූළුවන්. එයට හේතු කිහිපයක්ද තියෙනවා. එකක් තමයි අපි කතා කළ ප්‍ර්‍රි එක්ලැම්සියා තත්ත්වය. තව එකක් මූත්‍රා ආසාදන. තවත් අවස්ථාවක් තමයි කිසිම හේතුවක් නැතිව තමන්ට තියෙන සූද යෑම වැනි යෝනි මාර්ගික ශ්‍රාවයක් මූත්‍රා සමග එකතු වීම, ඒ නිසා ඇල්බියූමින් පරීක්ෂාවට මූත්‍රා සාම්පල ලබා දීමේදී ඉතාමත් සැළකිලිමත් විය යූතුයි. මූත්‍රා ලබා ගැනීමට පෙර මූත්‍රා මාර්ගය හා ආශ්‍රිත ප්‍රදේශය හොඳින් සෝදා පිරිසිදු කරගත යූතුයි. නැතිනම් ඒ ආශ්‍රිත ප්‍රදේශවල ඇති විවිධ ශ්‍රාවයන් මූත්‍රා සමග එකතු වීම නිසා ඒවා මගින් මූත්‍රාවල ඇල්බියූමින් ඇති බවට වාර්තා වෙන්නට පූළුවන්.
තවත් කාරණයක් තමයි මූත්‍රා එකතු කර ගැනීමේදී මූත්‍රාවල මූල කොටසත්, අග කොටසත් හැර මැදින් මූත්‍රා එකතු කර ගැනීම කෙරෙහිද සැළකිලිමත් විය යූතුයි. මේ ආකාරයට, මූත්‍රා එකතු කර ගැනීම මගින් නිවැරදිව මූත්‍රාවල ඇල්බියූමින් තිබේදෑයි පරීක්ෂා කර ගත හැකියි.
