දරුවෙක් කුස පිළිසිඳගත් මවක් නම්
දැන් ඔබ, දරුවෙක් කුස පිළිසිඳගත් මවක්. මේ කාලයේදී ඔබ අනවශ්‍ය ලෙස මහන්සිවීම නම් එතරම් හොඳ නැහැ. අනවශ්‍ය මහන්සියෙන් වළකිනවා වගේම, විවේකයත් ගැබිණි මවකට අවශ්‍යයි. එහෙත් ඇඳ විවේකය අවශ්‍ය නැහැ. ඒවගේමයි යහපත් මානසික තත්ත්වයක් පවත්වා ගැනීමත් ඉතාම වැදගත්. ඒ සඳහා පවූලේ අන් සාමාජිකයන්ගේ විශේෂයෙන්ම සැමියාගේ උපකාරය අවශ්‍ය වෙනවා.
ගැබිණි මවකට මූල් මාස කිහිපයේ විවිධ අපහසූතාවලට මූහූණ දීමට සිදුවෙනවා. ඉන් ප්‍රධානම කාරණය වමනය යාමයි. මෙය එතරම් බරපතල ලෙස සැළකිය යූතු තත්ත්වයක් නොවෙයි. වමනය, කටට කෙළ උනන ස්වභාවය, උදාසීන බව වැනි තත්ත්වයන් ඒ තරම් සැළකිල්ලට ගත යූතු නැහැ. නමූත් අධිකව පවතින වමනය හෝ වමනය සමග ලේ යාමක් ගැන නම් සැළකිලිමත් විය යූතුයි.
මේ තත්ත්වය වෙනත් රෝගී අවස්ථා නිසා ඇතිවීමටත් පූළුවන්. ඒ නිසා වෛද්‍යවරයෙකු වෙත ගොස් වෛද්‍ය උපදෙස් ලබා ගැනීම ඉතාම වැදගත්.
මේ කාරණාවලට අමතරව ගැබිණි මවූවරුන්ට තවත් ප්‍රශ්න ඇතිවෙනවා. සාමාන්‍ය බඩේ කැක්කුම, ක්ලාන්තය මේ අතර තියෙනවා. ක්ලාන්තය ඇතිවන විවිධ හේතූන් තියෙනවා. කෑම ගැනීම අඩූකම නිසා ක්ලාන්තය හැදෙන්න පූළුවන්. නැත්නම් වමනය යාම වැනි තත්ත්වයන් තියෙන නිසා ක්ලාන්තය හැදෙන්න පූළුවන්. අපි කිව්වනේ බඩේ කැක්කුමක් ඇති වෙනවා කියලා. ගර්භාෂයේ ප්‍රසාරණය වීම නිසා ඇතැම් විට මේ කැක්කුම ඇතිවෙන්න පූළුවන්.
නමූත් බඩේ කැක්කුමත් සමගම ක්ලාන්තය ඇතිවෙනවා නම් එය විශේෂ හේතුවක් නිසා වෙන්න පූළුවන්. ඒ අතර එප්ටොපික් ප්‍රෙග්නන්සි කියන තත්ත්වය තියෙන්න පූළුවන්. එප්ටොපික් ප්‍රෙග්නන්සි කියන්නේ ගර්භාෂයෙන් පිටත දරු පිළිසිඳ ගැනීමක් සිදුවීම. ගර්භාෂයෙන් පිටත දරු පිළිසිඳ ගැනීම් සිදුවිය හැකි ස්ථාන ගණනාවක් තියෙනවා. ගර්භාෂ නාල හෙවත් පැලෝපීය නාලවල දරුවෙක් හැදෙන්න පූළුවන්. ඩිම්බ කෝෂයේ, ශ්‍රෝණි මේඛලාව ඇතුලේ, ශ්‍රෝණිය ඇතුලේ වූවත් දරුවෙක් හැදෙන්න පූළුවන්. මේ වගේ තැනක දරු පිළිසිඳ ගැනීමක් සිදුවූණා කියලා මූල් කාලයේ වෙනසක් දැනෙන්නේ නෑ. සාමාන්‍ය ගැබ් ගැනීමක් හා සමානවම කාන්තාවගේ මාස් ශුද්ධිය නතර වෙනවා, මූත්‍රා පරීකෂණයක් කළ විට, බොහෝ වේලාවට එහි ප්‍රතිඵලයන් ගර්භනී තත්ත්වයක් බව ප්‍රකාශ වෙනවා. ඒ කියන්නේ දරු පිළිසිඳ ගැනීමක් බව තහවූරු කරනවා. තවත් වමනය යාම වගේ ගැබිණි මවකට මූල් කාලයේ ඇතිවන තත්ත්වයනූත් ඇති වෙන්නට පූළුවන්.
අපි හිතමූ මේ පිළිසිඳ ගැනීම සිදුවූණේ ගර්භාෂ නාලයක කියලා. ඒ වගේ අවස්ථාවකදී එවැනි තැනක බබාට හැදෙන්න ඉඩක් නෑ. බබා ටික ටික වර්ධනය වෙන කොට නාලය ප්‍රසාරණය වෙනවා. එතකොට කැක්කුමක් එනවා. සමහර විට මේ නාලය ප්‍රසාරණය වෙලා එක්වරම සූළුවෙන් ලේ යාමක් සිදුවෙන්න පූළුවන්. මෙම ලේ යාම ඇති වෙන්නේ උදර කුහරය ඇතුළටයි. ඒ විදියට ලේ යාමක් පටන් ගත්තොත් ඒ හැම වෙලාවෙම කැක්කුමකුත් සමග ක්ලාන්තය ඇති වෙනවා.
හොඳින් මතක තබාගන්න ඕන කාරණයක් තමයි මේ ලේ යාම සිදුවන්නේ පිටතට නෙමෙයි, උදර කුහරය ඇතුළටයි. සමහර කෙනෙකුගේ කලාතුරකින් අවස්ථාවක සූළු ලේ යාමක් පිටතින් දකින්න පූළුවන්. ඒ නිසා මේක බොහොම භයානක තත්ත්වයක්. හේතුව මේ තත්ත්වයට ඉතාම ඉක්මණින් ප්‍රතිකාර නොකළොත් මවගේ ජීවිතය පවා අවදානම් තත්ත්වයකට පැමිණෙන්න පූළුවන්. මෙවැනි තත්ත්වයන් නිසා ජීවිත හානි වූ අවස්ථා තියෙනවා. කොළඹ අවට ඉතාම හොඳ වෛද්‍ය පහසූකම් තියෙන ප්‍රදේශවලත් මෙවැනි තත්ත්වයන් වාර්තා වෙලා තියෙනවා. ඉතින් සාමාන්‍ය කෙනෙකුට මේ තත්ත්වය හඳුනාගන්න අපහසූයි. ඔසප්වීම නැවතුණූ, මූත්‍රා පරීකෂණයක් මගින් පිළිසිඳ ගැනීමක් බව තහවූරු කරගත් කෙනෙකුට සූළු ලේ යාමක් තියෙනවා වූවත් වෛද්‍යවරයෙක් වෙතට වහාම යායූතුයි. සාමාන්‍යයෙන් විශාල වශයෙන් ලේ යාමක් දකින්න ලැබෙන්නේ ගබ්සාවකදීයි. නමූත් ගර්භාෂයෙන් පිටත පිළිසිඳ ගැනීම්වලදී ගබ්සාවක් සිදුවෙනවාට වඩා ඉතාම අඩූවෙන් ලේ යාමක් සිදුවන්නේ. ඇතැම් අය හිතනවා සූළු ප්‍රමාණයක් නිසා වෛද්‍ය ප්‍රතිකාර අවශ්‍ය නැහැ කියලා. නමූත් එය සම්පූර්ණයෙන්ම වැරදි අදහසක්. ඒ වගේම කැක්කුමක් තියෙනවා නම් ඒ සමග ක්ලාන්තය ඇති වෙනවා නම් ප්‍රතිකාර සඳහා යොමූ විය යූතුුමයි.
ඇතැම් අවස්ථාවලදී නම් වෛද්‍යවරයෙක් වෙතට නිරායාසයෙන්ම යාමට සිදුවෙනවා. මේ නාලය එකවරම පූපූරා ගිහින් විශාල වශයෙන් උදරය තුළට ලේ ගලායාමක් සිදුවෙනවා. ඒ අවස්ථාවේදී ඉවසන්න බැරි කැක්කුමක් දැනෙනවා. හූස්ම ගැනීමේ අපහසූතාවක් ඇතිවීමට පූළුවන්. උදරයට අත තියන්නවත් බැරි තරම් වේදනාවක් ඇතිවෙනවා. ඒ සමගම ක්ලාන්තයත් ඇති වෙනවා. මෙවැනි අවස්ථාවකදී නම් ඔබ නිරායාසයෙන්ම වෛද්‍යවරයෙක් කරා යනවා ඇති.
නමූත් මේ තරම් බැරෑරුම් අවස්ථාවකට එන්න කලින් ඔබට මේ තත්ත්වය වෛද්‍යවරයෙක් වෙතින් දැනගත හැකියි. මේ සඳහා විවිධ ක්‍රම භාවිත කෙරෙනවා.
