තුන්වැනි බබා හදන අම්මලාට

තුන්වැනි දරු ප්‍රසූතියක් සඳහා සූදානම් වන මවක් විශේෂයෙන්ම සැලකිලිමත් විය යුතු කාරණා බොහෝමයක් තිබෙනවා. හිතුමතේට තුන්වැනි දරුවෙක් ගැන හිතන්න බැහැ. දරුවෙක් ගැන හිතන විට ඒ කියන්නේ විශේෂයෙන් තුන්වැනි දරුවෙක් ගැන හිතද්දී, කොච්චර කාලෙකට පස්සෙද, තුන්වැනි දරුවෙක් ගැන හිතන්නේ ඇයි කියන ප්‍රශ්න ගැන සලකා බලන්න වෙනවා. මෙහිදී මවගේ වයස ඉතාම වැදගත්. ඒ වගේම දරුවන් අතර වයස් පරතරය මේ කාලය තුළ මවට අලුතින් රෝග සෑදුණාද, මව අධික ලෙස තරබාරු වෙලාද, බෝ නොවන රෝග එනම් අධික රුධිර පීඩනය, දියවැඩියාව වැනි රෝග තිබෙනවද කියා සලකා බැලිය යුතුයි. ඒ වගේම පළමු දරු ප්‍රසූති දෙකේදීම මවට යම් සංකූලතා මතු වුණාද කියා විමසා බලන්න සිදු වෙනවා. දරු ප්‍රසූතියේදී රුධිර වහනය වැඩිද, අඩු මාසෙන් දරුවන් ලැබුණද, අඩු බර දරුවන් ලැබුණද කියන කරුණු සලකා බැලිය යුතුයි. මීට පෙර දරුවන් බිහිකළ ආකාරයත් ඉතාම වැදගත්. සිසේරියන් සැත්කම් දෙකකින් මුල් දරු ප්‍රසූතින් දෙක සිදුවුණා නම් තුන්වැනි දරු ප්‍රසූතියේදී වැදෑමහ ආශි්‍රත සංකූලතා මතුවනවා. ඒ වගේම පුතාලම දෙදෙනෙක් හෝ දුවලම දෙදෙනෙක් ඉන්නවා නම් තුන්වැනි දරු ප්‍රසූතියෙන් විරුද්ධ ලිංගික දරුවකු අපේක්ෂා කරනවා. නමුත් එය එතරම් සාර්ථක නැහැ. එහි විද්‍යාත්මක ක්‍රමවේදයක් නැහැ. මොනම හේතුවක් මත හෝ තුන්වැනි දරුවකු බිහිකරනවා නම් ඉහත කරුණු ගැන සලකා බලන්න. මවගේ වයස, මවට දියවැඩියාව, අධික රුධිර පීඩනය තිබේද ආදිය විමසා බැලීම ඉතාම වැදගත්. ඒ වගේම වර්ණ දේහ ආශි්‍රත ගැටලු තියෙනවද කියලත් විමසා බලන්න. වඩාත්ම සුදුසු දේ විදියට තුන්වැනි දරුවෙක් හදන්න කලින් විශේෂඥ වෛද්‍යවරයෙක් මුණ ගැසීම සුදුසු බව පෙන්වා දෙන්න පුළුවන්. ඒ වගේම විවාහ වුණු අලුතම දරුවන් කී දෙනෙක් බිහිකරනවද කියා සැලසුම් කරන්න. එය වඩාත් පහසුයි.

ප්‍රසව හා නාරි විශේෂඥ වෛද්‍ය නීලන් කේ. රුද්‍රිගුහංසි ආටිගලමව්බිම