ප්‍රතිකාර හරියට කරනවානම් දරු සුරතල් බලන්න බාධාවක්‌ නෑ
සාමාන්‍යයෙන් මහා රෝග 8 ක්‌ තියෙනවනේ. වාත ව්‍යාදි, අශ්මරි, ප්‍රමේහ, කුෂ්ට රෝග. බගන්දරා, අර්ශස්‌, උදර රෝග වගේම ග්‍රහනි රෝග. මේ රෝග ගත්තහම ඒවායෙත් තවත් රෝග රැසක්‌ තියෙනවා. අපි විශේෂයෙන් කතා කළොත් වාත ව්‍යාධි ගැන. එවැනි රෝග 80 ක්‌ විතර තියෙනවා. ඉතිං මේ එක එක රෝග වලට මම ප්‍රතිකාර කරනව පරපුරේ තියෙන ඖෂධ වට්‌ටෝරු ආශ්‍රයෙන්. අනෙක්‌ ප්‍රධාන රෝගයක්‌ තමයි අශ්මරි කියන්නෙ. මෙම රෝගයේදී පිත්තාශයේ ගල් ඇතිවීම වගේම මුත්‍රාශයේ ගල් ඇති වීමත් ඇති වෙන්න පුළුවන්. ඒවගේම තමයි ප්‍රමේහ රෝග. මෙම රෝග 20 ක්‌ විතර තියෙනවා. මේකෙදී වාතගත රෝග වගේම දියවැඩියා රෝගය හඳුන්වන්න පුළුවන්. තවත් එකක්‌ තමයි කුෂ්ට රෝග. මේ රෝග වර්ග 18 ක්‌ තියෙනවා. පොතු කබර සහ සුදු කබරත් මෙම රෝග ගණයට අයත් වෙනවා. බගන්දරා කියන රෝග විශේෂය හරිම සංකීර්ණයි. මෙතෙන්දී රෝගියා වගේම වෛද්‍යවරයාත් ඉතාමත් සැලකිලිමත් වියයුතු කාරණක්‌. මේ ගෙඩි විශේෂය හැදෙන්නෙ මළ මාර්ගයත් ලිංග මාර්ගයත් අතර තිඛෙන පොඩි ඉඩකඩ ප්‍රදේශයේ. බොහෝ විට මෙයට නිවැරැදි ප්‍රතිකාරයක්‌ නොලැබුණොත් වෙන්නේ මළ පහ කරන විට මෙම ගෙඩියට ඇතුළු වෙලා බරපතළ තත්ත්වයක්‌ හට ගන්න එක. අනෙක්‌ කරුණ තමයි අර්ශස්‌ රෝග, උදර රෝග වගේම ග්‍රහනි රෝග. මේවටත් ප්‍රතිකාර කිරීමේදී ඉතාමත් කල්පනාකාරීව නොකළොත් රෝගියා දැඩි අපහසුතාවකට පත්වෙන එක වළක්‌වන්න බැහැ. රුවන් සාගර වෙදැදුරු මේ සියලු රෝගයන්ට එකම ආයතනයකදී ප්‍රතිකාර කරන්නේ ඉතාමත් සුපරික්‍ෂාකාරී වීමෙන් පසුවය. පරපුරෙන් පැවත එන නාඩි ශාස්‌ත්‍රය බොහෝ රෝග හඳුනා ගැනීමට යොදා ගන්නා ඔහු පරපුරේම ඖෂධ ප්‍රතිකාර සඳහා යොදා ගන්නේය. පැරැණි රජ දවස සිට පැවත එන වෙද පරපුරක පැරැණි ඖෂධ ක්‍රමවේදයන් වැරදීමට කිසිම ඉඩක්‌ නැත. එමෙන්ම පෙර පුරුද්ද, දැක පුරුද්ද කළ පුරුද්ද හා පලපුරුද්ද තුළින් කරන ප්‍රතිකාරය ද වරදින්නට කිසිසේත්ම අවකාශයක්‌ නැත. රුවන් සාගර වෙදැදුරු මෙවැනිම අසරණ වූ තවත් තරුණ පිරිසකට කළ ප්‍රතිකාර අද වන තුරු වැරදුණේ නැත. ඒ දරුවන් නැති අඹු සැමියන්ට දරු සම්පත ලබාදීමය. මා එහි ගිය අවස්‌ථාවක එවැනි එක්‌ කාන්තාවක්‌ මට මුණ ගැහුණේ වෙදැදුරුගේ ප්‍රතිකාරයන්ගෙන් සාර්ථක ප්‍රතිඵල ලබා තිබූ මොහොතකය. මෙහෙමයි මට මෙතෙන්දි එතරම් කියන්න දෙයක්‌ නැහැ. මම උගත් දෙයින් ප්‍රයෝජනයක්‌ ගත්ත. ඒකෙ ගෞරවය හිමිවිය යුත්තේ මට නොවෙයි මගේ පරම්පරාවට සහ පරම්පරාවෙ ඖෂධ සංයෝගයට. මම මේ හැම දෙයක්‌ම අහන්නෙ මේ රටේ රෝගීන්ගේ දැන ගැනීම සඳහායි.
ඒ වගේම ඔබ වැනි වෙදදුරුවරුන් රටට හඳුන්වාදීම අපේ කාර්යයක්‌ නිසා. මෙතෙන්ට ප්‍රතිකාර ගන්න ආපු රෝගීන්ගෙන් මම කතාවට තෝර ගත්තෙ රෝගීන් තුන්දෙනයි. ඒ සමාජයේ විරලව දක්‌නට ලැඛෙන රෝගීන් නිසා. තවත් ප්‍රශ්නයක්‌ තමයි අද සමාජයෙ බොහෝ තරුණ අඹු සැමි අයට දරුඵල බොහොම අඩුයි. ඔබ එවැනි අයටත් කරන ප්‍රතිකාර ඉතා සාර්ථක මට්‌ටමක තිඛෙන බව බොහෝ අයගෙන් කියවුණා. ඒකට හේතු විමසුවොත්?
ඔය ගොඩක්‌ අය කියන කාන්තාවන්ගේ හා පිරිමින්ගේ වඳ භාවය ගැන මගේ එච්චර පිළිගැනීමක්‌ නැහැ. මොකද එහෙම වෙන්න තිඛෙන ඉඩකඩ අඩු නිසා. සමහර විට ඉහත ආත්මවල කරපු බලවත් අකුසල කර්මවල විපාක නිසා එහෙම වෙන්න පුළුවන් ඇති. නමුත් ප්‍රායෝගිකව ගත්තහම සියලුම කාන්තාවන්ට දරුපල හටගත යුතුමයි. මෙතෙන්දී තවත් දෙයක්‌ කියන්න ඕන. කාන්තාවන්ගෙ ගර්භාෂය කියන්නෙ හරියට අපි ජීවත්වන පරිසරය වගේ. මේ පරිසරයේදී අපට ජීවත්වෙන්න ඕන හැම දෙයක්‌ම යහපත්ව තියෙන්න ඕන නේ. ඒ කියන්නෙ වාතය, උණුසුම, ජලය වගේම වටපිටාව බාධකවලින් තොරවීම, මේ වගේ තමයි ගර්භාෂයත්. මෙතෙන්දී උපදින දරුවට හෝ දරුවෙක්‌ පිළිසිඳ ගැනීමට ගර්භාෂයත් යහපත්ව තියෙන්න ඕන. එහෙම උනොත් තමයි යහපත් දරු උපතක්‌ පිළිසිඳ ගන්නෙ. මෙතෙන්දි මම කතා කරන්නෙ කාන්තාවන්ගෙ උණ හෙම්බිරිස්‌සාව වගේ දේවල් නෙවෙයි. සාමාන්‍යයෙන් දරු උපත් අපේක්‍ෂාවෙන් ඉන්න කාන්තාවන්ට ඒ අපේක්‍ෂාවන් හරියාකාරව මල්පල ගැන්වෙන්නෙ නැත්තං අන්න ඒ ප්‍රශ්නවලට හේතු එකක්‌ තමයි ඩිම්බකෝෂ ආශ්‍රිත හා ගර්භාෂය ආශ්‍රිත ගෙඩි. තවත් එකක්‌ තමයි ඩිම්බ නාල අවහිරතා. ඒ වගේම රක්‌තප්‍රදර හා ශ්ව්ත ප්‍රදරතා වගේම ගර්භාෂයේ ඇතිවන ඌෂ්ණ තත්ත්වය. තවත් එකක්‌ තමයි ගර්භාෂයේ ඩිම්බ නොමේරීම. මෙයින් එකක්‌ හෝ තිඛෙනවා නම් දරුවො පිළිසිඳ ගැනීම තරමක්‌ දුරට ප්‍රමාද කරනවා.
එහෙමනම් අපි මේ තත්ත්වයට වඳ භාවය කියල කියන්නෙ කොහොමද?
නමුත් එහෙම කියන්න බෑ. බැරි මොකද සිංහල ප්‍රතිකාර ගොඩක්‌ තියෙන නිසා. මම මේ කතා කරන්නෙ බටහිර වෛද්‍ය ක්‍රමයට කරන ප්‍රතිකාර නොවෙයි. මේ වගේ අවස්‌ථාවකදී කළ යුතු පැරැණි සිංහල ප්‍රතිකාර ගැන. ඉස්‌සර අපේ අම්මල දරුවො දහය දොළහ හැදුවෙ වස විෂ නැති කොස්‌ දෙල්, පොලොස්‌ කාලනේ. එයාලගෙ ගර්භාෂවලට මේ වගේ ස්‌වාභාවික කෑමවලින් විෂ ඇතුළු වුණේ නැහැ. ඒක නිසා නිරෝගී දරුවො බිහි වුණා. දැන් කාන්තාවො කඩෙන් කාල, පැණි බීම එකක්‌ බීල සර්වියට්‌ එකෙන් අත පිහදාල ගෙදර ඇවිත් දරුවො හදන්න හදනවා. ඒත් එයාල දන්නෙ නැහැ මේ කෘත්‍රිම කෑමවල විෂ නිසා එයාලගෙ ගර්භාෂ ලෙඩ තියෙනවා කියල. ඉතිං මේකට අපි වඳ භාවය කියල හරියන්නෙ නැහැනේ. මම ප්‍රතිකාර කරන්නෙ මේ සියල්ල තේරුම් අරගෙන. අපේ මුතුන්මිත්තන්ගෙ ප්‍රතිකාර වරදින්න බැහැ. එහෙම වැරදුනොත් ඊළඟට ගත යුතු පියවරත් පැහැදිලි කරල තියෙනවා. මේකට ටික දවසක්‌ යාවි. ඒත් ප්‍රතිඵල සාර්ථකයි.
එතකොට ඔබ කියන්නෙ දරුඵල නැහැයි කියන හෝ ප්‍රමාදයි කියන කාන්තාවන්ට සුවයක්‌ ලබා දෙනව කියන එකද?
පැහැදිලිවම මම බාර ගන්නවා. ඒ වගේ කාන්තාවො ඉන්නව නම් ඒ කාන්තාවන්ගෙ රෝගී තත්ත්වයට ප්‍රතිකාර කරල දරු සම්පත් ලබා දෙන්න කටයුතු කරල දෙනව. හොඳයි සමහරු කියනව වඳ භාවයට පත්වුණ පිරිමිත් ඉන්නවා කියල. මේ ගැන යමක්‌ කියනව නම්.. සමහර වෙලාවට ශුක්‍රාණුවල තියෙන ශක්‌තිය හීන වුණාම එහෙම වෙන්න පුළුවන්. සමහර වස විෂ පාවිච්චි කිරීමේදීත් මේ තත්ත්වය හට ගන්නව. නමුත් මේ හැම එකකටම අපේ සිංහල ඖෂධ තියෙනවා. ඒ ගැන කිසිම සැකයක්‌ ඇතිකර ගත යුතු නැහැ.
එතකොට දෙපාර්ශ්වයම ඖෂධ පාවිච්චි කළ යුතුයි කියලයි ඔබ කියන්නේ?
සත්තකින් ම ඔව්. මගෙන් දරුඵල අපේක්‍ෂාවෙන් ප්‍රතිකාර ගන්න එනව නම් අඹු සැමි දෙපාර්ශ්වයම පැමිණිය යුතුයි කියලයි මම උපදෙස්‌ දෙන්නේ. එතකොට සාර්ථක ප්‍රතිඵල ලබන්න එතරම් අපහසු නෑ. කොහොම වුණත් එවැනි අඹුසැමියන් මා ළඟට ආවාම මම මුලින්ම සාකච්ඡා කරල ඔවුන්ගේ රෝග තත්ත්වයන් හඳුනා ගන්නවා. ඊට පස්‌සෙ නිසි ප්‍රතිකාර කරන ගමන් කළුකුමාර දෝෂ තියෙනවා නම් ඒවත් අපේ කෙනකුට කියලා අයින් කරවලා තවත් ප්‍රතිකාර කරනවා. ඊට අමතරව නිතර ආගමික වතාවත්වල යොදවල දරුවෙක්‌ ගැන ප්‍රාර්ථනා ඇති කරවනවා. මෙතෙන්දී මම විශේෂයෙන් යවන්නේ කැලණියට. මේ වගේ දේවලින් ලැඛෙන ප්‍රතිඵල බොහෝම ඉහළ අගයක්‌ ගැනීම අනිවාර්යයයි.
මල්වානේ වල්ගම වෙද පරපුරේ දායාදයන්ගෙන් පෝෂණය වූ කොළඹ කැටවලමුල්ල ශ්‍රී සාරෞෂධයාලාධිපතිව සිටි වෛද්‍යාචාර්ය පී. කේ. ඩී. පවුලිස්‌ අප්පුහාමි මහතාගේ මුණුපුරු සර්වාංග ගෙඩි, වණ, විශේෂ රුවන් සාගර දහනායක වෙදැදුරුගෙන් වාත රෝග, බාල රෝග, සන්ධි ගත රෝග, ප්‍රමේහ රෝග, රක්‌ත රෝග, කාන්තා රෝග, මුත්‍රා රෝග, ගෙඩි වණ, සෙම් රෝග, චර්ම රෝග, ශීර්ෂ රෝග හා වැටීම, තැලීම ආදී සියලු රෝගාබාධයන් මෙන්ම දරුඵල නැතිකම සඳහා පාරම්පරිකව රැකගත් පරපුරෙන් දායාද කළ සුවිශේෂී ප්‍රතිකාර සහ සම්පාදිත ඖෂධ ලබා ගත හැකියි.
විමලසිරි අගලකඩ
උපුටා ගැනීම දිවයින පුවත් පත
