දරුවකු පතන කතකට එළකිරි දිව්‍ය ඖෂධයක්
හොඳට ඉදුණු ගස්ලබු හොඳටම හොඳයි මාසික වේදනාවෙන් මිදෙන්න කොල්ලු බැබිල මුල් එක්ක තම්බලා බොන්න.
අයුර්වේදයේ විදියට වන්ද්‍යාභාවය හඳුනා ගන්නේ කොහොමද?
වන්ද්‍යාභාවය විදියට නවීන වෛද්‍ය විද්‍යාවේ හදුන්වන්නේ විවාහක යුවලකට දරුවෙකු බලාපොරොත්තුවෙන් කිසිදු උපත් පාලන ක්‍රමයක් පාවිච්චි නොකොට සාමාන්‍ය විදියට ලිංගිකව එකතු වෙලා අවුරුද්දක් ගත වු පසුවත් දරුවෙකු ලැඛෙන්නේ නැතිනම් එය වන්ද්‍යාභාවය ලෙස හඳුන්වනවා. නමුත් ආයුර්වේදයේ මේ ගැන හිතන විදිය ඊට වඩා වෙනස්. ආයුර්වේද අචාර්යවරු දැනට වසර 6000 කට පමණ පෙරත් වන්ද්‍යාභාවය කියන විෂය ගැන අධ්‍යනය කරලා තියෙනවා. ඒ අනුව යම් කිසි යුවළකට තමන්ට අවශ්‍ය අවස්ථාවේ දරුවෙකු නොලැඛෙනවා නම් එය ප්‍රතිකාරවලට යොමු විය යුතු තත්ත්වයක් ලෙසයි ආයුර්වේදයේ හඳුන්වන්නේ. දරුවන් නොලැබීම කියන තත්ත්වය සාමාන්‍ය මිනිසුන් අතරේ තිඛෙන දෙයක්. නමුත් එවැනි අවස්ථාවක විවාහක යුවළකට ඔවුන්ගේ සාමාන්‍ය අහාර රටාවෙන් මිදිලා සුළු සුළු උපකාර මගින් එම යුවළගේ ශුක්‍රාණු සහ ඩ්බ්බවල සරු බව වැඩි කරලා පහසුවෙන්ම දරුවෙකු ලබා ගැනීමේ හැකියාව තිඛෙනවා. ඒ සඳහා උපදෙස් ආයුර්වේදයේ තියෙනවා ආයුර්වේදය කියන්නේ වෛද්‍ය විද්‍යාවක් වගේම ජිවිතය පිළිබද විද්‍යාවක්. වන්ද්‍යාභාවය නැති කිරීම ගැන සලකා බැලුවොත් ආයුර්වේදයේ ඖෂධවලට වඩා තිඛෙන්නේ කන බොන දේවල් ගැන උපදෙස් සහ අපි ජිවත් විය යුතු විදිය , ස්නානය කරන්නේ කොහොමද , නිදා ගන්ඩ ඕනේ කොච්චර වෙලාවක්ද කියලා උපදෙස්. ඒ නිසා වන්ද්‍යභාවය මේ වගේ සුළු සුළු කරුණු නිසාත් ඇති වෙන්ඩ පුළුවන්. නිධන්ගත ලෙඩ රෝග වගේම අපේ ආහාර රටාවන්ගේ තිඛෙන පුරුදු නැතිනම් ආහාර විහරණ නිසා ඇති වෙන්ඩත් පුළුවන්. ඒ නිසායි ආයුර්වේදයේ කියලා තියෙන්නේ දරුවෙකු බලාපොරොත්තු වෙනවානම් ගත යුතු ආහාර රටාවන් සහ පුද්ගලයන්ගේ හැසිරීම් ගැන.
ආයුර්වේදයේ හැටියට දරුවෙකු ලබාගැනීමට අවශ්‍ය පරිසරය ගැන කියවෙන්නේ කොහොමද?
ආයුර්වේදය කියන්නේ ජීවිතය හා බැදුණු විද්‍යාවක් වගේම ස්වාභාවික පරිසරය හා බැදුණු විද්‍යාවක්. ඒ අවස්ථාවේ ආයුර්වේදයේ විස්තර කරනවා දරුවෙකු හට ගැනීම බීජයකින් පැළයක් හට ගන්නවා වගේ කියලා. ඒ කියන්නේ බීජයකට පැළයක් බවට පත් වෙන්ඩ ප්‍රධාන වශයෙන් කොටස් හතරක් අවශ්‍ය වෙනවා. ඒක සංස්කෘත වචනයෙන් කිව්වොත් ප්‍රධාන කොටස් හතරක් අවශ්‍යයි. සෘතු , ක්ෂේත්‍ර , අම්බු , බීජ කියන කොටස් හතර. සෘතු කිව්වේ දේශගුණික තත්ත්වය , ක්ෂෙත්‍ර කිව්වේ සරු පසක් කියන දෙය, අම්බු කියන්නේ නියම වර්ෂාපතනය නැතිනම් ජලය. ඒවගේම බීජය සරු එකක් විය යුතුයි. මේ කාරණාවන්ම දරු කළලයක් ඇති වීමට අවශ්‍ය පරිසරය ගැන කියන්ඩ ආයුර්වේදයේ මේ විදියට පැහැදිලි කරනවා. ආයුර්වේදයේ අචාර්යවරුන් කියනවා කළලයක් ඇති වෙන්ඩ හොඳ සෘතුවක් ඒ කියන්නේ අම්මයි තාත්තයි හොඳ වයසේ සිටිය යුතුයි. ඒ වගේම සරු කාලය කියන කාලයේ එනම් කාන්තාවගේ මාස් වීම සිදු වෙලා නියම සරු කාලයක් එළඹිය යුතුයි. සරු කාලයේ හට ගන්නා කළලයක් තමයි නිරෝගී ශක්තිමත් දරුවෙක් වෙන්නේ. ඒ වගේම ක්ෂේත්‍රය කිව්වාම එතැනදි දරුවා හදන අම්මාගේ ප්‍රජනක පද්ධතිය ගැන කියනවා. ඒ කියන්නේ ගර්භාෂය , පැලෝපීය නාළ සහ ඩිම්බ කෝෂ ඇතුළත් වෙනවා. පැළයට අවශ්‍ය ජලය වගේ අම්බු කොටස් විදියට සලකන්නේ කළලයට ලැඛෙන පෝෂණය සහ විශේෂයෙන් කාන්තා හෝමෝනයි. කාන්තා හෝමෝන හරියට ක්‍රියාත්මක වෙනවා නම් පමණයි නියම විදියට කාන්තාවකට ආර්ථවයක් පවතින්නේ. ඒ වගේම නිවැරැදි ශක්තිමත් ඩිම්බයක් නිෂ්පාදනය වෙන්නේ. එවැනි ඩිම්බයකින් තමයි දරුවෙකු හදා ගන්ඩ පුළුවන් වෙන්නේ. ඒ වගේම බීජ විදියට හඳුන්වනවා ශක්තිමත් පරිණත ඩිම්බය සහ පියාගේ ශුක්‍රාණු . එතකොට හොඳ දරුවෙකු හදන්ඩ නම් මේ කොටස් හතරේ ශක්තිමත් භාවයක් තිබිය යුතුයි කියලා ආයුර්වේදයේ කියලා තියෙනවා.
ආයුර්වෙදයේ වන්ද්‍යාභාවයට හේතු විදියට දක්වන්නේ මොනවාද?
ආයුර්වේදයේ වන්ද්‍යාභාවය විදියට හදුන්වන්නේ ඉහතින් කතා කරපු කොටස් හතරේම නැතිනම් යම් කොටසක වෙනස්වීම් ගැනයි. නමුත් නව්‍ය වෛද්‍ය විද්‍යාවේ කියනවා රෝග අවස්ථා රැසක් ගැන. නමුත් ඒ සියල්ලම අපිට ආයුර්වේදයේදී සෘතු , කේෂේත්‍ර , අම්බු සහ බීජ කියන කොටස් හතරට අදාළව ගත හැකියි. නව්‍ය වෛද්‍ය විද්‍යාවේ කියවෙනවා ෆයිබ්‍රොයිඩ් (ආයුර්වේදයේ එය හඳුන්වනවා ගර්භාෂගත අර්බුධ නැතිනම් ගර්භාෂයේ ගෙඩි කියලා) , ඒවගේම එන්‍ඩ්‍රොමෙට්‍රියෝසිස් (ආයුර්වේදයේ එය හඳුන්වනවා අධිකව මාස් වීමේ වේදනාව සහ අභ්‍යන්තර පටක එකට ඇලීම කියලා) , ඊළඟට පොලි සිස්ටික් ඕවේරියන් ඩිසීස් ( එය ආයුර්වේදයේ හදුන්වනවා ඩිම්භකෝෂවල නොමේරූ ඩිම්බ පිහිටිම ලෙස) එවැනි තත්ත්ව ක්ෂේත්‍ර දෝෂ සමඟ ආයුර්වේදයේ පැහැදිලි කර තිඛෙනවා.
දරුවෙකු ලැබිමට සුදුසු වයස ආයුර්වේදයේ සඳහන් වෙනවාද?
කාන්තාවකට දරුවෙකු ලැබිය හැකි වයස විදියට අවුරුදු 16 ත් 40 ත් අතර කාලය ආයුර්වේදයේ කියනවා. ඒකාලයට විශේෂ නමක් දීලා තියෙනවා යුවතී කියලා. නමුත් දරුවෙකු ලැබීමට කාන්තාවකට වඩාත්ම සුදුසු කාලය වයස අවුරුදු 22 ත් 25 ත් අතර කාලයයි. නවීන වෛද්‍ය විද්‍යාවේ කියනවා කාන්තාවක් අවුරුදු 30 ට කලින් දරුවෙකු හැදිය යුතුයි කියලා. සෘතුවටම අදාළව අපි සලකනවා කාන්තාවකගේ ආර්ථව චක්‍රයේ සරු කාලය ගැන. අපි හැමෝම දන්නවා ආර්ථව චක්‍රයක් ක්‍රියාත්මක වෙන්නේ දින විසි අටක්. ඒකට ආයුර්වේදයේ කියනවා චන්ද්‍ර මාස එකයි කියලා. මේ දින විසි අටේදි මැද දිනයකදී ඩිම්බය පිට වෙන්නේ. අපි හිතමු දාහතර වෙනි දවසේ ඩිම්බය පිට වෙනවා කියලා. එතකොට සරු කාලය විදියට සලකන්නේ මේ මැද දින අතර තියෙන දවස් දහයක වගේ කාලයයි. ඒ වගේම ආයුර්වේදයේ උපදෙස් දෙනවා සරු කාලයේදී දවසක් හැර දවසක්වත් යුවළක් ලිංගිකව එකතු වීමෙන් යහපත් දරුවෙකු ලැබීමේ හැකියාව වැඩි වෙනවා කියලා. මාස් ශුද්ධිය වීමේ ගැටලු ගැන නවීන වෛද්‍යා විද්‍යාවේ කියනවා ආර්ථවය අක්‍රමවත් වීම , ආර්ථවයේ අධික වේදනාව, වැඩිපුර රැධිරය පිට වීම ආදි සෑම දෙයකින්ම දරුවෙකු ලැබීමේ හැකියාව ප්‍රමාද කරනවා. ආයුර්වේදයට අනුව වෛද්‍ය විද්‍යාවේ දක්වලා තියෙන හැම රෝගයක්ම සෘතු කියන කොටසට අදාළව කතා කළ හැකියි.
කාන්තා හෝමෝනවල වෙනස්වීම් වන්ද්‍යාභාවයට හේතු වෙන්නේ මොන විදියටද?
මේ ගැන ආයුර්වේදයේ කතා කරන්නේ අම්බු දෝෂ හැටියටයි. අම්බු දෝෂ සමාජයේ වැඩියි. වන්ද්‍යාභාවයෙන් ඔබ්බට ගියොත් කාන්තාව මල්වර වෙන්ඩ කලින් කුඩා කාලයේ ඉදලාම කාන්තාවගේ ශරීරයේ හෝමෝනවල අසමතුලිතතා තිඛෙනවා. ඒ නිසා තමයි කුඩා ගැහැනු ළමයින්ට කුකුල් මස් දෙන්න එපා කියන්නේ. මොකද එවැනි දරුවන් ඉක්මනින්ම වැඩි වියට පත් වෙනවා. එහෙම වුණත් ඒ ගැහැනු ළමයින්ගේ මාස් ශ=ද්ධිය නියමිත විදියට වෙන්නේ නෑ. ශරිරයේ බර වැඩි වෙනවා. අසාමාන්‍ය විදියට රෝම වර්ධනය වෙනවා. සමේ කළු පැහැ තැන්පත් වෙනවා. මේ හැම දෙයක්ම කාන්තාවගේ ශරීරයේ හෝමෝන විසමතාවල ලක්ෂණ . ඒක තමයි අම්බු දෝෂ කියලා කියන්නේ. . ඊළ`ගට පිටියුටරි ග්‍රන්ථියෙන්, ඩිම්භකෝෂවලින් සහ ගර්භාෂයේ ඇතුල් පටලයෙන් නියමාකාරයෙන් හෝමෝන නිෂ්පාදනය වෙන්නේ නැතිනම් අම්බු කොටස් නිෂ්පාදනය වෙන්නේ නැතිනම් ඒක දරුවන් ලැබීමට බාධාවක් වෙනවා. ඒ වගේම දරුවන් ඇති වෙන අවස්ථාවල ගබ්සාවීමටත් එවැනි තත්ත්ව හේතු වෙනවා.
ආයුර්වේදයේ විදියට දරුවෙකු පිළිසිඳ ගැනීමට වඩාත්ම වැදගත් සාධක විදියට හඳුන්වනේ මොනවාද?
අතිශයින්ම වැදගත් වෙන්නේ කාන්තාවගේ ඩිම්බ සහ පුරුෂයකුගේ ශුක්‍රාණුයි. මේ සාධක දෙක නියමාකාරයෙන් වර්ධනය වුණේ නැතිනම් නියම හෝමෝන සාන්ද්‍රණයක් තිබුණේ නැතිනම් පරිණත භාවයට පත් වෙලා තිබුණේ නැතිනම් එවැනි අවස්ථාවක යහපත් ඵලයක් බලාපොරොත්තු වෙන්ඩ බැහැ. ඒ නිසා තමයි නවීන වෛද්‍ය විද්‍යාවේ ඩිම්බ මෝරන්න ඛෙහෙත් දෙන්නේ. ඉන් අනතුරුව ගර්භාෂයේ තැන්පත් කිරීම් රාශියක් කරලා බලනවා. සමහර විට ඒ එකක්වත් හරියන්නේ නැහැ. ඇයි හරියන්නේ නැත්තේ. හෝමෝන දිලා පරීක්ෂා කරන්නේ ඩිම්බ සහ ශුක්‍රාණුවල ප්‍රමාණාත්මක වර්ධනයක් ගැනයි. එය ප්‍රමාණාත්මකව වර්ධනය වුණත් එය ගුණාත්මකව වර්ධනය වෙලා නැතිනම් ඒ ගුණාත්මක බවේ අඩුපාඩුව නිසා කෘතිමව සංසේචනය කළත් දරුවෙකු ලැඛෙන්නේ නැහැ. මේ කරුණු සියල්ලම ආයුර්වේදයේ කතා කරනවා බීජවල දුර්වලතා හැටියට.
ඔබ කිව්වා ඇතැම් විහරණ නිසාත් වන්ද්‍යාභාවය ඇති වෙනවා කියලා. එහෙම වෙන්නේ කොහොමඳ?
ආයුර්වේදයේ විදියට නිරෝගීව සිටීමට කළ යුතු දේවල් අපෙන් ඈත් වී තිඛෙනවා. උදේ නැගිටින වේලාවේ සිට නිදා ගන්නා වේලාව දක්වාම අපි කරන ගොඩාක් අයහපත් දේවල් වෙනත් රෝගවලට වගේම වන්ද්‍යාභාවය වැඩි වීමට හේතු වී ඇති බව නවීන වෛද්‍ය විද්‍යාවෙනුත් සොයා ගෙන තිඛෙනවා. අපේ ගැමි සමාජයේ අපටම උරුම ස්වාභාවික ආහාර රටාවක් තියෙනවා. ඒ තමයි බත් එළවළු සහ සමබල ආහාර වේල. නමුත් දැන් අපට තියෙන අවිවේකී පරිසරය නිසා අපි ඒ අහාර රටාවෙන් මිදිලා තිඛෙනවා. ඒ වගේම වර්තමානයේ කාන්තාවට අවශ්‍ය ව්‍යායාම ලැඛෙන්නේ නැහැ. අතිතයේදී නම් දිනපතා අහාර වේල හදන්ඩ උත්සුක වීමෙන්ම කාන්තාවට එදිනෙදා ජිවිතයට අවශ්‍ය ව්‍යායාම ලැබුණා. එදා හාල්ටික ගරලා ළිපේ තියලා ළිපට දර කඩලා දාලා පත්තු කරන්ඩ ඕනේ. ඉතින් දර පළන එක දර කපන එක ව්‍යායාමයක්. එදා කාන්තාව හොදි ළිපේ තිබ්බේ පොල් කිරිවලින්. එදා පොල් ලෙලි ගහලා , බිඳලා , පොල් මිරිකලා ගන්න එක කාන්තාවට ව්‍යායමයක්. ඊළඟට කොස් දෙල් වගේ කෑම හදන්න කොච්චර අමාරුද බලන්ඩ. ඒ කෑම හදන්න කාන්තාව ගන්නා වෙහෙසම එයාට දෛනික ව්‍යායාමයක් වුණා. දැන් කාන්තාව ඒ රටාවෙන් වෙනස් වෙලා ඉන්නේ. අද අපේ කාන්තාව සමහර විට පොල් ගාන්නේ නැහැ. එක්කෝ කඩෙන් ගාපු පොල් ගේනවා නැත්නම් පිටිකළ පොල් කිරි පාවිච්චි කරනවා. ඊළඟට කෑම රස කරන්ඩ තෙල් වැඩියෙන් පාවිච්චි කරනවා. එහෙමත් නැතිනම් පිටින් කෑම ගේනවා. ඒ නිසා අහාරයේ තියෙන අසමබරතාවය වගේම ඇගට ලැඛෙන ව්‍යායාමය නොදැනුවත්වම ගිලිහී ගිහින් තියෙනවා. එදා අහාර රස ගන්වන්න පාවිච්චි කළ ස්වභාවික රස කාරක වෙනුවට අපි දැන් කෘතීම රස කාරක වලට යොමු වෙලා. දැන් අපේ රටේම කියනවා පිටි කිරි බොන්න එපා චීස් කන්න එපා කියලා. දැන් තමයි මේවායේ අගුණ හොයා ගන්නේ. ස්වාභාවික අහාර වේල අනුව අපි ඒ කාලයේ විදියට එළ කිරිම බිව්වා නම් ඔය ප්‍රශ්න එන්නේ නැහැ. ඒ වගේම එවැනි නිෂ්පාදිත අහාරවල ඇති රසායනික සංඝටක නිසා කාන්තාවන්ගේ හෝමෝන වෙනස්වීමට බලපා තිඛෙනවා. ඒ වගේම අතීතයේ කාන්තාවට වර්තමානයේ කාන්තාව ක්‍රියාශීලීත්වයෙන් අඩුයි. අතිතයේ තරුණ යුවතියක් පාසලට යන්න කොච්චර පයින් යනවාද? දැන් පාසල් වෑන් එකේ යන්නේ. ඉතින් ඒ යුවතියගේ අහාර රටාවත් වෙනස් වෙලා. ඒ වගේම අනවශ්‍ය පෝෂණයක් ලැබිලා. නමුත් ඒ යුවතියට ලැඛෙන ව්‍යායාම අඩු වෙලා. එහෙම බල‍නකොටම යුවතියක් විවාහ වෙන්න පෙර සිටම ඇය‍ගේ ශරිරයේ අසමතුලිතතාවක් ගොඩ නැ`ගිලා. එයම බාධාවක් වෙනවා ඇය විවාහ වී දරුවෙක් හදන්න ගියාම.
විවාහක කාන්තාවකට තිඛෙන මානසික ආතතිය වන්ද්‍යාභාවයට බලපානවාද?
ඇත්තටම එය බලපානවා. දැන් බලන්න කුඩා කළ සිටම ගැහැනු දරුවෙකුට මානසික ආතතියක් තියෙනවා. එය පටන් ගන්නේ ශිෂ්‍යත්ව විභාගයේ ඉදලායි. ඊළගට සාමාන්‍ය පෙළ විභාගයට, උසස්පෙළ විභාගයට, ඉන් පසුව උසස් අධ්‍යාපනයට මේ විදියට අද යුවතියකට විවාහය දක්වාම විවිධ මානසික ආතතීන්ට මුහුණ දිමට සිදුව තිඛෙනවා. අද යුවතියකට විවාහය සඳහා තිඛෙන බලාපොරොත්තුව වැඩියි. හැම යුවතියක්ම බලන්නේ හොඳම පවුලකින් පුරුෂයකු තෝරා ගැනීමට. අද යුවතිය හිතනවා පුරුෂයාට හොඳ ආර්ථික තත්ත්වයක් තිබිය යුතුයි කියලා. ඒ නිසා විවාහයට පෙර සිටම යුවතියකට මානසික ආතතිය වැඩියි. ඒවගේම කාන්තාව එදා වගේ නෙමෙයි පිරිමියා සමග උරෙන් උර ගැටිලා පවුලේ ආර්ථිකය ශක්තිමත් කරන්න රැකියාවක් කරනවා. එතකොට ගෙදර පෝෂණය වගේම ගෙදර කටයුතු නිසි පිරිදි ගෙන යන්න කාන්තාවට සිදු වෙනවා. ඒ නිසා විවාහ වු දිනයේ සිටම කාන්තාවට ඇති මානසික ආතතිය වැඩියි.
වන්ද්‍යාභාවයට පුරුෂයාගේ පැත්තෙන් බලපාන කාරණා මොනවාද?
වර්ථමානයේ පුරුෂයන්ගේත් දරුවෙකු හැදෙන්න බලපාන ශුක්‍රාණුවල ගුණාත්මක සහ සංඛ්‍යාත්මක තත්ත්වය ගොඩක් දුරට අඩු වෙලා තියෙනවා. එයටත් හේතුව තමයි ආහාර රටවේ වෙනස්වීම් සහ පුරුෂයාගේ තිඛෙන යම් යම් ඇබ්බැහිවීම්. දුම් පානය කරන ,මත් පැන් සහ අනෙත් මත් ද්‍රව්‍ය පාවිච්චි කරන පුරුෂයන්ගේ ශුක්‍රාණුවල ගුණාත්මක බවේ අඩු වීමක් අපි දකිනවා. ඒ වගේම වැදගත්ම දෙය තමයි උෂ්ණත්වය ශුක්‍රාණුවල ගුණාත්මක භාවය අඩු කරනවා. ඒ නිසා පුරුෂයගේ ශුක්‍රාණු ගුණාත්මකව අඩු වීමට එයත් ප්‍රධාන හේතුවක්. වර්තමානයේ ගෝලීය උණුසුමත් දිනෙන් දින වැඩි වෙනවා. ඒ වගේම අපේ ඇදුම්පැලදුම්වල ස්වාභාවයත් අද වෙනස් වෙලා. කෘතිම නුල් වලින් නිෂ්පාදිත යට ඇදුම් භාවිතය ,බොහෝ වේලාවක් ඉදගෙන සිටීම ශුක්‍රාණුවල ගුණාත්මක බව අඩු වීමට හේතු වෙලා තියෙනවා. අපි ගොඩාක් වෙලාවට දකිනවා ශුක්‍රාණුවල ගුණාත්මක භාවය අඩු මට්ටමේ තියෙන්නේ ත්‍රීවීල් රථ රියදුරන්ගේ , ආරක්ෂක අංශවල නිරත අයගේ , ලොරි රථ රියදුරන්ගේ , පරිගණක ආශ්‍රිත රැකියා සිදු කරන්නන්ගේ වැනි පුරුෂයන්ගේයි. ඊට හේතු තමයි බොහෝ වේලාවක් ඉදගෙන සිටීම නිසා ඇති වෙන පීඩනය සහ උණුසුම වැඩි විම. එය නිතැතින්ම ශුක්‍රාණුවල ගුණාත්මක බව අඩු කරනවා. ඒ වගේම පුරුෂයන්ගේ ආහාරවලින් ඇති වෙන වෙනස්කම් සහ ශරීරයේ තරබාරුව වැනි දේත් හේතු ලෙස දැක්විය හැකියි.
කාන්තාවන්ගේ ඩිම්බවල සරු බව වැඩි කර ගත හැක්කේ මොන විදියටද?
නවීන වෛද්‍ය විද්‍යාවේ වගේම ආයුර්වේදයේ කියන්නේත් නියමිත ආහාර රටාවක් අනුගමනය කිරීම වැදගත් කියලායි. එතැනදීත් ප්‍රධාන වෙන්නේ ආහාර සහ ව්‍යායම මගින් ශරීරයේ බර නිසි පරිදි තබා ගැනීමයි.
ඒ සඳහා ගත යුතු ආහාර වට්ටෝරුවට මොනවද ඇතුළත් කර ගත හැකි වෙන්නේ?
සමබල අහාර වේලක් තමයි වැදගත් වෙන්නේ. ඛෙහෙත් ගන්නවාට වඩා ආයුර්වේදයෙන් කියන්නේ රෝගය වළක්වා ගැනීම ගැනයි. ඒ වගේම ආයුර්වේදයේ කියනවා දරුවෙක් බලාපොරොත්තුව ඉන්නවා නම් මෙන්න මේ ආහාර තමයි ගන්න ඕනේ කියලා. ඒ මගින් තමයි සරු බව වැඩි වෙලා දරුවෙක් හදා ගන්න තියෙන අවස්ථාව වැඩි වෙන්නේ. එකක් තමයි එළකිරි. දරුවෙක් බලාපොරොත්තුව ඉන්න කාන්තාවකට එළකිරි අමෘතය වගේ කියනවා. ඒ වගේම කොළ කැඳ. කොළ කැඳවලිනුත් හාතාවාරිය කොළ කැඳ , ගොටුකොළ කොළ කැඳ, ඉරමුසු කොළ කැද , ඒ වගේ කොළ කැඳ නිති පතා පානයෙන් ශරිරයේ හෝමෝන මට්ටම නිසි පරිදි පවත්වා ගන්න පුළුවන්. ඒ වගේම පිටි ආහාර වෙනුවට කඩල , මං ඇට , කවුපි. ඒ වගේම මුං ඇට සහ කවුපි පැළ කරලා ආහාරයට ගැනීම වගේ දේවලුත් වඩා යහපත් කියලා කියලා තියෙනවා. ඒ වගේම අපේ දේශිය ආහාරවල තියෙනවා පෝෂණය වැඩි කරන හැම දේම වගේ. පලතුරු වශයෙන් කිව්වොත් කෝලි කුට්ටු , නේත්‍රපලම් වගේ කෙසෙල්, අලිගැට පේර. අපි හිතනවා ගස්ලබු නරකයි කියලා. නමුත් හොඳට ඉදුණු ගස්ලබු හොඳටම හොඳයි. අඹ , කජු , රට ඉඳි , මුද්දරපලම් , මිදි වගේ දේවල්. ඒ වගේම තමන්ගේ එදිනෙදා ආහාරවේලට පොලොස් සහ කොස් වගේ දේවල් එක් කර ගන්නවානම් හොඳයි. ඒ වගේම දරුවෙක් බලාපොරොත්තුව ඉන්න කාන්තාවන්ට මේ වගේ අවස්ථාවන උෂ්ණ ආහාරවලින් වැළකී ඉන්න කියලාත් උපදෙස් දෙනවා. ඒ කියන්නේ දෙල් , ජාඩි, අච්චාරු , තක්කාලි සහ අන්නාසි වගේ දේවල්වලින්.
පුරුෂයින්ගේ සරු බව වැඩි කර ගත හැකි ආහාර වර්ග මොනවාද?
පුරුෂයින්ගේ සරු බව වැඩි කරන ආහාර තමයි වටු බිත්තර, ගං කුකුල් බිත්තර, ගං කුකුල් මස්, ඒ වගේම කිරි ආහාර. ආයුර්වේදයේ කිරි ආහාර විදියට සඳහන් වෙලා තියෙන්නේ පස්ගෝ රස ගැනයි. දැන් පස්ගෝ රස වෙනුවට කිරිවලින් හදපු ඕනෑම ආහාරයක් ගන්න පුළුවන්. ඒ තමා චිස් , බටර් සහ යෝගට් වගේ දේවල්. ගොඩක් අය දන්නා දෙයක් තමයි වැල් පෙනෙල කොළ කැද සහ පොකුරු වඳමල් යුෂ නැතිනම් සම්බෝල හඳලා කන එකත් ශුක්‍රාණුවල ගුණාත්මක බව වැඩි කරන්න හොඳයි කියලා හොයාගෙන තියෙනවා. ඒ වගේම කජු , ආමන්, රට ඉඳි සහ උදුවලින් හඳන ඕනෑම ආහාරයක් හොඳයි. ඒ වගේම මං කිව්වා දරුවෙක් හදන්න කාන්තාව වගේම පුරුෂයාත් හොඳ බරකින් ඉන්න ඕනේ කියලා. ඒ නිසා තෝසේ ඉල්ලි වගේ අහාර රටාවකට යොමු වීම මං ඇට, කඩල, කවුපි ආහාර වට්ටෝරුවට එක් කර ගැනීම හොඳයි. ඒ වගේම පුරුෂයාගේ පැත්තෙන් හොඳ පලතුරු විදියට දුරියන්, කෝලි කුට්ටු , නේත්‍රපලම් , රත් කෙහෙල් , අලිගැට පේර සහ වරකා වගේ දේවල් හොඳයි කියලා ආයුර්වේදයේ නිර්දේශ කරලා තියෙනවා.
වන්ද්‍යාභාවයට තියෙන ප්‍රතිකාර මොනවාද?
වන්ද්‍යාභාවයට තියෙන ප්‍රතිකාරත් විවිධ පාරවල් ඔස්සේ ගමන් කරනවා. ඒ නිසා මෙතැනදි අවබෝධයේ පහසුව උදෙසා මං මුලින් කිව්වා වන්ද්‍යාභාවයේ හේතු හතරක් ගැන. ඒ හේතු හතරත් එක්ක මේ පිළියම් ගැන කතා කරන්නම්. සෘතු දෝෂ නැතිනම් මාස් ශුද්ධිය විමේ දෝෂවලට දෙන්න පුළුවන් පිළියම් බොහොමයක් තියෙනවා. ඒවා කුස්සියේ පාවිච්චි කරන කුළු බඩුවෙන් පටන් අරන් ලොකු පිළියම් දක්වාම විශාල පරාසයක පැතිරිලා තියෙනවා. මාස් ශුද්ධිය වීම ප්‍රමාද විම නිසා තරුණ කාන්තාවන් බටහිර වෛද්‍ය ක්‍රමයේ ප්‍රතිකාර විදියට පාවිච්චි කරන්නේ හෝමෝන ආශ්‍රිත ප්‍රතිකාරයි. හෝමෝන වගේ දෙයක් බාහිරින් ශරිරයට ගන්නවාට වැඩිය ආයුර්වේද වෛද්‍ය ක්‍රමයේ තියෙන ප්‍රතිකාර මගින් ශරීරයේ තුළ පවතින එක් එක් ස්ථාන ක්‍රියාත්මක කරවලා ශරිරයේම හෝමෝන නිෂ්පාදනය ඇති කරවලා ස්වාභාවිකව ඇති වෙන තත්ත්වය මත කාන්තාවන්ගේ මාස් ශුද්ධිය ඇති කිරීම වඩා හිතකරයි. කොත්තමල්ලිවල පවා තියෙනවා අපිට ගෙදර කුස්සියේදීම පිළියෙළ කළ හැකි මාස් ශුද්ධිය වීමේ දී වේදනාව නසන ගුණයක්. ඒ වගේම වැදගත් ඖෂධයක් තමයි සුදුලුනු . සුදුලුනු , කොත්තමල්ලි , කෝමාරිකා වගේ දේවල් අපි බහුලව භාවිතා කරනවා ඖෂධ විදියට. මාස් ශුද්ධිය වීම ප්‍රමාද කාන්තාවන් අපිට යොමු වුණාම කරන දෙය තමයි ඒ අයගේ අහාරපාන රටාව සහ ශරිරයේ බර වගේ දේවල් නියම තැනට ගෙන ඒම. ඒ මගින් අපිට කෘතිම හෝමෝන භාවිතයකින් තොරව ඉතා පහසුවෙන් මේ සෘතු දෝෂය නිවැරැදි කරන්න පුළුවන්.
මාස් ශුද්ධිය වීමේ අධික වේදනා තිඛෙන කාන්තාවකට එදිනෙදා ජීවිතයේදී හදා ගන්න පුළුවන් අත් ඛෙහෙත් තියෙනවාද?
විවාහ වීමට සිටින යුවතියකට මාස් ශුද්ධිය වීමේදී යටි බඩ ආශ්‍රිතව අධික වේදනාවක් ඇති වෙනවා නම් ඒ වගේ කෙනෙකුට කොත්තමල්ලි කබලේ බඳින්නේ නැතිව තරමක් කොටලා , තම්බලා ඒ වතුර මාස් වීමට සතියකට කලි න් දිනපතා පාවිච්චි කරන්ඩ පුළුවන්නම් ඒ වගේම සුදුලුනු තම්බලා පාවිච්චි කරන්න පුළුවන් නම් , කොල්ලු ටිකක් බැබිල මුල් එක්ක පාවිච්චි කරන්න පුළුවන්නම් මාස් ශුද්ධිය වීමේ වේදනාවන්ගෙන් අත් මිදෙන්න පුළුවන්.
ඇතැම් අවස්ථාවල වන්ද්‍යාභාවය ඇති වි තිඛෙන ඇතැම් හේතුවලට බටහිර වෛද්‍ය ක්‍රමයේ ශල්‍ය කර්ම සිදු කරනවා නේද?
කාන්තාවන්ගේ වන්ද්‍යාභාවයට තවත් හේතුවක් විදියට අප කතා කළ ක්ෂේත්‍ර දෝෂ නැති කිරීමට බොහෝ අවස්ථාවල බටහිර වෛද්‍ය ක්‍රමයේදී ශල්‍යකර්ම සිදු කරනවා. උදාහරණ විදියට ගර්භාෂයේ ගෙඩියක් තියෙනවා නම් එය ශල්‍යකර්මයකින් අයින් කරනවා. ඩිම්බකෝෂවල ගෙඩි වගේ තියෙනවා නම් ඒවා සිදුරු කරලා නවීන වෛද්‍ය ක්‍රමයේදී ඉවත් කරනවා. නමුත් ගැටලුම තමයි ඒවා නැවැත නැවැතත් හට ගන්නවා. ඒ නිසා එවැනි තත්ත්ව ඇති වෙන හැම විටම ශල්‍ය කර්ම කරනන ගියොත් ඒවායින් ඇති වෙන අතුරු ආබාධ වැඩි වශයෙන් ශරිරයටම එකතු වෙනවා. නමුත් ආයුර්වේදයේ තියෙන විශේෂත්වය තමයි කිසිම ශල්‍යකර්මයකින් තොරව ඖෂධ භාවිතයෙන් පමණක් ගර්භාෂ ගෙඩි සහ ඩිම්බකෝෂ ගෙඩි සාර්ථකව මැඩ පැවැත්වීම. ඒ වගේම විශාල ගෙඩි කුඩා කරන්ඩත් කුඩා ගෙඩි ඉවත් කරන්නත් ආයුර්වේදයේ ඖෂධ තිඛෙනවා.
දරුවකු අපේක්ෂාවෙන් සිටින යුවළකගේ ඩිම්බ සහ ශුක්‍රාණුවල සරුබව වැඩි කිරීමට තිඛෙන ආයුර්වේද ප්‍රතිකාර මොනවාද ?
ඩිම්බ සහ ශුක්‍රාණු වල ගුණාත්මක භාවය අඩු වීම, ප්‍රමාණාත්මකව වර්ධනය නොවීම සහ සරු බව අඩු වීම වැඩි කිරිම සදහා ආයුර්වේදයේ ඖෂධ රාශියක් දක්වා තිඛෙනවා. එතැනදීත් මුඛයෙන් ගන්නා ඖෂධ වගේම තෙල් ගෑම, තැවිම් වස්ථි දීම් වගේ ප්‍රතිකාර සහ එදිනෙදා ජීවිතයේදී දිය යුතු ප්‍රතිකර්ම ආදිය එක් වුණ ප්‍රතිකාර පද්ධතියක් තමයි මේ වගේ රෝගින් වෙනුවෙන් තියෙන්නේ.
මද සරු බව ආයුර්වේදයේ හඳුනා ගන්නේ කොහොමඳ?
ආයුර්වේද වෛද්‍ය ක්‍රමය මිට අවුරුදු සිය දහස් ගණනකට කලින් බිහි වෙද්දී එදා රෝගීන්ගේ රෝග හැදිනුවේ ප්‍රශ්න පරීක්ෂාවෙනුයි, රෝගියා දිහා බලා සහ රෝගියාගේ ඉන්ද්‍රියන් පරීක්ෂාවෙනුයි. ඒ කියන්නේ ස්පර්ෂ පරීක්ෂාවෙන්. නවින වෛද්‍ය විද්‍යාවේ වගේ රෝග හදුනා ගන්න අලට්‍රාසවුන්ඩ් ස්කෑන් වගේ දේවල් ආයුර්වේදයේ නැහැ. නමුත් ආයුර්වෙද වෛද්‍යවරුන්ට ඒ හැකියාව තියෙනවා.
ශුක්‍රාණුවල තියෙන සරු බව වැඩි කිරීමට තියෙන ඖෂධ තියෙනවාද?
අශ්වගන්ධ ඖෂධය, වදුරු මෑ කියන ඖෂධය ඒ කියන්නේ ඒ මෑ විශේෂයේ ඇටය විශේෂ ක්‍රමයකට ශෝධනය කරලා තම්බලා හදා ගන්න ඖෂධය තියෙනවා. ඊළගට බිම්පල් කියලා ඖෂධය රාශියක් තියෙනවා. ඒ සියල්ලම වාජිකරණ ඖෂධය කියලා තියෙනවා. ඒ ඖෂධය ආයුර්වෙද වෛද්‍යවරයෙක්ගේ නිර්දේශය මත ගත යුතුයි. මේ සඳහා ඉල්ලුම වැඩි වෙලා තියෙන නිසා විවිධ පෞද්ගලික සමාගම් පවා ඖෂධය නිපදවනවා. නමුත් වෛද්‍ය උපදේශයකින් තොරව ඒ ඖෂධ පාවිච්චි කරන්න හොඳ නැහැ. මා කලින් කිව්වා වගේම මේ හැම ඖෂධයක්ම මුළු ශරීරයම පෝෂණය කරන ඒවා. ඒ නිසා වෛද්‍ය උපදේශයකින් තොරව පාවිච්චි කළොත් ශරීරය ස්ථුල වෙලා කොලෙස්රෝල් වැඩි වෙලා ඛෙලහීන තත්ත්යන්ට පවා ලක් වෙන්න පුළුවන්.
වන්ද්‍යාභාවය ආයුර්වේද ප්‍රතිකාර මගින් නිට්ටාවට සුව කළ හැකිද ?
මෙතැනදි අපි කිව යුතුයි වන්ද්‍යාභාවය කියන්නේ රෝග සමුහයක් නිසා ඇති වෙන අතරු ඵලයක් කියලා. සමහර අවස්ථාවල වන්ද්‍යාභාවය නිට්ටාවටම සුව කළ හැකියි. නමුත් හිතන්න උපතින්ම ගර්භාෂය නොමැති කාන්තාවකට වන්ද්‍යාභාවය නැති කරන්නේ කොහොමද? එහෙම කෙනෙකුට දරුවෙක් හදා ගන්න බැහැ. සමහර වෙලාවට උපතින්ම පුරුෂයින්ගේ ශුක්‍රාණු නිෂ්පාදනය නොවෙනවා විය හැකියි. ඒ පටකය පුරුෂයාගේ උපතින්ම නැති විය හැකියි. හැබැයි බටහිර වෛද්‍ය ප්‍රතිකාරවලට යොමු වෙලා වන්ද්‍යාභාවයට ප්‍රතිකාර කරලා දරුවෙක් හදා ගන්ඩ බැරි වෙලා තමයි සියයට අනු පහක්ම කාන්තාවෝ අපි ළගට එන්නේ. එවැනි අයට අපි ප්‍රතිකාර කරලා දරුවන් ලැබුණු කාන්තාවන් ඕනෑ තරම් ඉන්නවා. ඒ නිසා අපිට ආයුර්වේද ප්‍රතිකාර වලින් වන්ද්‍යාභාවයට සාර්ථක ප්‍රතිකාර රැසක් තිඛෙන බව පැහැදිලිවම කිව හැකියි.
රාජගිරිය ආයුර්වේද වෛද්‍ය විද්‍යායතනයේ ජ්‍යෙෂ්ඨ කථිකාචාර්ය ප්‍රසව හා කාන්තා රෝග පිළිබද විශේෂඥ වෛද්‍ය කෞමදී කරුණාගොඩ
චන්දන බණ්ඩාර
උපුටා ගැනීම සිළුමිණ පුවත් පත ඇසුරෙනි
